خاتون الشيخ ركان

البارت الرابع

ركان.... بفاطمه وابيها وبعلها وبنيها وسرك المستودع فيها يارب
خلصت ورحت نمت وكعدت الصبح
خابرت اسامه
ركان.... الو اسامه صباح الخير
اسامه..... صباح الخير استاذ ركان
ركان...اسامه اليوم ماراح اجي رتب الامور من يمك
والمواعيد اجلهم
وخلي امير يروح المالك وياخذ فكره عن الموضوع تمام
اسامه.... حاضر أستاذ
دزيت رساله ل مياسين
حضري روحج بعد ساعه راح اجي اخذج
مياسين .... جنت اجهز نفسي اريد اروح الكليه
وجتني رساله من ركان
جاوبته
لا ماكو داعي تعب نفسك السايق ياخذني انت مشغول
ركان.... هههه لا مو مشغول وبعدين راح اخذج بس مو للكليه
مياسين.... وين
ركان.... مفاجئه
مياسين.... غير اعرف حتى ابدل ع اساس المكان لي رايحيله
ركان.... لبسي ملابس بسيطه وهم شي يكون بنطرون
مياسين.... بنطرون🤔شعجب
ركان.....لا تفرحين لبسي فوكه بشت يله راح تتاخرين
مياسين..... تمام
معقوله راح يطلعني اليوم بس وين ع العموم أي مكان المهم انا وياه كلش فرحت بدلت ملابسي مال كليه وغيرة المكياج لبست جنز وقميص مريح ب الوان هاديه
ركان.... وصلت يله طلعي
مياسين.... ثواني
ركان.... لا اوكفي انا راح انزل خل اشوف شنو لابسه
مياسين....هههههه عيب هيج
ركان..... افكارج منحرفه ههههه مو هذا قصدي
مياسين..... يله نازله
ركان.... دخلت البيت العامله فتحت الباب
وانا احجي وياها ع تليفون
وهيه نزلت من الدرج
لبسه جينز وقميص طويل مكياج خفيف
مياسين..... هاا شنو رايك
ركان.... بوعتلها بعين ونص وين البشت
مياسين..... بربك ركان فميصي طويل وهاف يعني ليش البشت بعد
ركان.... روحي لبسي عباية راس
مياسين..... روح اطلع وحدك انا بطلت
ركان..... اول وتالي تلبسيها يعني بعد ماطلعين
مياسين..... من نتزوج الله كريم
ركان..... يعني مو ناويه تلبسينها
مياسين..... هسه انت جاي نطلع لو نتناقش على موضوع العبايه
ركان..... اخذت نفس عميق يله كدامي
مياسين..... من الفرحه بسته على خده بطريقه طفوليه وطلعت
ع.فكره هاي اول مره اسويها صح حنى صار مخطوبين سنتين بس ابد مابينه تلامس ابدا يعني اقوى شي نمسك ايدين بعض يعني ركان ماحاول ابد واني مستحيل ابادر بس هاي اول مره طلعت مني بطريقه عفويه ومو مقصوده هههههه
ركان..... بستني ع خدي مثل الطفل
طفله يله امشي
مياسين.... طفله طبعاً ليش منو كالك انا جبيره
ركان..... هههههه طفله واحلى طفله بعد
مياسين.... بس بعدني زعلانه
ركان..... وانا راح اصالحج
لؤلؤ.... صح نوم كومي
خاتون.... خاليني نايمه شتريدين
لؤلؤ..... شنو سويتي البارحه
خاتون.... شسويت
لؤلؤ..... هذا أبو المطعم شلون نزلتي وركصتي يمه
خاتون.... جوعانه روحي طلبينه غده وانا راح اسبح واصحصح وانسولف
لؤلؤ.... مبين السالفه جبيره
خاتون.... لا صغيره
لؤلؤ... نشوف
مياسين.... ضلينه نمشي بسياره تقريباً ساعتين
وصلنا مكان كلش حلو كله خضار ويمكن بستان او هيج شي
دخلنا ب السياره نص هذا البستان مكان مبني عباره عن زجاج فد شي يجنن عبالك جوهره
فتنه المكان مرتب ومزين بطريقه تجنن ورود
مياسين....واو انت مسوي كل هذا
ركان.... انتي شنو تكولين
مياسين..... بصراحه ابد مجنت ادري انت ممكن تسوي هيج شي شكلك جدي واهم شي عندك الشغل
ركان..... هسه شنو جاي تسمعيني حجي لو تمدحيني لو شنو
مياسين.... لا بس متفاجئه
