خاتون الشيخ ركان

البارت السابع

خاتون.... تكدر تحجي وياي البيت وتحجي وياها
ركان....تمام بس انتي جيبيها وتعالي
خاتون....تعال وياي اختصار للوقت لو تخاف
ركان... فعلاً اخاف من رب العالمين ومو من عادتي ادخل بيت مابي رجال
خاتون.... عجيب امرك يااخي تخاف من ربك تدخل بيت مابي رجال بس ماتخاف من ربك من تدخل ملهى
ركان..... ليش منو كلج لي صار صح بنهايه حنى بشر جل من لا يخطئ مو معصومين اهم شي الانسان يعرف خطائه ويصححه ويتوب عن ذنبه والله الحمد
خاتون.... هسه عوف المحاضره الدينيه تجي وياي لو شلون
ركان.... انتي روحي جيبيها وتعاي وانا انتضركم
خاتون.... تمام امري الله
ركان.....جنت كاعد انتضر خاتون تجي وتجيب وياها البنيه لي حجت عنها
جان يتصل صادق
صادق... الوو
ركان... الووو
صادق.... شنو شيخ ركان صار يومين ماكو وين حتى اليوم ماشفتك كلها هذا من وره ام ياسين ماخذتك من عدنا وياها هلا
ركان..... لا مو وياها عندي شغل وملتهي
صادق.... وين ب الشركه
ركان.... لا برا الشركه
جاي احجي وياه واجت خاتون
خاتون.... ماتأخرت عليك
صادق.... هاي منو هلا هلا وين ام ياسين خل تجي تشوف راح ركان
ركان..... يله بعدين نحجي
صادق.... روح روح طبعاً بعدين تحجي
ركان.... خلص بعدين انا اعلمك
خاتون...هاي لؤلؤ
لؤلؤ.... جنت مستحيه وخجلنا من ركان ومن كل الدنيا عبالك الدنيا كلها تدري ب الصار
لؤلؤ... مرحبا
ركان... احجيلي شلون جنتي تشوفينه وين ب للضبط
ما تنسين ولاتفصيله
لؤلؤ....سولفتله كلشي
ركان.... روحي انتي هسه وخلي الباقي عليه
رسل...شنو اخبارج انتي وركان
مياسين.... الحمدلله احس ركان متغير اشوي
رسل... من يا ناحيه
مياسين... من كل النواحي لا احسده
رسل... هههه
مياسين....صدك خل أخبره
رسل.... هلا خابري عيوني خابري
مياسين.... الوو حب
ركان.... هلا والله
مياسين....هلا بيك قلبي شنو اخبارك خلصت شغل
ركان.... لا والله بعدني اصلا جان عندي شغل بره الشركه وهسه دخلت
مياسين.... يله ياروحي ماعطلك
باي
ركان.... الله وياج عيوني
خلصت شكم شغله وبعدين اتصلت على مالك
ركان.... الوو
مالك... الووو هلا ب الشيخ وين هاي الغيبه
ركان.... موجود وأريدك بشغله موجود ب المكتب
مالك.... موجود كل هلا بيك
ركان...  تمام نص ساعه واكون يمك
رحت المكتب مالك
مالك... هلا وسهلا وين هاي الغيبه
ركان...هلا بيك والله مشاغل بهاي الدنيا
مالك..... يمعود هو شغل يخلص
ركان.... اي والله مايخلص
مالك.... شعجب تذكرتني اليوم
ركان.... بصراحه مادري شكلك
مالك...كول لا تتردد
ركان.... يعني هو انا مو مالي هاي السوالف بس تعبت
وكلت اغير جو والحجي بينه هاي البنيه لي اسمها خاتون باقيه بالي من هذيج المره لي شفتها ب الشقه مالتك
مالك...ههههه مو تدلل اجيت على الشخص الصح
هسه اغير جوك ومودك وتدلل واجيبلك احلى راقصه
تسوه خاتون وعشيرتها
ركان.... ليش مو خاتون بصراحه بقت بنفسي هذيج المره
مالك.... موو
ركان... مو شنو اكو مشكله
مالك.... انت صاحبي راح احجيلك بس الحجي يضل بينه
ركان.... اكيد مثل ماانا وثقت بيك واجيت الك تكدار توثق بيه
مالك.... شوف اكو بنيه موجوده وياه خاتون هيه مو راقصه بس تكدار تكول مساعدتها
ركان... أي
مالك.... بصراحه البنيه حلوه وصغيره وتغري
