الحُب المجنون

البارت الرابع -الجزء الثاني-✨

بسم الله الرحمن الرحيم.

قبل القراءة فضلاً+ نجمه وتعليق يفرحني.

استمتعو خاتونات 🎀.

•••

ابدعوني انتم هلمره ✨:-

ــــ البداية ـــ

دفعته بصدمه وبقرف ركضت غسلت وجهي واني اجر النفس كوه من الخوف.

اجاني صگر وهو مستغرب حالتي.

صگر: شبيج يمه؟.

روان: مابيه شي حبيبي.

اخذني من ايدي وهو مامقتنع بالي حجيته.

مر اليوم وام لارين كلش حبابه واختها همين وحده لطيفه حبت التوأم كلش.

كعدت الصبح سبحت ولبست فستان جان موجود عندي احمر وبي خيوط من الخصر لأنو لارين كالت حيسوون عزيمه بمناسبه رجوعها وكذا وكالتلي اتكشخي كد ما تكدرين.

وصدك والله تكشخت وحطيت عطر وميكب وطلعت اجنن حرفيا.

اجوي هواي ناس مبينين اهلها معروفين.

خلص اليوم وفهد بس يخزر بيه واني ارجعله الخزره.

جنت بالمطبخ اكل جوعانه واجاني ايهم وهو يلهث بخوف.

ايهم:- لحكي يمه.

روان:- شكو ايهمي؟.

ايهم:- لكيت بابا مهند موجود وي الخطار وكلشوي يحجي وي صگر واشهم يبجي مايريده.

انصدمت.

روان:- شجابهه هلساقططط؟.

ايهم:- ماعرففف بس لحكي روحج لأنو هو كلش متحمل عليج وعلي.

روان:- هو هذا همم حضيييي.

عافني وطلع يركض خفت حيل ورحت اتأكد وفعلا لگيت مهند واكف ملابسه مال شيوخ ولابس البشت الاسود ودشداشه رصاصيه ومتغير حيل كأنو هموم الدنيا على كتفه.

اجتي لارين وجها اصفر كركم.

لارين:- شفتي مهند؟.

هزيت راسي وهيه لطمت على خدها.

روان:- لج شسويي؟.

لارين:- ماعرفففف ونوب يخزرني ويأشر عليج مساع.

روان:- ترحميلي خيه.

هيه راحت واني كعدت على كرسي بالمطبخ واتنفس بتوتر حسيت بفهد كاعد يمي.

فهد:- اخلصج منه بس بشرطَ.

روان:- شنو ؟.

فهد:- تتزوجيني..

روان:- هاي من الطير يكوم يسبح بالشط.

فهد:- وعليش يحضي ؟.

روان:-ترا بعدني على ذمته!...

فهد:- عادي اطلكج منه.

روان:- عود افكر وخر.

مشيت واني افكر لو تزوجت فهد معقوله يحميني اني وجهالي؟.