خاتون الشيخ ركان

البارت الثالث

خاتون.... شكرا مره ثانيه
مياسين....يله نروحك
ركان.... تمام يله
حاسبنه وطلعنه
مياسين.... تعال انزل
ركان.... لا غير مره اريد اروح الشركه اليوم كله مارحت
جنت اريد اروح وطلع الشيخ ضرغام
الشيخ ضرغام.... تفصل ابني نظيفك فنجان كهوه
بعد ماكدارت ارد كلمته
الشيخ ضرغام...... شلونك ابني اخبارك الشيخ سلطان شلونه
ركان.... بخير الحمدلله
الشيخ ضرغام..... عود مر علينه لو مامياسين مانشوفك
ركان.... حقك بس تعرف الوضع وشغل
الشيخ ضرغام.... الله يقويك وابني
ركان..... اترخص شيخنا
الشيخ ضرغام..... مرخوض بويه في امان الله
ركان.... رحت المكتب وسويت شكم شغله وصار اليل
رجعت البيت
ام ركان....تعال تعشه ويانه
ركان.... ابدل واجي
ركان غسلت وبدلت ورحت اكل وياهم
ركان.... السلام عليكم
لكل.... وعليكم السلام
صادق.... هلا ب الشيخ ركان
ركان.... هلا بيك صادق افندي
ركان.... يسلم عليك الشيخ ضرغام
سلطان..... الله يسلمك وين شفته
ركان.... وصلت مياسين وشفته
يلاف.... أي عيني هاي مياسين توصلها بس
يلاف منو بحالها
ركان..... مو عندج سايق يوديج ويجيبج
يلاف.... ع اساس مياسين ماعدها
انوار.... لا تحاولين ماعندج فرصه هاي ام ياسين قبل
مثلج زوجته المستقبليه
لا تضوجين انا اوصلج
ركان..... هاا انوار هم انت صرت وياهم
صادق.... أي مو حنى المظلومين لازم يصير ويانه
انوار.... طبعاً
سلطان.... هسه اليسمعكم يكول خاليكم ب الشارع
ام ركان.... عوفهم يتشاقون الله لا يحرمني من هاي الجمعه
لكل.... امين
رحت الغرفتي اريد انام بس وين لي يجي نوم اول مااخلي راسي ع المخده تجي خاتون بالي ماعرف هاي البنيه ليش هيج طبعت بالي وشغلت تفكيري
بقيت أحاول انام الحد مااذان وصليت الفجر ونمت
خاتون..... اليوم جان كلش متعب وناس مادري شبيها كلها طالعتلها الاوله وعبالك الفلوس بابكينها وجايين
لؤلؤ..... هسه بايكيها بايعين ذهب نسوانهم اهم شي حنى نستفاد هههههه
خاتون.... أي والله صدوك حنى شعلينه
يله خال نام لان كلش تعبت ولا تكعديني انا شوكت ماكعد ع راحتي تمام
لؤلؤ.... تمام
ركان....
صار الصبح وكعت سبحت وبدلت
ام ركان.... صباح الخير يمه
ركان.... هلا بنبع الحنان صباح الخيرات ياوجه الخير
شلونك شيخنا
الشيخ سلطان.... هلابيك ابني اليوم العصر اريدك موجود
ركان.... تم خير
الشيخ سلطان.... عدنا كعده عمود بيت ابو مصطفى
وسالفة ابنهم سالم
ركان..... هذا الولد ابد مو ادمي جاب الحجي الهله
عاد بيت ابو مصطفى ونعم منهم بس هذا مادري عليمن طالع
الشيخ سلطان...أي والله
ركان....  دايمه يله من رخصتكم
طلعت وصعدت السياره وتصلت مياسين
مياسين..... صباحووو حب
ركان.... صباح الورد
مياسين.... شلونك اخبارك اليوم
ركان.... تمام وانتي اليوم ماريحه الكليه
مياسين.... لا مارحت مالي خلك
ركان.... خير شبيج
مياسين.... مابيه بس ضايجه ركان خل نطلع نغير جو يعني نطلع طلعه غير شكل مو مطعم ومول لا اريد مكان مختلف
ركان..... تدللين بس خليها غير يوم لان اليوم عندي كعده العصر وهسه ريح الشركه تطلبيني سفره وعد
مياسين..... اصلا ع طول مشغول شكرا
ركان.... هسه شنو زعلانه
مياسين.... ليش يهمك اذا زعلت ركان تعرف شنو ساعات احسك ماتحبني
ركان.... مياسين شهل حجي يعني لان ماقبلت نطلع معناها ماحبج
مياسين.... مو بس ع طلعه احسك بارد اتجاهي
ركان شوكت كتلي احبج أو حبي أو حبيبتي جاوبني شوكت كتليها اخر مره
ركان..... هسه هذا شنو من الصبح هذا طبعي وانتي تعرفي الموضوع مو موضوع ماحبج ومادري شنو بس هذا طبعي
