سؤال بيجيلي كتير فجاية اوضح علشان بردو مينفعش أسيبكم كدة بدون سبب واضح لأن فيه ناس مش عندي على الفيس
اول حاجة الرواية وقفت لاني كنت تالتة ثانوي دة سبب من الاسباب ولكن السبب الاكبر، اني ملقيتش اي تفاعل عليها، حرفيا الفترة دي ظهرلي بنات كتيير جدااا بتسأل عن الرواية لدرجة اني استغربت أصلا ان كل دول بيقرأوا الرواية طب مظهرتوش ليه لما الرواية كانت بتنزل؟ أنتم حرفيا ظهرتوا في وقت مش مناسب لاني كنت اتخذت قراري فعلا ان الناس مش متحمسة لشنطة حبنا لان المعظم قرأها قبل كدة فقررت انزل رواية جديدة وهي تشانڤر
انا نزلت من تشانڤر تمن فصول وبكتب في التاسع، ومكملة فيها لأني ملقيتش على شنطة حبنا إقبال فقولت مدام مفيش حد بيقرأها خلاص أروح لحاجة جديدة
فخلاص بما إني بالفعل بدأت في تشانڤر والفانز بدأوا يندمجوا فيها، فأنا هكملها وبعدها بإذن الله أبقى أكمل شنطة حبنا لأجل شيء واحد وهي إن الرواية دي اتظلمت معايا كتير اوي فلا هكملها بإذن الله بعد تشانڤر ومش هسيبها بس حاليا مركزة في تشانڤر
مش قادرة اكتب الاتنين مع بعض لأن تشانڤر أحداثها تقيلة وقوية جدا والأبطال قصصهم مش هتخلص فأنا محتاجة أديها كل التركيز
طب فيه ناس قالتلي نزلي فصول شنطة حبنا القديمة وبعدين إبقي عدليها بعدين....
أولًا انا لو عملت كدة، مش هتلاقوا مشاكل حسين وعزة وهند، مش هتلاقوا مرض شروق وتعاملها مع أدهم، مش هتلاقوا داليدا وكاميليا وعدي وآية، مش هتلاقوا عبود بتاع الأدوية المتجدولة وصاحب المستشفى إبن المفضوحة الي عارف وساكت
كل دة مش هتلاقوه هتلاقوا أحداث تانية ضعيفة جدا وسرد ضعيف وكوميديا مبتذلة، أنا مش بعدل شنطة حبنا أنا بكتب رواية تانية بأحداث تانية مع ثبات القصة والشخصيات وإضافة شخصيات لأحداث جديدة لذلك القديم مش هينفع ينزل خالص
أتمنى تقبلوا إعتذاري عن صبركم الي طال ولكن حقيقي أنا غصب عني إنتم مكنتوش بتظهروا أصلا معرفش أصلا ان حد بيقرأ الرواية، فأتمنى تتابعوا معايا تشانڤر بإذن الله هتسد فراغكم من شنطة حبنا وتستمتعوا بيها جداا هي رواية من نوع جديد خالص وابطال جديدة جدا واحداث وخوازيق واسرار كتيييير فبإذن الله تستمتعوا بيها جدا وبمجرد ما نخلصها مع بعض هنرجع لشنطة حبنا🤍🫀
أنت تقرأ
شنطة حبنا
Fantasyعندما تقع في مصيبة لم تكن في الحسبان ابدًا، تجعلك تكره حياتك وتلعن هذا الحظ الذي يبتعد عنك ويلتصق بك سوء الحظ فقط، ومع الوقت تتحول تلك المصيبة لأجمل سوء حظ أصاب دنيتك، ويتحقق قول الله تعالى: "وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَ...