حلوو عاشت ايدك
ركان..... دللي حنى شكم مياس عدنا
مياسين.... لا اوكف قلبي الصغير لا يتحمل
مكان رومانسي وترتيب وهم دلع هيج هواي دفعه وحده
ركان.....هههههه
مياسين اخذ ايدي ومشينه كعدني كدام الطاوله مزينها ورود وشموع ومسوي ديكور كلش حلو بصور اني وياه
وكعدني ومسك يديناتي
ركان..... مياس انا اسف اذازعلتج حتى لو بدون قصدي
مياسين..... ركان انا ابد مازعل منك حتى لو كتلك زعلانه بس ادلل عليك بس بقلبي ابد مازعل منك
انت روحي وحب حياتي هم شفت واحد يزعل على روحه
ركان...... انتي جوهره مستحيل اكو منج انتي جوهرتي ومستحيل بيوم افرط بيج أو ازعلج
لؤلؤ.... يله خاتون خانم وصل الاكل
خاتون.... اجيت
لؤلؤ..... يله احجي حبيتي
خاتون..... هههههه حب عيوني انتي لي مثلنا مايحبون واذا حبوا يحبون ناس مثلهم
اما ركان
لؤلؤ.... اسمه ركان حلوو
خاتون.... كلشي بي حلووو
لؤلؤ..... وتكولين ماحبيته
خاتون..... حلو بس مو للحب ياحب هذا بعدين الرجال مبين عليه محترم ومو من هذول الشكولات
لي نشوفهم مانكر انو شخصيته شدتني وعدم مبالاته هيه لي خالتني انزل وارقص يمه بس حب اصلا اناس تشوفنه بس الونسه مو للحب عوفج من الموضوع تعرفين
لؤلؤ.... شنو
خاتون.... هذا المندي يامي شوفي يشهي صدك عشق
لؤلؤ...هههههه
مياسين.... بعد ماتغدينه وتمشينه شوي ب المكان طلعنا
مياسين..... راح نرجع البيت
ركان.... لا
مياسين.... وين رايحين
ركان..... مفاجأة
مياسين..... احب Suprise
ركان.... من اتشوفينها راح تحبيها اكثر
مياسين.... واو حماس
ركان.... تعرفين شغله
مياسين.... what
ركان.... لي يشوفج ابد مايكول انتي بنت الشيخ ضرغام
مياسين.... ليش
ركان.....يعني طريقه كلامج وولبسج ماتشبهم ابدا
مياسين.... يعني شنو وين الغلط بيه لو بيهم
ركان..... ماكو غلط لا بيج ولا بيهم هما مثلنا انا واهلي نحجي مثلهم ونلبس نفسهم وبنهايه هما اهلي
وانتي لو جان بيج شي غلط مجان صرتي خطيبتي
بس طريقتج وبلبس تختلف وطريقه كلامج واعرف لان عشتي وياه حيدر فتره طويله هو هذا السبب
مو اكثر
مياسين.... صح وابوي من رجعت ماجبرني على شي لان شاف انو ماكو شي غلط ب البسي
ركان..... وصلنا
مياسين..... فعلا هاي المفاجأه
ركان.... نعم هي
مياسين.... مانسيت
ركان..... لا ابدا مانسيت
يله تعاي
مياسين.....وين الناس
ركان..... ماكو انا وانتي وبس هذا المكان مالكج المدة 3ساعات
مياسين..... تحجي صدوك
ركان...... انتي شنو تشوفين
مياسين..... اريد اصعد هنا
ركان..... صعدي
مياسين..... اخاف وحدي
ركان..... اذا خايفه ليش تصعدينها
مياسين.... خايفه بس اريد اجربها
قربت منه ومسكت يديه وخليت عيوني ب عيونه
مياسين.... بس اذا انت وياي مراح اخاف من شي
ركان.... ب بتسامه خفيفه يله تعاي
بقت مثل الأطفال تطفر من لعبه الثانيه
مياسين..... ركان شكرا من كل قلبي انت احسن رجال بدنيا
ركان.... ولو دللي
مياسين..... بحياتي ماحبيت شخص غير ركان من وقت ماجنت طفله ونلعب ماحب العب غير وياه ركان وحتى لمن صرت مراهقه كل البنات عدهم اشخاص معيبين مو شرط يعني شخص يحبونه يعني ممكن يكون ممثل أو لا عب أو اي شخصيه
بس انا جان ركان هو بطلي الوحيد جنت ماشوف غيره ولمن اجه وخطبني حسيت نفسي طايره
