සෙනෙහසේ වදන් | GL

1

2017 ජනවාරි 16

"බබා...නැගිටින්නෙ නැද්ද...5:30යි වෙලාව,ඉස්කෝලෙ පටන් ගන්න පළවෙනි දවසෙවත් ටිකක් Fresh එකේ ඉන්නකෝ..."

අම්මි මාව තුන් වෙනි සැරේටත් ඇවිත් ඇහැරවද්දි,කාමරේ ලයිට් එක දාලා මේසෙ උඩ තිබ්බ ඔරලෝසුවෙන් වෙලාව බැලුවෙ තව විනාඩි 5ක්වත් නිදා ගන්න පුලුවන්ද කියලා බලන්න...

"මොකක්ද අම්මි,5යි නෙ වෙලාව..."

මුලු ගමටම ඇහෙන්න එහෙම කියපු මම ඇදෙන් බැහැලා කුස්සියට යනකොට අප්පච්චි අම්මිට පොල් ගාලා දෙනවා...

"Good morning පැටියා"

"Good morning අප්පච්චි"

"කෝ අක්කි,ඒකිට පාඩම් කරන්න තුනටද කොහෙද ඇහැරවන්න කිව්වා නේද..."

කියලා කියන ගමන් ශේප් එකේ අක්කිගේ කාමරේට ගියේ එයා නිදි නම් පොඩි කුම්පාම්ඩි වැඩක් කරන්න කියලා හිතාගෙන...
මේසෙ උඩ නිදාගෙන හිටපු අක්කිව දැකපු මගේ හිසේ මලක් පිපුනා වගේ උනා...

ඊයේ දවල් මම නිදාගෙන ඉන්නකොට මේකි ඇවිත් මාව ඇහැරවලා,කාමරේ දොරත් ඇරලා දාලා ගියා...ඒකට රිටර්න් එක දෙන්න පුලුවන් සුපිරි ගනයේ අවස්ථාවක් තමා මේක...

ශේප් එකේ මේසෙ උඩ නිදා ගෙන හිටපු අක්කි ලගට ගිය මම,එයා මේසේ නිදාගෙන ඉන්න විදිහ දැකලා හොදටම දුක හිතුනා...ඒ නිසා
"දඩාං" ගාලා මේසෙට ගැහුවෙ අක්කිව ඇහැරවලා මේසෙ නිදා ගන්නෙ නැතුව ඇදෙන් නිදා ගන්න කියලා කියන්න ඕන නිසා...නැත්නම් පවුනෙ මොනවා උනත්...

"මොනවද ඕයි කරන්නෙ"
"ඊයෙ කරපු එකට රිටර්න් එක දුන්නෙ,ඇයි තමුසෙ ගේමද"
"අම්මා...මේ නංගි වද දෙනවා අෆ්ෆා..."

යාපනේ කරවල කූඩෙකින් ගෙනත් ඉන්න අපෙ අක්කි ගැන කියනවා නම්...

එයා මේ අවුරුද්දෙ Biology වලින් A/l කරනවා...අක්කිට උගන්නපු හැම ගුරුවරයෙක්ම අක්කි O/l වලට 9As ගයි කියලා බලන් හිටියෙ...බලාපොරොත්තු වුනා වගේම එයා 9As ගත්තා...කාටද ආඩම්බර ඉතින්,මට නේ...එයා O/l results එන්නත් කලින් ඉදන්ම A/l වලට class ගියා...මේ වෙනුවෙන් එයා ගොඩක් මහන්සි වෙනවා...

අප්පච්චියි අම්මියි ගැන කියනවා නම්,
අප්පච්චි ඉංජිනියර් කෙනෙක්,අම්මි නම් මොකුත් කරන්නෙ නෑ...