مياسين.... شفت شلون تتهرب من الموضوع لان اصلا ولا مره كتلي هيج حجي صار مخطوبين سنتين غير
انو حنى نعرف بعض من وقت ماجنى زغار انا شكم مره عبرتلك عن حبي
ركان.... مياسين وصلت ع الشركه ولازم انزل نحجي بعدين بهذا الموضوع
مياسين.... ركان لا تحجي وياي بعد
ركان.... استغفر الله ربي واتوب إليه
سديت التليفون وبديت اشتغل وجان عندي لود ب الشغل حتى الكعده اعتذرت ومارحت
خلصت جنت راجع البيت بس بدل ماروح البيت رحت المكان لي تشتغل بي خاتون
دخلت وشفتها تركص والناس كلها عيونها عليها
المنظر شعل النار بيه لو بيدي اجرها من شعرها
هي تركص ولا عبالك ومايهما وكل شخص بهذاك المكان القذر ينفحص جسمها ويستخدمون الفظ استغفر الله
ركان.... انت شتسوي هنا هذا مو مكانك شتكول اذا واحد شافك هنا انت الشيخ ركان كلها تحلف براسه
خاتون.... هذا نفسه
جنت اركص ولمحته مادري ليش حسيت قلبي صار يركص من الفرح بس شكله معصب هو شكله معصب كل مره اشوفه
من شفته يريد يروح كتلهم بخلون اجيبك لدرب نزلت وصرت اركص يمه واغني وياه الغنيه
اجيبك الدرب كتلك اجيبك متراهن عليك اصبح حبيبك انا قافل عليك لا اجيبك
لا تتعاند وياي ماتكدارلي يهواي
انا قافل عليك لا اجيبك
اجيبك لو وراك العالم تصير لان حبك بعد ماخله تفكير خليهم يصيرون لو ضدي يصيرون
انا قافل عليك لا اجيبك لو عليك الفين حراس
بنص الليل اجيبك وتشهد ناس
خاتون... قربت منه مو كتلك راح تجي مستحيل احد يشوف خصر خاتون ويكدار ينساه 😉
ركان..... قربت مني بحيث صرت انتفس انفاسها
خاتون.... كملت ركصي وانا اغاني يمه ولكل تباوع لان ولا مره مسويه هيج شي انا مانزل من المسرح
ابد لي شخص كان ولا اركص بقرب احد حتى لو انطوني فلوس الدنيا بس مادري ليش هيج نزلت له
وتحت انظار لكل بقيت اركص وعبالك جاي اركص بس له واني حتى اسمه ماعرفه الحد ماخلصت الاغنيه
خاتون.... ماتعرفنه بسمك
ركان..... ركان
خاتون..... مو بس شخصيتك مميزه حتى اسمك
ركان.... اجيت اروح مسكتني من ايدي
خاتون..... بعد وكت هسه بدت السهره
ركان.... عندج هسه بدت بس عندي المفروض تنتهي من زمان
خاتون..... راح تجي مره ثانيه
ركان.... سمعتها بس ماجاوبت لان فعلا انا محتار
هذا مو طبعي ولا مكاني ولا حاب وجودي بي بس
بنفس الوقت هي لي تشدني حتى اجي اشوفها عفتها ورجعت وانا كلش ضايج والوم نفسي لان رحت هيج مكان يغضب رب العالمين وهم اذا الشيخ سلطان عرف ماراح يكون خير وضميري يئنبني لان مجرد التفكير بوحده ثانيه غير مياسين يعتبر خيانه
بس الموضوع مو بيدي يكولون المحبه من الله
بس معقوله عفت بنات الدنيا كلها ورحت على راقصه
رجعت البيت.
لكيت امي منتضرتني
ام ركان.... يمه انه جم مره اكلك لاتتاخر مو زين عليك
ركان..... جان عندي شغل وبعدين انا جم مره كتلج لا تنتضريني نامي يا الحنينه
بستها ع راسها
ام ركان..... شنو هذا العطر نسائي اول مره اشمك خاله
ركان.... أي عطر جديد بس طلع نسائي
وبدلته
ام ركان.... لو ماعرفك جان كتلت جنت يم وحده
ركان..... استغفر الله انه مال هاي سوالف يله يالغاليه اروح انام
ام ركان..... نوم العوافي يمه
ركان..... ماشاء الله وصاير جذاب هم بعد شنو راح تسوي
ركان سبحت وتوضيت وفرشت سجادتي
ركان.... يارب يااللهي انت اعرف بذات الصدور
ماريد اكون من عبادك الفاسدين وادري لي جاي يصير
خطأ بس ليش هيه من دون كل البنات يارب بحق محمد وال بيته الطاهرين ترويني طريق الصح ونتور
بصيرتي قبل بصري بحق فاطمه وابيها وبعلها وبنيها
وسرك المستودع فيها يارب
يتبع.....