خاتون الشيخ ركان

البارت السادس

ياسر... خليه تدخل
ساره... حاضر
سعاد وفاضل.... السلام عليكم شيخنا
ياسر... وعليكم السلام تفضلوا
فاضل.... زاد فضلك شيخ امي كلش تعبانه ومريضه
ومن تمرضت لهسه وهيه ماعدها غير طلب واحد
وهو تشوفك تكول عدها امانه تريد تسلمك ياها وحتى انا ماعرف شنو هاي الامانه
ياسر... كولي ام فاضل شنو هاي الامانه
سعاد... اول انا طلب السماح والمغفره من ربي وهسه جايه اطلبها منك واريد اكلك على سر صار اربع وعشرين سنه مضموم
ياسر.. سر
سعاد... اي سر وهو من جانت الشيخه ذهب حامل
عرفة لبطنها بنيه مو والد
ياسر.... شنو
سعاد.... خل اكمل وكالتي لازم نسوي شي ماريد الشيخه تروح من الشيخ ياسر وحتى بعد مايموت
لازم انا اظل الشيخه ام الشيخ وقررات بعد ماتولد
نبدل الطفل
ياسر.... الله واكبر احجي وبعدين شصار
سعاد... اتفقنه وياه وحده اسمه نضال هم جانت حامل
بس هيه جانت حامل بولد بعد ماتولد الطفل ننطيها البنيه وناخذ الولد وطبعا الشيخه دفعتلها مبلغ كلش جبير
ويا سبحان الله ولدت الشيخه ونضال نفس اليوم والساعه واخذت الشيخه ابن نضال ونضال اخذت بنتك
ياسر.... يعني انا صار عندي ينيه وانتي وذهب بدلتنها

