الدَهْمَاء

- Part 13 -

‏﷽
#الدَهْمَاء
بِقَلمَي : مَيَار التَّمِيمِي
متابعة الحساب + التعليق بين الفقرات لُطفاً 🤍
instagram : t_5ub

الألم لا يحدد من نكون
بل يكشف لنا عن قوتنا الحقيقية
ويعلمنا كيف نعيش بصدق .

هـيـفَـار
انطتني كلينس مسحت بطني باوعتلها منتظرتها تحجي غطت عيوُنها ونطقت بكلمات فززت كل ذرة بجسمي
- حبيبتي الورم خبيث ولازم تبلشين تاخذين جرعات

شهكت عمتي مصدومة واني حتى عيوُني صارت مترمش وكعت دموعي بقهر ونطقت اسألها بخوف
- يــعــني راح اموت ؟
- اسم الله يا امي بــس لازم تبلشين تاخذين جرعات حتى تتخلصين مـِنه وما ينتشر بكل جسمج ، وابتعدي عن العصبية والارهاق ولتشيلين شغلات ثگيلة

هزيت راسي موافقة وكمت صار يتردد بعقلي كلامها وكلشي مريت بي بحياتي ، خسرت كلشي اهلي واخواني وأسحَاق بقت على صحتي ؟ عــادي هيفَار انتِ تعودتي على الصعبات على الاقل كوني قوية لخاطر اخوج الوحيد مــا عندة غيرج

طلعنة وعمتي سولفت كلشي لأسحَاق جمد بمكانة مصدوم نزلت راسي ماريد اشوف نظرات الشفقة بعيوُنة باوعت لعمتي وكلتلها
- خل نرجع عمة
- هَســه نرجع بــس خل افهم رجلج على علاجج حتى يجيبه الج

بقت تفهمة على علاجي راح للصيدلية جابة ورجع صعدنة بالسيارة ورجعنة للبيت گبل صعدت لغرفتي سمعت صوت عمتي وهيه تسولفلهم عن الورم وعمي يحجي على أسحَاق حتى ما يوصل يـمـي ويقهرني

تمددت بدون مــا اغير ملابسي بقيت صافنة بالسگف شــويةَ ودخل أسحَاق سحبت الغطة مغطية راسي ماريد اشوفة ولا احجي ويـَا سمعت صوت الكنتور مـن فتحة بقى دقايق مــا اعرف شِنـوُ يدور لحد ما فزيت مـن سد الباب حيل

بقيت مغطية راسي والمشكلة ما نعسانة واحس نفَسي اختنگت بقيت مقاومة وبالكوة اجر النفَس ، نص ساعة وطلع بــس سمعت صوت الباب انسد وخرت الغطة مـن وجهي سحبت نفَس بعمق واضح راح تضل حياتج هيَچ متشتتة هيفَار وراح تبقين تصارعين بكل مرة تطيحين بيهــا

بلشت برحلة علاجي وصرت اخذ جرعات وبأول جرعة اخذتها اتمنيت الموت على كمية الألم الشفتة ايام وايام واني اصارع والعلاج وحدة ينرادلة حييل وبكل مرة اضعف اصفن واكول عــادي هيفَار انتِ كدها اتحملي لخاطر اخوج

طول الفترة المرت ابـَچي واصرخ مـن الوجع وأسحَاق مـن يشوفني هيَچ يحاول يسكتني وصل لمرحلة يكعد يبچي ويـَاي رغم ٲنـي لهسه محاجية ويـَا حرف وشگد حاول ويـَاي وٲنـي قافلة