صلو على محمد وال محمد 🤎.
ـ نجمة وتعليق يفرحني 🦋.
ـ فصليه مجلوبه محبوبه المشاهير والجماهير.
ـ استمتعو خاتوناتي🎀.
~~~~~~~~
' فترة والوجع يخلص
بس شيخلص الفَترة ؟..
~~~~~~~~
ـــــ البداية ؟ ـــــــ
طلع هو واني ضليت ابجي هسه شبيج تبجين مو ردتي الطلاك ؟.
طبيت جوا ونضفت البيت من فوك ليجوا واني دموعي ماسكتن اهوو شلون سالفه.
اجاني صگر وهو يهمهم جوعان.
صگر:- يمه جوعان.
روان:- اصبرلي هسه اسويلكم تمن ومرك.
هز راسه ومشى رحت للمطبخ سويت الغدا وصبيت ووكلتهم وكلمن راحله بجهه الي يلعب والي يدرس والي نام.
ضليت كاعده ابجي بحرگه اني ماكدر بدونه شلوون ؟.
مسحت دموعي ورحت سبحت ولبست دشداشة مخصره اشتريتها من تركيا.
سويت شعري وخليته مفتوح.
مشت الايام ومهند دائما يودي الاطفال للمدرسه ويلعبهم ويضحك وياهم ومامخليهم معتازين شي وكلامه قليل وياي ودائما يجر حسرات بس يشوفني.
بيوم.
اجتي ريحانه وتولين بجيت وسلمت عليهن مشتاقتلهن وهنه كعدن يسولفن.
ريحانه:- ولج دهر فلگج لويش عفتي الزلمه؟.
روان:- ريحانه ميصير واني هواي تأذيت وماكدر اكمل.
تولين:- بس هو يحبج روان صدكي يضل يبجي بالساعات بغرفته الا همام يجي يطلعه عيونه حُمر دم ومريض.
روان:- سلامته خيه شبيدي بس نفسيتي مجاي تتقبله موبيدي.
ريحانه:- يجده اعرفي مهند ماراح يعوفج ابد ولا راح يخليج لأحد غيره.
روان:- بصراحه يعني مو علموده بس اني بعد ماتقبل اي رجال حتلو جان زين.
هزت راسها واجتي ايلا وهيه تبوس بخدي.
ايلا:- عمه وين ايهمي؟.
ضحكت عمرها بس 5 وتحب ايهم هواي.
روان:- الحكي جاي يلعب وي بت الجيران.
ركضت هيه وبدلتها الورديه وشعرها الاسود.
ضلينا نسولف ونضحك طلعو وسلمت عليهم وراحو سويت العشه وتعشينا ودرست الولد ونومتهم بحضني متعودين ينامون هيج.
بعد شهرين!.
الايام تمشي بسرعه اباوع خمس اشهر بدون مهند وكليوم ابجي واتذكر ذكرياتنا رغم انو هيه مؤذيه وماجانت زينه بس الها بگلبي معزه.
بيوم راحو الولد للمدرسه واجوي الضهر بالباب اسئلهم عن حالهم ومهند كوه واكف استغربت وردت اسئله بس الي صدمني!.