بس ساعات احس ركان بارد يمكن هو هذا طبعه يعني عندي صديقات مخطوبات وبحكم حنى بنات ويصير بينه حجي يسولفولي شنو يحجون وياهم
وهيج شي احس العلاقه بيني وبينه رسميه شوي
بس مومهم المهم هو وياي واكيد بعد الزواج يتغير
ركان.... مياس وين صافنه
مياسين.... جنت اتامل عيون ركان سود واوساع رموشه كلش حلوات جنت صافنه بيهم رحت مادري وين وركان صاحني وجاوبته
مياسين... هاا عيونك
ركان.... شبيهم
مياسين.... يجنن
ركان.... عاجبتتج
مياسين....  راح اموت عليهن
ركان..... اخذيهن
دنكت وصار وجهي قبل وجها كتلها اخذيهم
مياسين..... ماعرف بشنو جنت افكار لمن ركان نزل وجهه صار قريب من وجهي نفاس ركان جانت بوجهي قربه مني لهاي الدرجه وهاي اول مره هيج
يكون قريب بدون ماحس ع نفسي قربت وجهي وبس عيونه يمكن حتى هو نصدم من تصرفي بقى
صافن بوجهي واني ماعرف بقت نضراتي عليه جنت شايفته مو مصدكه
ركان.... اني نزلت وجهي وكتلها اخذيهم بدافع الشقه
هي باست عيون بصراحه صدمني تصرفها هو صح هيه خطيبتي ويمكن يصير أكثر بين المخطوبين
بس هاي اول مره هيج يصير بينه بقيت صافن ماعرف شنو لازم تكون ردت فعلي وهي بقت نضراتها
عليه يمكن جانت تتوقع مني ردت فعل معين وتتاملني نضراتها بتوتر وشفايفها ترجف
مياسين.... ركان تحبني
ركان..... اكيد انتي خطيبتي وان شاء الله تصرين مرتي وام جهالي
مياسين...... ركان لا مو لان خطيبتك
ركان..... شنو يعني
مياسين.... ركان اني احبك قبل لا تصير خطيبي وحتى لو ماصرت هم جان بقيت احبك
ركان..... يعني لو مااحبج ماخطبتج
مياسين.... تمام انسى الموضوع
ركان..... يله نروح
رجعنا وصلتها البيت
مياسين..... حبي اليوم جان كلش حلوو شكرا
ركان..... دللي اهم شي تكونين فرحانه
مياسين..... وجودك بحياتي اكبر فرحه
ركان..... راح اكون دائماً بحياتج
مياسين.... اكيد ليش تكدار ماتكون
ركان..... لا يبويه وين اكدار
مياسين..... بسته بطرف شفايفه ونزلت باي حبي
ركان....باي
مياسين.... صح اليوم اني كلش جريئة
سوالفت الصديقتي المقربه وجان تكول لازم واحد منكم يبادر يعني مايصير علاقتنه عبالك اثنين اصدقاء مو مخطوبين
ركان.... اليوم مياسين متغيره تصرفاتها هو يمكن هذا
حقها يعني لازم تحس ب شويت حب واهتمام بس
انا ماحس شي تجاها هي بنت عمي ومتربين سوه
ولمن ابوي قرار يخطبها ماعترضت بس من خطبتها
ماعندي اي لهفه تجاها
ام ركان..... هلا يمه وين اليوم
ركان..... جنت طالع وياه مياسين
ام ركان.... شلونها
ركان..... زينه الحمدلله
ركان.... راح اروح انام وارتاح يالغاليه ولا تكعديني خاليني اكعد ع راحتي
ام ركان.... تدلل يمه
ركان..... رحت نمت وكعدت ب 11بليل جنت مقرار ماطلع اليوم
بس ماكدارت امنع نفسي انو اروح اشوفها
رحت سبحت وبدلت وطلعت
ام ركان.... يمه وين طالع راح تصير ب12
ركان.... أي راح اروح يم الولد متجمعين ودزو عليه
ام ركان.... خالي بالك ع نفسك
ركان.... صعدت سيارتي ورحت المكان لي بي خاتون
وهو بعيد شوي صرت ماكدار اذا ماشوفها صح هذا شي يزعجني بس ماكدار ماشوفها
دخلت ماشفتها موجوده كعدت
خاتون....  جنت جاي استعد حتى اطلع مادري ليش حسيت هو موجود.دزيت لؤلؤ تشوفه
لؤلؤ.... موجود كاعد ينتضر
خاتون..... متاكده هو
لؤلؤ.... هو
خاتون.... تمام طالعه
شغلوا...ماجاي انام ليل بيك انا فكر
جا ليش انكر فركاك يكسر
مابيه حيل الفراك وبدونك اصبر الوقت مايمر