﷽
#الدَهْمَاء
بِقَلمَي : مَيَار التَّمِيمِي
متابعة الحساب + التعليق بين الفقرات لُطفاً 🤍
instagram : t_5ub
أوَل مِا نوينَا نعيّش طَبينا بدرُب
بيِّ مَوت وتوفَت ملامِحنا .
هـيـفَـار
خلصت ايام الفاتحة بألم وحزن ولطم وبچي اكثر واحد متأثر بينة حازم منكسر وحالتة تعبانة وبس بالفراش بحيث ٲنـي صرت مــا اروُح يـمـة لان كل ما اروُح اشوفة بــس يلمحني يكعد على حيلة ويشگ قميصة وينعى
بـعـد ما نظفت البيت رجعت گبل نمت كعدت الصبح على دفرات بالباب كمت وروُحي طالعة چـَانت الساعه بـ٦ ونص فتحت الباب لكيت عمي الشفية كتله
- شتريد مـن الصباحيات
- كومي عدنة عزيمة الـيوم
- وشني المناسبة ؟
- علمود ابن عمج طلع مـن السچن
ابتسمت بخبث وكتله :- خــوش
رجعت لمكاني سحبت تليفوني وراسلت اسحَاق جاوبني بسرعة كتبتلة
- هلوو صديقي
- هلا صديقتي شـلـونج
- نعسانة وهذولي مسوين عزيمة وهسه انكرب بشرفك وديلي اية ورتيِل
- صــار مـن عيوُني
صـــــدك شــويةَ واجني البنات بعدهن بدون ريوگ تريكنة سوة وبلشنة بالتنضيف البيت والديوان ساعدتهم بالطبخ والزلاطة بحيث احس ضهري طگ مـن التعب ودشداشتي نلعب بيها لعب ودمرت مرگ ودهن وتراب ونلاصت لوص
چـَنت متحزمة وجَاي اغسل بالسنگ واجن خوات أسحَاق يضحكن كالن :- ولــچ اخوي يريد يشوفج امـَشـي غيري ملابسج
باوعتلها واردفت :- خلي ينتضر بــس اخلص
بعدني ما مكملة كلامي ودخل أسحَاق اشرلي هلو وابتسم ابتسامة عريضة سلمت عليه چـَانت موجودة بنت خالت أسحاق هاي حاطة دوبها من دوبي دخلت سلمت على أسحَاق وكلتلي
- هــاي شكل بنية واكفه يم رجلها !
رفعت حاجبي معاجبني وجاوبتها
- رجلج لو رجلي شعليج انتِ وبعدين أسحَاق يحبني بكل حالاتي
- لا غير تتعدلين تصخمين كدامة
- القاضي راضي انتِ شكو بـعـد ؟
أشرلها أسحَاق لا لا ويضحك ويأشر على وجهي معناها حلوُة تخبل ضحكت اباوعلها شــويةَ وضل يسولف وي خواتة وهاي مزروعة بنص المطبخ ما تقبل تروُح كرصت أسحاق مـن ضهرة كتلة
- والنبي اطين عيشتك اطلع بره
حط ايدة علة راسة وأشرلي على عيوُنة بمعنى صــار بعيوُني
نظفت وكملت كل شغلي رحت سبحت وبدلت لبست دشداشة نص لان الجو جَـان حار كُـلـش ، اخذت علاج السكر لان حسيت نفسي عطشت حيل وشفايفي صارت يابسة
تمددت وفتحت تليفوني اقرا رواية چـَنت منزلة برنامج الواتباد اخلص وقت والتهي بــي طول مــا ٲنـي اقرا ساعة ابچَي وساعة اضحك وعايشه الدور وياهم
أنت تقرأ
الدَهْمَاء
Azioneفِي عُمقِ المَتَاهَات وَالغُمُوضِ هُنَاك .. غانِيَة تَسِير بِإِتجَاه مُعَاكس نَحوَ أَرض النسيَان تَتَرنح خطُوَات تَفكِيريهَا تَسقُط وتَنهَض دُون مُسَاعده تستَمِعُ الشِّعرُ عِندمَا تَتَضايَقُ مُتَمَاسِكة ولَكنهَا تَثق بِسَيرها كَثِيراً تُشَكل دُمُ...
