خاتون الشيخ ركان

البارت الثامن

تصويتكم وتعليقاتكم تفرحني وتخليني استمر ب الكتابه🥹🤍

_____________________________
ركان... جنت سرحان بصوت خاتون وسمعت صوت الأذان
كمت توضيت وصليت وخلصت صلاة وبقيت ادعي
الهي وسيدي ومولاي بحق فاطمه وابيها وبعلها وبنيها وسرك المستودع فيها يارب
انرر بصري وبصيرتي يا الهي انت اعلم وانا لا اعلم
وانت ترى وانا لا ارى اليك تعود جميع الأمور انت تفعل ماتشاء ولا تفعل مايشاء غيرك ارحمني برحمتك يا ارحم الرحمين يا الله
وكمت شلت سجاتي  ورحت أنام
خاتون....بقيت اليل كله قلقانه صار صبح وانا مو نايمه
لؤلؤ....مانمتي شنو
خاتون.... لا والله بعدني
لؤلؤ..... شبيج
خاتون....حضري نفسج وجهزي ملابسج
في قصر الشيخ سلطان
ركان.... كعدت وسبحت بدلت ونزلت
ام ركان.... صباح الخير يمه
ركان... ببتسامه هلا الغاليه اكيد صباح الخير لان مصبح بوجهج
ام ركان.... بعد قلبي أي هذا الحجي لينسمع من الصبح
صادق..... أي طبعاً هذا ركان قابل انا لو شكلج ماترضين عليه
ام ركان.... خو انت ابو السانين ناشب وياه
صادق.... طبعاً انا كلش مو خوش
ركان....هههه يله كافي الغوه من الصبح وين الوالد
ام ركان .... طالع من وكت عنده طلابه ب العمارة
ركان...ماكلي
صادق...شافك ملتهي عندك هواي شغل😉
ركان...شبيك تتغامز
صادق... لابس البارحه من خابرتك شفتك مشغول
ركان...  يله كافي لا تلح
يله انا تاخرت
طلعت وصعدت بسياره وخابرت خاتون
ركان..... الو
خاتون.... الوو
ركان... جهزوا نفسكم ودزيلي عنوان بيتج
خاتون..... تمام دزيته
ركان.... نص ساعه وكون يمكم
خاتون.... تمام
لؤلؤ.... شنو صار
خاتون.... جهزي نفسج يله ركان راح يجي ياخذنه
لؤلؤ..... انتي ليش واثقه بركان هيج يجوز يطلع متفق وياه مالك
خاتون....ماعتقد متفق وياه بس انا واثقه بي ماعرف شنو السبب
واصلا ماعدنا حل ثاني
ركان....وصلت ودزيت رساله الخاتون
انا جوه
خاتون....تمام نازلين
ركان... بقيت انتضر خاتون ولؤلؤ يجون تقريباً عشر دقايق وجت
خاتون.... مرحبا
ركان.... مراحب
يله صعدوا
اخذتهم البيتي جنت مشتري حتى افتح فرع ثاني الشركه مالتي بس بعدين اختارين مكان ثاني
وهو بقه
خاتون.... وين جايبنه
ركان....هذا بيتي تعالوا
خاتون.... البيت كلش حلو وجبير عبالك قصر بشكل اصغر شوي
كلشي بي جاهز وحلو
ركان.... هذا المكان امن ومحد يكدار يوصلكم هنا
خاتون ارقامكم لازم تبدلونها
اخذي هذا الرقم استخدمي عند الضروره كلشي تحتاجونه اتصلوا بيه تمام.
خاتون..... شكرا على كلشي تعبناك ويانه واشغلناك
ركان.... لا ابدا
يله انا رايح
خاتون... مع السلامة
ركان.... طلعت ورحت الشركه
وخلصت هواي امور
بعدين اتصلت
ب مدير خاتون وكتله خلص خاتون ماراح تجي تشتغل عندك واي شخص يسئل عليها كله مادري
وطبعا اخذ مبلغ محترام
بعدين اتصالت بمالك
الووو
ركان..... بشر فكرت بالموضوع لو بعدك
مالك.... تمام اتزوجها بس بشرط هذا شي وهو
يبقه بينه ومحد يدري بي
ركان.... متفقين بس تنطيها كامل حقوقها
مالك.... تمام متفقين شوكت
ركان.... باجر انا انطيك الوقت والتاريخ
اتصلت على خاتون
خاتون.... الوو
ركان.... اتفقت وياه مالك وخلص باجر راح تمهرون
شكد تريدين مهر حتى اتفق وياه مالك
خاتون.... كلش مانريد منه بس خل نخلص من هاي المصيبة
ركان..... لا هذا زواج لازم تاخذ الحاضر والغايب وعتبري تعويض الها يفيدها باجر عكبه
خاتون.... انا ماعرف بهاي الأمور تصرف من يمك تمام
ركان.... خلص خليه عليه
في قصر الشيخ ضرغام...
مياسين..... هذا مادري وين يغط يختفي وبعدين يطلع
انوار..... هذول ال ديوان حبيبتي بلوه يحبون تركض وراهم وحنى هم مامقصرات گاتلات روحنه
مياسين..... يمه فدوه الله اخوي شمسويلج بله
انوار.... حاله حال ركان كل يوم عندي سفره مال شغل
واذا موجود ملتهي ب الشغل وكلشي ماشايفه منه
ونهار كله انا ادك وانا اسئل وحنى مو عايشين نفس البيت لو يضل اسبوع كامل مايشوفني هم مايكول وينها
مياسين.... مايحبج اكيد لو عنده وحده ثانيه
انوار.... عليج الحسين
مياسين.... واضحه الشغله بدون مااحلف
انوار.... معناها ركان هم شايفله وحده