بولد
سعاد.... أي هذا لي صار وبعدها طلبت مني الشيخه
مااحجي ولا ابحرف ونطتني فلوس حتى اروح من
المحافظة كلها بس انا من طلعت اليوم مامرتاحه وضميري يئنبني
ياسر.... تعرفين هاي نضال وين شنو تشتغل رجلها شنو يشتغل
سعاد.... ماعرف وين مكانهم لان بعد مااخذوا البنيه
والفلوس مانعرف عنهم شي بس نضال جانت تشتغل راقصه ورجلها اسمه رائد عبدالله هو جان يشتغل ب الممنوعات
ياسر... ماشاء الله يعني بنتي وياه هذول الله اعلم هسه شنو تشتغل لو شلون عايشه
سعاد... وهسه ريحت ضميري وانت عرفت الحقيقة
ياسر... ياريت ماعارف ركان شلون هسه
ركان.... خلي الموضوع عليه انا احله
ركان الموضوع كلش صعب الله يساعد عمي ياسر
اول عباله ابنه مات وخلص عمره كله وهو حزين عليه وهسه طلع مو ابنه وعنده بنيه وهم مايدري وين ماوين والله أعلم شنو هيه
خاتون... ولج شلون حامل ومن منو جاوبي
لؤلؤ.... مالك
خاتون...انا شكد حذرتج منه وماسمعتي كلامي
لؤلؤ...هو راح يتزوجني هو وعدني
خاتون... اتصلي وكليله وهسه نشوف
لؤلؤ...الوو
مالك...هلوو حبي شنو اشتاقيتيلي
لؤلؤ....مالك انا حامل
مالك....مبروك كلتي البو الطفل لو بعدج
لؤلؤ... شنو يعني غير انت ابوه
مالك.... شنو تريدين تورطيني انا مالي علاقه لا بيج ولا لبطنج بس اذا حابه تتخلصين منه راح اسويها شغله انسانيه واساعدج وكل مصاريف العمليه عليه
خاتون.. اخذت التليفون من لؤلؤ
خاتون.... يا حقير ياناقص ادري بيك واحد نذل بس هي ماسمعت كلامي اذا ماندمتك مايكون اسمي خاتون
مالك.... شوف منو يحجي زين نتفق اتزوجها وحتى هذا لي بطنها انا اسجله بسمي بس بشرط تكضين ليله حمراء وياي
خاتون.... لو تموت ماخليك تلمس اظفري
مالك.... شنو شريفه لو تستحين
خاتون.... ماله علاقه بشرف بس لو تظل اخر رجال بالعالم ماخليك تلمسني اكرهك تلعب نفسي منك انا اشوفك واخليك تجي تتوسل
مالك....لي يطلع بيدج سوي زين
خاتون...انا موكتلج هذا حقير بس ياخذ لي يريده راح يتركج بس اخ منج ماسمعتي كلامي
بس ماسكتله انا اعرف شلون
ركان....رجعت البيت وحجيت ال ابوي كلشي صار
وخابرت والد صديقي يشتغل ب المستشفى لي ولدت بيها مرت عمي وانطيته تاريخ الولاده وهو وعدني انو يساعدني
خاتون... تذكرت رقم ركان وكلت هو لي راح يساعدني موضوع مالك
صح انا اعرف هواي ناس أقوى من مالك ويساعدوني بس ماكو احد يسوي شي بدون مقابل وياريت المقابل فلوس بس حسيت ركان يختلف عنهم
اتصلت عليه
خاتون... الووو
ركان... الو تفضلي
خاتون... ركان
ركان.... نعم منو حضرتج
حسيت سامع هذا الصوت وحسيت شعور ماعرف شنو بس كلت يجوز مو هيه
خاتون... وياك خاتون
ركان.... بدون شعور طلعت وياي الكلمه
ركان.... واخيرا
خاتون.... عفوا
ركان.... اهلا وسهلا
خاتون... ممكن اشوفك
ركان.... باي مكان وزمان عدا مكان شغلج
خاتون... بنفس المطعم لي شفتك بي هذاك اليوم باجر ساعه تسعه الصبح اذا فارغ
ركان... تمام
خاتون... يله اشوفك باجر باي
ركان ... ان شاء الله
ركان...هسه عرفت معنى اغنية شيجيب باجر واصبر شلون باجر التقي وياه اجمل انسان هههه
مياسين.... صار يومين هذا ماكو لو اتصل انا لو هو مادري وين يروح
خل ادزله رساله
مياسين.... وين مختفي صار يومين ماكو
ركان...جنت اريد انام
وراسلتني مياسين
ركان...هلا مياس حقج بس جنت مشغول
مياسين.... ليش يمته انت مو مشغول
ركان....ههههه كل العمر
مياسين...الله يصبرني عليك وعلى برودك العمر كله
ركان.... امين يارب
مياسين.... تجي توصلني الصبح للدوام
ركان... تمام الصبح اشوفج
مياسين... تصبح على خير
ركان...وانتي من اهل الخير
صار الصبح سبحت وبدلت ونزلت
ام ركان.... تعال يمه الاكل جاهز
ركان...عوافي بس مياسين تنتضرني وتاخرت عليه
صادق... أي اذا يتاخر تموته
ركان... مو هسه بعدين اعرف شلون احجي وياك
صادق...هههه أي هسه مستعجل روح لمياسين لا تنتحر بيك من الصبح هههههه
ركان انا اعلمك من ارجع
طلعت ب السياره وصلت البيت مياسين
اتصلت عليها
ركان.... اطلعي
مياسين...تمام
مياسين...صباح الحب وبسته من خده
ركان.... صباح الخير
. مياسين....شلونك اخبارك
ركان... الحمدلله
انتي شلونج
مياسين.... مشتاقتلك
ركان... انا اكثر
مياسين.... واضح كلش
ركان.... هاا بلشنا من الصبح
مياسين.... خلص سكتت بس شنو هاي الشياكه والاناقه من الصبح عندك موعد غرامي
ركان.... نعم
مياسين....شنو
ركان.... غير وياج
مياسين.... يمه منك وشدعوه هلكد خل عطر
ركان.... غير حتى اغريج بعطري
مياسين.... هههه ماكو داعي اصلا انا بدون عطر مسطوره
ركان.... اسم الله عليج
مياسين....هو يخلي العطر ويتانق وبعدين كول اسم الله عليج والله واحد انت
ركان....هههههه يله عيوني وصلنا
مياسين.... باي
ركان.... مع سلامه
ركان...باوعت بساعتي ب التسعه لاربع رحت المطعم لي تفقنه عليه
وانا بطريق اتصلت عليها
ركان...الوو
خاتون..الوو
ركان...طلعتي لو بعدج
خاتون... هسه راح اطلع
ركان...تمام انا وصلت ومنتضرج
بعد عشر دقايق تقريباً وصلت خاتون
خاتون...صباح الخير
ركان... صباح الانوار
تفضلي
خاتون... شكرا
ركان.... شنو تحبين تشربين لو نطلب ريوك
خاتون... ماكو داعي عندي وياك موضوع كلش مهم
ركان... تفضلي
خاتون.... اول الموضوع بي صاحبك مالك
ركان....خير مالك بي شي
خاتون... هذا واحد حقير والحقير مايصير بي شي
ركان.... شنو مسوي وياج مالك
خاتون.... مو وياي
ركان.... شنو الموضوع احجي بدون مقدمات
خاتون.... اكو بنيه عمرها 18سنه مالك الحقير ضحك عليه وفهمها انو يحبها وراح يتزوجها واخذ لي يريده منها وبعدين تركها وهي حامل منه وهو يكولها انا مالي علاقه وهذا مو ابني
وهاي البنيه انا اعتبرها مثل اختي الصغيره واصلا مبعدتها عن شغلني وعن كل الناس بس اجت وياي شكم مره وشافها هذا الحقير وكدار يأثر عليها
وهي صغيرة ومحرومه من الحب والحنان وهو استغل هذا الشي ماريد هاي البنيه تدمر وصير بيها شي
تكدار تساعدني بهذا الشي لو لا اعتبره موضوع انساني
ركان.... وليش انا بذات خصوصا انو كلتي بداية كلامج هو صديقي
خاتون.... بصراحه حسيت انو انت الوحيد راح تساعدني بدون أي مقابل ماعرف بس ليش حسيت انت بس ممكن تكدار تساعدني
ركان.... تمام هسه اكو أشياء لازم اعرفها من البنيه وبعدين والباقي خلي عليه
خاتون....تمام تكدار تجي وياي البيت وتحجي وياها
ركان... تمام
يتبع......