﷽
#الدَهْمَاء
بِقَلمَي : مَيَار التَّمِيمِي
متابعة الحساب + التعليق بين الفقرات لُطفاً 🤍
instagram : t_5ub
لست أدري من أي أمر سأتعافى
في كُل الأمور أصبحت أعاني منها
هـيـفَـار
ثواني وتوقفت عن الحركة جامدة بمكاني واني اسمع صوت واحد يقرا قرأن نفَس الصوت الي جَـان براسي هذيج الايام !!
اتقدمت لازمة مقبض الباب افتحة بهدوء لحد مــا انفتح وشهگت مصدومة واني اشوف الكائن الكاعد وناطيني ضهرة فتحت عيوُني ممصدكة أسحَااق !! متربع يم ملابسي مخلي ايدة عليهن ويقرا بسورة يس ويجود القرأن وصوتة لأول مرة اركز بي واسمعة بوضوح
مُستحيل مـن شوكت هــو يحجي ! ليـش كُل هــاي السنين موهمنة بأنو هــو أبكم والغريب هــو مضام بــس عنهم حتى ٲنـي ضام عني ومُستحيل يتصرف هيَچ اذا مــا جَـان اكُــو سبب ورة هــذا هدوءة
بلعت ريكي ودخلت سويت نفَسي ما سمعت وهو مـن سمع صوت الباب سوه نفَسة يقرا بگلبه اخذت الجنطة من يمة وجهزت كل اغراضي باوعتله واردفت
- قبل لا اروُح للمستشفى اريـد ازور اهلي
أشرلي على عيوُنة وفز مثل لتذكر شي ركض اخذ تليفونة حتى يكتب شــويةَ وانطانيا كاتب
- لكيت قبر صديقتج سارة هـيـة واهلها
دمعت عيوُني بحزن وغمضت مـن اتذكرت ذاك الـيوم المشؤوم شلون وصلني خبر موتهم كلهم بليلة وحدة ...
جَـان شهر مُحرم وكاعدين بهدوء ٲنـي وضَي نحضر مجلس عزاء قريب على البيت بـعـد مــا خلص طلعنة صدفة التقيت بـ سارة چـَانت من اعز صديقاتي وبيتهم بنفَس المنطقة بــس صــار موقف وزعلت منها
اتقربت سلمت عليه واني چـَنت ضايجة منها كالت
- وراي طريق طويل هيوفة ولتنسين ٲنـي احَبچ هــواي
وقتها ما اهتميت ودرت وجهي زعلانة وياريت لو حاضنتها وكايلتلها مزعلانة منج ، رجعنة للبيت بــس وصلنه رحت نمت مرت ساعات وكعدت على صوت حجي وهوسه كمت مفزوعه كلتلهم
- شكو شصاير
تلكتني ضَي وهيه تبجي كالت
- ولج سارة وامها واختها واخوها كتلهم ابوهم
شهگت مصدومة واردفت أسألها
- ليـش ليـش وين حاازم
دقايق وطب يركض وكله دم ركضت عليه وصحت
- ولك شكو شكو
كعد فحطان وبدة يسولفلنة
- لكيتهم كلهم مطبرين امهم ايديها مطبرة والبنات ما ضل بيهن شي صاحي ولج ابنهم الصغير مكطع مكطع شلته بأيدي مابي شي صاحي ولج
موت سارة واهلها جَـان صدمة بالنسبة الي ولهذا عُمري مــا مستوعبه هـيـة شلــون ماتت والندم اكل روُحي لان مــا حضنتها وودعتها ، شگد الحياة صغيرة وشگد متسوى وشلون الأنسان بلحظات يصير ذكريات بــس ويبقى الزعلان يتحسر ليـش ما صالحته ؟ مثل وضعي وياها
أنت تقرأ
الدَهْمَاء
Actionفِي عُمقِ المَتَاهَات وَالغُمُوضِ هُنَاك .. غانِيَة تَسِير بِإِتجَاه مُعَاكس نَحوَ أَرض النسيَان تَتَرنح خطُوَات تَفكِيريهَا تَسقُط وتَنهَض دُون مُسَاعده تستَمِعُ الشِّعرُ عِندمَا تَتَضايَقُ مُتَمَاسِكة ولَكنهَا تَثق بِسَيرها كَثِيراً تُشَكل دُمُ...