مياسين..... لاعيني صح ركان يختفي يومين اذا طول تلاثه بس نحجي ونطلع وادري بي مشغول ب الشغل وبعدين احنى مخطوبين مو متزوجين
انوار.... هسه اخابره اليوم وين يروح مني ابن ضرغام
مياسين.... انا اخابر ركان احسن
مياسين....الووو
ركان.... هلا والله
مياسين.... شلونك اخبارك
ركان.... زين الحمد لله هسه جنت اكول اليوم ماكو
مياسين.... اذا هيج ماتصلت
ركان..... جنت اريد اتصل وانتي اتصلتي
مياسين... اممم
ركان.... شلونج اليوم
مياسين..... There was nothing special. It was normal
ركان.... الحمدلله ماكو أحداث مشوقه
مياسين.... ،no
ركان.... وين صادق عنج
مياسين..... هههههه صادق crazy
ركان....  هسه كون يسمعج تكولين هيج عنه
مياسين.... لا يمعود شيخلصني منه بعد
من غير شي يصحني ام ياسين
ركان.... هههههه
مياسين.... يله ماعطلك باي
ركان.... في امان الله
خلصت وتصلت بمالك
ركان.... الوو
مالك.... الووو
ركان.... باجر على موعدنا
مالك.... تمام انا جاهز
ركان.... ولازم تحضر وياك 15مليون
مالك.... وهاي شنو
ركان.... مهر البنيه اكو واحد يتزوج بدون مهر
مالك.... ماتفقنه هيج
ركان.... شنو يعني قبل تتزوج بلاش لو حاب اجيب وياي عمك
مالك.... ماشي وبعد
ركان.... راح يكون الغايب 25مليون
مالك..... لا هيج هواي منو هي حتى ادفعلها أربعين مليون
ركان....مو كلشي رخيص مثلك هذا شي قليل بحقها
مالك.... ركان كلش صارت السالفه مو تمام
ركان...باجر نلتقي
رجعت البيت
صادق.... هلا ب الشيخ ركان ومية هله
ركان....هلابيك خير اشوفك كاعد اليوم هنا
صادق...أي عدني موضوع وياك
ام ركان...ولك شتريد منه
صادق.... اخوي وعندي موضوع وياه شلون انوب
ركان....هلا ب الحنينه الغالية
ام ركان..... هلا بيك يمه شلونك
ركان.... ابوس ايدج يا الغاليه
وانت تعال وراي خل نشوف شنو عندك
صادق.... جاي
صعدنا الغرفتي
ركان.... غرد
صادق.... هيج بدون مقدمات
ركان.... نعم بدون مقدمات
صادق.... قلبي
ركان.... شبي
صادق.... ضاع
ركان.... روح دور شوف وين شلته بلكت تلكاه
صادق.... شنو تتمزهد عليه
ركان.... شسويلك انت تكول ضاع جاي اكلك ادخل بصلب الموضوع بدون مقدمات
صادق.... بدون مقدمات انا عاشك
ركان.... منو وشلون ويمته
صادق... منو ماعرف شلون صدفه يمته صار يومين
ركان.... شلون يعني ماتعرفها
صادق.... لا ماعرفها اول مره شفتها جان قبل يومين ومن ساعتها وهي بالي وقلبي وموراضيه تطلع
وانا أصلا ماعرف عنها شي حتى اسمها ماعرفه
ركان..... وهسه شنو ناوي تسوي
صادق..... لازم الكاها لو شنو كالف الأمر
جنت احجي وياه صادق وتصلت خاتون
ركان....يعني شلون تلكاها كانما ندور على ابره بكومة قش
صادق.... تليفونك
ركان.... أي عادي بعدين اجاوب
خاتون.... اتصل يرن بس مايجاوب وينه
صادق.... باوعت ع تليفونه مكتوب خاتونتي
أي عمي ام ياسين صارت خاتونتك
ركان.... امشي اطلع برى اصلا صوجي مكعدك واحجي وياك
صادق.... طالع أبو خاتون
ركان.... بس طلع ركان رجعت اتصالت على خاتون
ركان... الووو
خاتون.... الووو
ركان.... اسف جنت مشغول
خاتون.... لا عاد اني اسفه زعجتك بهذا الوقت
ركان.... كلش عادي شبيكم ماصاير شي
خاتون.... لا مصاير بس ردت اعرف شصار وياك عمود مالك
ركان.... كتلك باجر اجي اخذكم
خاتون..... شكرا تعبناك ويانه
ركان.... لا تعب ولا شي مامحتاجه شي ماتردون شي اجيبه وياي من اجي
خاتون.... سلامتك تصبح على خير
ركان.... وانتي بخير
نمت وكعدت على صوت الأذان وصليت الفجر
بقيت اقره قرأن بعدين بدلت وطلعت جان عندي شغل خلصته بعدين اتصالت على مياسين
وطمئنيت عليها وبعدين ب مالك
ركان.... الوو جاهز
مالك.... أي جاهز
ركان ....تمام راح ادزلك الكيشن وتعال
مالك.... تمام
خابرت خاتون
ركان....الووو جهزوا نفسكم هسه جاي اخذكم
خاتون.... تمام
رحت اخذتهم وطلعنا ع الشيخ
اجه مالك
كملنا ومهرو ا
ركان.... بعد يومين نلتقي هنا وطلك وين المهر
مالك... تفضل
ركان.... اخذتهن ونطيتهم الخاتون
هذا حقها
خاتون.... شكرا ركان من كل قلبي
ركان.... ولو ماسويت شي
وصلتهم البيت ورحت رجعت الشغلي تقريباً ورى 3ساعات وتصلت خاتون
خاتون.... الووو ركان عفيه تعال بسرعه الله يخليك راح تموت
..... يتبع