قُبــلة بِــطعم الحُب

(١) كأوس الخمر.

_هذا الفصل بية ضيف شـرف!! "حيدر قاسم البحيري" بطل من أحد رواياتي الغير منشورة واتبــاد.

-:-•-:-•-:-•-:-

"وما كُنتُ مِن العاشقين، ولكن نظراتك كانت طُعمًا لاصطياد فؤادي، ويسألوني عن الدنيا وما هي إلا سراب زائف فانٍ نُخدع به، وسَمائك كالغيهب تَشتاق لنوري، لكن قلبك حالِك يتكبر، ثم أخذتني كُلي وذهبت، لَم يَكُن نصفي فقط كما حسبت 🖤🥀>>".

ــــــــــــــــــــــــــــــــــــــــــــــــــــــــــــ

دلف مشرف الفندق بخطوات سريعه ومعجرفة بذات الوقت، ليتحدث بهلع مازج من التكبر قائلًا:
_الكل يتجمع علشان الموضوع اللي هتكلم فية دا مهم جدًا ولازم كلكم تاخدوا حذركم.

أستمع له الجميع بإنصات!! ليبدإ في الحديث معهم بكل شموخ رادفًا:
_زي ما أنتم عارفين أن الحفلة اللي هيقيمها الفندق دي مهمه جدًا وبيقمها أكبر مصمم أزياء في الوطن العربي، علشان كدا عايز الإستضادفة تكون لايقة بية، وبأسمة!! مش عايز اي مشكلة أو أي لمسة بسيطة ياخدوا بالهم منها، علشان كدا جمعتكم، أهم شيء النضافة.

ثم رمق في عين واحدة من الفتيات:
_ترتيب الكاسات علي الصانية تكون بطريقة شيك ومرصصه، طريقة الماشية تكون أتكيت.

لتبتسم المقصودة بحديثة لأنها تعلم أنه يتحدث عنها للجميع أن يقلدها ويفعل مثلها لأنها هي الوحيدة البارعة في ذلك الأمر، ليهتف المشرف قبل أن يغادر:
_أنسة ديلان أكيد أنتِ بذات مش محتاجة توصية!! لانك انتي الوحيدة اللي بارعة في الأمور اللي زي دي، وبذات في الحفلات.

أردفت ديلان بابتسامة وكل رسمية من مشرفها المزعج:
_متشلش هم يا سليم بيه، انا متخرجة من سياحة وفنادق وعارفة الكلام دا كويس جدا.

رد عليها ذلك المدعو بسليم:
_أكيد يا آنسة ديلان.

تركهم سليم لتقترب صديقة ديلان المقربة لها قائلة:
_يا بت لسة لحد دلوقتي محنتيش علي الواد، دا هيموت و توافقي.

ردت ديلان بترقية وكل سخرية قائلة:
_أكيد طبعًا مش موافقة!! هو مجنون دا ولا أي؟؟ أنا ديلان الأنصاري أوفق علي متطفل زي دا.

ضحكت صديقتها شروق بقهقة:
_بقي أستاذ سليم متطفل عليكي، يا بت الراجل فضلة تكة وينزل علي رجلك يبوسها.

وضعت ديلان القليل من العصير الطازج في كوبٍ قائلة بتشدق:
_والله لو عمل أرجوز مش موافقة، وبعدين انا حرة أسكتي بقي وسيبني في حالي اشوف شغلي.

تركتها شروق علي راحتها، لترتشف ديلان العصير بتذمر وهي تحدث نفسها:
_آل أنا اتجوز سليم ابو عين زايغه المطتفل دا، ماكنش العشم ويبقي علي جثتي أنه يحصل، أصل اللي زي الناس دي عايز يتسلي مع واحدة غلبانة زي كدا، بس علي مين؟؟ دانا عقربة.