واخوك قلبه رجيج ماتحمل المهم طيحتها ب المصيده ع ابو احبج واتزوجج ومن هذا الكلام وستدرجتها الشقه مالتي وهناك اخذت مرادي
ركان.... زين وين المشكله
مالك.... المشكله طلعت حامل وهسه تكول هذا ابنك وتعال تزوجتي
يعني معقول انا اتزوج هيج وحده واخلف منها اجيب واحد يشارك اولادي وبعدين لو تدري زوجتي
جان سوتلي مشاكل وتعرف ابوها واصل يكدار يمحيني
ركان.... زين شنو راح تسوي
مالك.... ماسوي شي كتله دروحي منو كال هذا ابني
وجايه تلزكي بيه
خل تروح طك راسها ب الحايط
ركان.... بس انا اكولك لازم تتزوجها ولا كل كلمه كلتها
راح توصل الزوجتك وابوها وانت اختار
تتزوج البنيه ومحد يدري واسبوع وطلكها وكل واحد يروح ب مكان
او تعاند وكلشي كلته راح يوصل الزوجتك وابوها وانت اختار يله في امان الله
رجعت .... البيت وكالعادة نبع الحنان تنتضرني
ام ركان.... يمه هلا بجيتك
ركان... هلا بيج الغاليه الحنينه
ام ركان.... اخليلك عشه
ركان... اخذت يديها بستهم تسلمين يا غاليه مارد
سبحت وبدلت ملابسي جاي انام وتصلت عليه خاتون
خاتون.... الووو
ركان.... الوو بس بقلبي اكول هلا بهل صوت
من اشوفها أو اسمع صوتها احس نفسي رجعت مراهق
خاتون.... اسفه اتضلت بوقت متأخر بس هسه خلصت تعرف شغلنا كله ب ليل
ركان.... عادي اعرف
خاتون.... شنو سويت ع الموضوع
ركان.... تكدرين تكولين نص الشغل خلص بس انتبهي ع نفسج وعليها خليكم صاحين تمام
خاتون.... تمام وشكرا من كل قلبي
ركان.... مالك خطر وممكن يسوي اي شي
اسمعي انا باجر اجي واخذج انتي وهي واخليكم ب مكان امن حتى تخلص السالفه وحتى الشغل اخذي اجازه منه
خاتون.... اشلون أبو المكان مايقبل ممنوع تاخذ اجازه
ركان.... انطيني رقمه وانا اتفاهم وياه
خاتون... تمام جاي نتعبك ويانه
ركان... تعبج راحه
خاتون.... شكرا يله تصبح على خير
ركان... وانتي من اهله
لؤلؤ.... شنو صار
خاتون.... يكول خلص نص الشغل وهم يكول لازم نغير مكانه لان مالك خطير وممكن يسوي اي شي
لؤلؤ.... بالله كل هذا بسببي
خاتون .... بعد لي صار صار خلص
في قصر الشيخ ياسر
نرجس....اختك مامرتاحتلها هاي الايام
عمار... ليش شبيها
نرجس.... شبيها كل مااشوفها اشوف حسن يمها
ومن تشوفني تتخربط احوالها
عمار.... حسن ابن عمي
نرجس.... أي ليش اكو حسن غيره يدخل القصر اربع وعشرين ساعه كاعد هنا شنو عنده
عمار..... سكتي ولا تعيدين هذا الحجي مره ثانيه
حسن زلمه معدل وبعدين هو هنا عمود الشيخ ياسر مو علمود ساره وهي بنت عمه يعني عرضه شلون
يشوفها بغير شكل بس انتي ماتبطلين هاي سوالف
نرجس.... أي انا كلت وانت بكيفك بعد
حسن.... سهرنا شعجب
ساره... جاي ادرس
حسن.... هنا ب الحديقه وبحدج بهذا ليل
ساره....جنت ادرس ب الغرفه بس اختنكت وكلت ادرس ب الهوى
حسن.... مو دنيا ليل والهوى بارد وبعدين مايصير تكعدين بحدج هنا
ساره.... قابل شنو راح يطلعلي زومبي ب الحديقة
حسن.... لا كلشي يصير
ساره.... مايصير شي بس اذا شافك احد يمي هسه هنا بنص ليل راح يصير شي
حسن.... ساره ماعشت اذا اكون سببت لج بكلمه وحده
انا أخاف عليج حتى من هذا الهوى
ساره... حسن
حسن... روح حسن وقلبه وعيون حسن
ساره.... بدون هذا الحجي احسن شي اخذ كتبي وادخل جوه احسن
في قصر الشيخ سلطان
ركان...... بقيت سرحان بصوت خاتون وسمعت صوت الأذان

يتبع....