اللهم صلي على محمد وال محمد.
روان: اتعنىٰ المجان الِي كعدتةٓ ويِاك مـا الگاك بس رايد اَثر منك... بالچَن كلمه ضَلت ما نگلها الريح، الگاها وتجاوب بالنشد عَنك؟
لو ادور عطر منك بقى ع الگاع احط نَفسي عليه افيشش اشمنك، آجدامي مـن النشَد دوخن راٰس الكاع يدورن آثر منك بـِي يتبعَنك بوية عگدة براس فكري گلي احلها شلوون !! اأيس لو اضل للموت انطرٰنك.
حيل احب هلشعر يذكرني بجدي الله يرحمه.
كمت وسبحت ومشطت شعري يوصل لرجليه حيل طويل ويزعجني حطيت عطر وغركت بي.
اجا هو فتح الباب بهمجيه وهو فاير.
مهند: روان بوية فدوه لطلعين اليوم ابد.
روان: ليش.؟.
حسيته انسطر من عطري تقرب وشم شعري بشوغه.
روان: ءءء مهند شجاي تسوي.
مهند: مادخلج.
روان: شلون مادخلني وانت تشمشم بيههه؟.
مهند: كلج اليه ملكي .
روان: لا والله كلش انت تماديت بأحلامك بس صدك احلم بكيفك الاحلام مجانيه.
مهند: روان ترا انطيج راشدي اخليج تفرين حول نفسج.
تعصبت وخزرته ومشيت للجربايه ونمت غطيت روحي بيها.
سمعته يحجي بهمس.
مهند: الحبيبه وتمون عليه.
راح وقفل الباب سم وزقنبوت ان شاء الله بضلوعككك ياهنودييي.
مره فتره واني صافنه بغير عالم ليش كال اهلج موزينين؟ هو اكو موضوع مخفي عني؟. استغفرت ربي وكمت سبحت وبدلت هدومي ولبست دشداشة لون احمر ومخططه بذهبي من الاطراف ومخصره.
انفتح الباب شفته دخل وباوعلي صفن بيه صفنه لم يصفنها الصافنون ( عزاا هنودي ذاب بجمالج روانييي) صخونه كون شماله جنه مطي صافن ؟.
روان: شبيك صفنت؟.
مهند: معليج ونزلي تريدج ريحانه خبصتني.
نزلت وهو حاط ايده على خصري اجرها ميوخرها ابن اللذين مسوي رومانسييي خرب عرضككك لوما عضلات حلوه جا عفتك.
ركضت لريحانه وحضنتها وحطيت راسي بحضنها.
ريحانه: شبيج ولج؟.
روان: مهند شبي وياي؟.
ريحانه: اكلج الصدك لو ابن عمه؟.
روان: اكيد الصدك.
ريحانه: عشكج ولج.
روان: شبسرعه ؟.
ريحانه: أندري بس باعي اصلا ساره مرته ميخلي اي احد يضوجها بكلمه هسه مامهتم لخيالها وأنتِ عيونه معلگه بيج وتارك ساره ومينام وياها.
