كعدت الصبح واني احس جسمي چن سياره داعمتني لكيت روحي بعدني على الكاع كمت وسبحت ولبست دشداشة لون اسود بس مخصره وحجاب همين نزلت وهمين شحطوني للمطبخ گبل وساويت الريوك والبنات الوياي يحجن عليه.
رنين: هيو اصلا هيه فصلية جم شهر وتروح.
حوراء: والله بصراحه بعيداً عن انها فصليه احس شكلها حلو.
رنين بعصبية: حور لتخليني اجفص ببطنها لهل ساقطه.
وكع الصحن مني بسبب رجفه ايدي وهنه كامن يتصايحن
رنين: هييي المطبخ مو الج علمود تكسرين براحتججج زماللهههه
حوراء: لج ادفنج هنا إذا مانضفتي عدل وانتبهتي يافاهيهههه.
دخل مهند وعاكد النونه وهو فاير.
كال بصوت حاد.
مهند: منو تدفنين ست حوراء ؟.
حوراء بتوتر: ءءءء والله ماقص....
قاطعها براشدي طيرها حسيت بماي بارد ونزل على گلبي.
مهند: رنين احترمي نفسج هاي تبقى مرتي وعرض الشيخ مهند فلا تتجازوين عليها وهسه عديتها لخاطر عمي ابو ليث.
طلع وهنه باوعلي بحقد وطلعن غميتهن واني احجي.
روان:كون صخونه مال حصونه ماتصيرلجن چاره .
احجي واهز بأيدي كملت ورحت صبيت الريوك وكلهم كعدو يباوعولي بكره ردت اكوم بالمطبخ بس سمعت مهند صاحلي بصوت عالي.
مهند: ها بويه روان ليش ما كعدتي تاكلين؟.
ساره: وشعدها تكعد اصلا ميشرفنا الفصليه تكعد بنصنا.
روان: ءءء اني راح اتريك وي الحجيه ام سامر.
خزر ساره ووجهلي كلامه بهدوء استغربت من هدوئه.
مهند: أولا ساره لتدخلين بروان ولا تدخلين بأي شي اسوي تمام وهيه حالها من حالج هم مرتي.
حسيتها عطبت وكامت تدردم ومشت لغرفتها.
كعدت يمه بعد ما اشرلي اكعد.
كمت اكل بشهيه الاكل طيب واني مماكله من البارحه.
خلصت ومهند راح وكلهم ماتدخلو بيه ورا كلامه.
غسلت المواعين ونضفت تحت كلام رنين وحوراء الي جرحلي گلبي .
رنين: اكيد ابوها انطاها علمود ميحبها.
حوراء: اتفق لج اني بابا من هيج صار بي مانطاني كبل دفع فصل.
نشفت اديه واني ابجي بغصه رحت للغرفه وقفلته وكعدت ابجي وكمت سبحت وبدلت هدومي ولبست دشداشة لون جوزي وشسورت شعري ولفيته ولفيت الشال ونزلت جوا.
لكيت وحده جبيره بالعمر ومبين بملامحها الحنيه.
شافتني ابتسمت بهدوء واني بادلتها.
