အတန်ငယ် အမောပြေမှ နှစ်ဦးသား စကားအေးဆေးပြောကြသည်။ ကိုကြီးရုံးတက်ရဦးမည်ဖြစ်၍ ဖူးဖူးတယောက်ထဲ ထားခဲ့ရမှာ စိတ်မချ။ ဖူးဖူးမကျွမ်းကျင်သေးသည့် နေရာတခုကို အခုမှစရောက်သည်ဖြစ်လို့ အဆင်မပြေမှာ စိုးရိမ်သည်။
ဒီနေ့အတွက် ဖူးဖူး စားရေးသောက်ရေးကိုလည်း စီစဥ်ပေးလိုသည်။ ဖူးဖူးကတော့ ဘာမှ စိတ်မပူ။ သူလုပ်ချင်တာလုပ်ရ၍ ကျေနပ်နေသည်။ ရုံးသွားဖို့ပြင်ဆင်ရန် ကိုကြီး အိမ်ပြန်ရဦးမည်။ အိမ်မှရုံးသို့သွားရင်း ဖူးဖူးအတွက်မနက်စားရန်လာပို့ပေးချင်ကြောင်းပြောတော့ ဖူးဖူးပြုံးသည်။
"ကိုကြီးကဖူးဖူးကို ခလေးလေးထင်နေတာလား
ကိုကြီးရှိတဲ့နေရာကို တစ်ယောက်ထဲတောင် ရောက်အောင်လာသေးတာ
ဘာတွေပူနေတာလဲ
သွား
ရုံးသွားဖို့သာပြင်ဆင်တော့"
"ဒါဆိုလည်း ဖူးစားချင်တာကို Deli နဲ့သာမှာစားလိုက်နော်
Food Panda application ကို install လုပ်ပေးခဲ့တယ်"
ဖူးဖူးကိုကြီးကိုကြည့်ပြီး ရီနေသည်။ ဖူးအတွက်ဆို အရာရာစိတ်မချနိုင်လွန်းတဲ့ကိုကြီးဖြစ်နေပြီလား။ နောက်ဆုံးတော့ ကိုကြီးရုံးသွားဖို့ပြင်ဆင်ရန် အိမ်ပြန်ခဲ့ရသည်။
အလုပ်အားသည်နှင့် ကိုကြီးဖူးဖူးထံဖုန်းဆက်သည်။ အဆင်ပြေရဲ့လား။ ဘာလိုလဲ။ ဘာလုပ်ချင်လဲနှင့် မေးတာတွေများလာတော့ ဖူးဖူးအနေကြပ်လာသည်။
"ကိုကြီး ခဏ ခဏ ဖုန်းမဆက်နဲ့လေ
ဖူးနေတတ်တယ် အလုပ်လျှောက်ဖို့ ကြည့်နေတာ ကိုကြီးမေးတာတွေဖြေနေရတာ အာရုံနောက်နေပြီ
ညနေလာမယ်မလား အာ့ကျမှဆက်တော့ စိတ်မချဖြစ်မနေနဲ့"
ဟု ဖူးဖူးစိတ်တိုသံဖြင့်ပြန်ပြောမှ ကိုကြီး ဖုန်းဆက်တာရပ်တော့သည်။
ညနေရုံးဆင်းသည်နှင့် အရင်ဆုံးပြန်ဖို့ပြင်ဆင်သည်က ကိုကြီးဖြစ်သည်။ ရုံးမှ လူများကပင် အံ့သြကြသည်။ ခါတိုင်းရုံးဆင်းချိန်ရောက်သည့်တိုင် မပြန်ဘဲအလုပ်လုပ်တတ်သူက ဒီနေ့မှ ပြန်ရန်တက်ကြွနေ၍ဖြစ်သည်။
ကိုကြီး သူတို့ကို သတိမပြုအားပါ။ စိတ်အတွေးတို့ကဖူးဖူးထံသို့သာရောက်နေသည်။ ကားပေါ်ရောက်သည်နှင့် ဖူးဖူးထံဖုန်းဆက်ပြီး ညစာဘာစားလိုကြောင်းမေးသည်။ ဖူးဖူးကရှင်းသည်။ ကိုကြီးကြိုက်တာဝယ်ခဲ့၊ ကိုကြီးကြိုက်ရင်သူလည်းကြိုက်သည်တဲ့။ ဒါနဲ့ ဖူးဖူးကြိုက်တတ်မည်ထင်သော pizza နှင့် ညဖက်အဆာပြေစားရန် မုန့်များ ဝယ်သွားလိုက်သည်။ သောက်စရာက ရေခဲသေတ္တာထဲတွင် ဝိုင်ပုလင်းရှိသည်။
YOU ARE READING
နန်းမြတ်ဖူးဖူး (That's My Angel)
Teen Fictionsex အကြောင်းသိချင်စိတ်ပြင်းပျနေတဲ့ အပျိုမလေးတယောက်။ သူ့ရဲ့ dark side ကို ပုံဖော်ပေးတတ်သူ ကိုကြီးနဲ့ online မှတဆင့်တွေ့ဆုံဖြစ်သောအခါ .... ဘာတွေဆက်ဖြစ်မလဲ... အပြင်မှာပါ ဆုံတွေ့ဖြစ်ပြီး လက်တွေ့သင်ခန်းစာတွေ ပေးဖြစ်မှာလား....
