සෙනෙහසේ වදන් | GL

5

අද ඉරිදා,උදේ 8 ඉදන් 3:00 වෙනකල් class...අප්පච්චි මාව class එකෙන් ගන්න ආවා...කොහොම හරි භාගෙට මැරිලා ගෙදරට අඩිය තිබ්බ ගමන්ම,

"පුතේ carrom sir call එකක් ගත්තා..."

"ඒ ඇයි..."

"මොකක්දෝ පණිවිඩයක් කියන්න තියෙනවලු...මං කිව්වා ඔයා ආපුවහම කෝල් එකක් ගන්න කියන්නම් කියලා...Wash එකක් දාගෙන සර්ට කෝල් එකක් අරන් බලන්න..."

සර්ටත් ඉතින් අපිට වද දෙන්න තියෙනව නම් ආය දෙයක් නෑ...අපි යන හැම Match එකක්ම දිනලා වැඩේ ගොඩ දාලා දෙනව නෙ සර්ට...එහෙම තියෙද්දි මොකට හැමවෙලේම වද දෙන්න Call කරනවද මන්දා...

පැයකට විතර පස්සෙ sirට කෝල් එකක් අරන් පනිවිඩේ මොකක්ද කියලා අහගත්තා...

"පුතේ ඔයාලා දැන් O/l ලියන්නනෙ ඉන්නෙ...ඉතින් ඔයාලා ඉගෙන ගන්න වැඩත් එක්ක busy වෙනවා...ඔයාලගෙන් පස්සෙත් මේක මේ ස්කෝලෙ තියෙන්න ඕනි නෙ...ඒ නිසා හෙට රශ්මියි ඔයයි පොඩි පන්ති වලට ගිහින් carrom වලට එන්න කැමති නංගිලාගෙ නම් ලියාගෙන එයාලට විස්තර කියලා එන්න..."

"කීය වසරේ ඉන්න නංගිලාවද සර් ගන්න ඕනි..."

"5-9 වෙනකල් හොදයි..."

"හරි සර්..."

අනේ මන්දන්නෙ නෑ අෆ්ෆා,පුදුම කරදරයක් මේක...සර්ට announce කරලා ඕක කියන්න බැරිද දන්නෙ නෑ...රෙම්ද...අනික ළමයි 35කට වඩා ඉන්නවත් එක්ක...එහෙම තියෙද්දිත්...සැක්,දැන් ඉතින් හෙට පන්ති ගානෙ පලයංකො මොක්කුදෝ වගේ...පංති කීයක් නම් තියෙනවද අෆ්ෆා...

"යමුද"

"යමු...මුලින්ම කීය වසරෙන්ද පටන් ගන්නෙ..."

"5න්ම පටන් ගමු නේ..."

එක දිගට Free periods 4ක්ම set උන වෙලාවක රශ්මියි මායි carrom sir බාර දුන්න වැඩේ කරන්න පිටත් වුනා...

5 වසරෙ පන්ති වලට යනකොට පොඩි ඇච්චො බැච්චො කෑ ගහන සද්දෙ ඇහෙන්න ගත්තා...

"මුංගෙ බෙලි මිරිකනවද බම්..."

මං අහපු දේට හයියෙන් හිනා වුන රශ්මිත් එක්ක 5-A එකට ඇතුල් වෙලා ඒ teacher ගෙන් permissionත් අරන් පොඩි අයට carrom ගැන පැහැදිලි කිරීමක් කලා...දැනට අපෙ team එකේ ඉන්න බාලම සෙට් එක 7 වසරෙ...දැන් මුං ටිකත් ආපුවහම day care එකක් වගේ වෙයිද දන්නෙ නෑ...