بسم الله الرحمٰن الرحيم.
بقلمي: فصليه مجلوبه محبوبه المشاهير والجماهير.
طبعا بهاي 🔪 اذا محطيتو ( تصويت+ تعليق بين الفقرات).
ديلا استمتعو خاتونات 🎀.
ـــ البداية ـــ
كاعدين عادي كأي عائله نتغدا ونضحك ونسولف والوضع تمام كلش.
مهند: احم يابه اني عندي موضوع يمكن يعجبكم.
همام: تفضل هنودي.
مهند: حبيبي هموم الورد ، طبعاً اني قررت انو نروح مهند وتولين وروان والاطفال لتركيا سفره نغير بيها الجو وكذا يعني.
صفك همام وهز چتف.
همام: اني اول واحد تكلوني بالمطار.
تولين: كلش فكره حلوه ومناسبه لهل فتره علمود كلش تعبنا من شغل البيت على الاقل نغير نفسيتنا.
روان: ايي والله كلام مهند صح بس شوكت نروح؟.
مهند: باجر ان شاء الله الساعه بالسبعه طيارتنا احنا نروح بالسته علمود نلحگ.
اردفنا بالموافقه ورحنا اني وتولين غسلنا البيت غسله مال شهور هيج يعني تنضيف عميق كُلش.
اجتي ريحانه هاده على مهند.
ريحانه: ها ولك تروح بدونس لتركيه الخايسه؟.
مهند: يابه شلون انساج حجزتلج ويانه.
ريحانه: همزين جان شهرتك وخزيتك بس لا همين غزر بيك الزاد.
ضحك وضلو يسولفون.
روان: اكلج تولين نروح هسه للسوك نشتري جم شغله؟.
تولين: فكره حلوه بس وين نخلي الاطفال اشو همام كلش مو مناسب انو يهتم للاطفال لأنو مايعرف ومهند وكتو كلو خارج البيت.
روان: هيوو نسيتي زهراء اخت همام ومهند نخليهم يمها هسه ونروح.
تولين: خوش يابه راح احضر روحي.
رحت اني لمهند اتدلع علي.
روان: مُهَندي عادي تخليني اروح للسوك؟.
سحبني من خصري وضغط علي.
مهند: ياروح مُهَندج عادي يابه بس ليش ترا من نروح لتركيا هناك نشتريلجن.
روان ؛ لا مو نريد اشياء خاصه وكذا يعني.
مهند: تمام تدللين يروحي جيبيلي القاصه.
جبتها وانطاتي ميتين رحت جهزت روحي ولكيت تولين منتضرتني.
مشينا واشترينا ملابس للروحه كلش حلوه وهمين للاطفال واشترينا عبايه وشيله لريحانه.
خلصنا ورجعنا للبيت وخلص اليوم واجا وكت روحتنا للمطار.
لبست فستان ابيض طويل ومستور وحلو كلش ولبست ربطه سوده وحطيت ميكب خفيف وعطر وبدلت للتوأم وقررنا ننطلق.
