شبيه الريح بقلم مناي ابراهيم

الفصل السادس ،..

خديجة : خلي مرت خوك تديرلك توكيل
همام : عليش
خديجه : شنووو عليش فلوس ولدي تاخذهن
همام : وبنته
هناء : بنته تكبر تاخذ حقها اما هذه لا
همام : هذا شرع ربي وتاخذي حقك وبس ماني مودر روحي للمهالك في جرة فلوس واحقاد بدون سبب

ليلا سمع هرجة فوق
صعد مسرعا منفجع

ميمونه : هذه تحف البيت تبي تبيعيهن ؟  قالت وهي تعلي صوتها وتجيد الحزن والبكاء وهي ماسكة ضحكتها وكما توقعت ركض همام للداخل

همام : كنكن شن في
ميمونه : تبي تحف البيت حلال عليها صاحبه مات وبكت وقطعت قلبه
همام : يا امي وحدي الله خلي حاجات البيت
واخذ تحف من يد امه وهناء

هناء،: التحف هذه تسواها ومفش انزلهن تحت
ميمونه : وحيد ميت موت وانت تقولي تحف

همام : شن اللي تسواها ميمونه بنية عز من يومها باتها بفلوسه
خديجه : مش زي وحيد
همام : ومات شن درا بفلوسه وانت ادعي لولدك
نزلت تبكي وفشلت خطط هناء

هناء : يا انا يا انتي في هالبيت
ميمونه : لا اله الا الله يا وحيد خليتني لمن
همام يهدد هناء : تي اطلعي برا را والله نضربك
نزلت ترعش منه

مسكت ساعده في اغراء متعمد
ميمونه :  هذا وانت قاعد يا همام كانن يبن يضربني
امالا لو سافرت شن يصير فيا عينك من ايلين لو صار لي شي
ارتعش بتلذذ واستعاذ من الشيطان :  كوني هانيه ما يقربك حد
نزل تحت يتذكر كلام الشاوش

الشاوش : لعند توا سألوني عليها يبوها وعادي بنتها
تزوجها انت ربي بت خوك 
همام : وهلي
الشاوش : هلك شن دخلهم يعني البنت يربيها غريب خير
شن انرد ع الرجاله ..

راسلها
(ميمونه)
(نعم)
(قلت نتقدم لك بعد سنوية وحيد)
بعثت مسج صوتي سمعه عشرات المرات

تبكي
(مش متخيله نتزوج بعد وحيد يا همام
بسس لو بتحميني من باتي وعمتي ومن الدنيا
موافقه )
وبكت بحرقه بكاء مدلل ومغناج
ظل يسمع تسجيلها الصوتي الى ان نام وهو يعاهد نفسه ان لا يمسها سوء وهو حي

______________________

خليل يراقب بيته بعد الطلاء
وزرعات شيماء في الجنان الصغير سقاهن وهو مبتسم
من يشوفه من الامن الداخلي يديره مهزله
محلاها محلى تفاصيلها حتى حزنها فيه اناقة زيها
رن نقاله

خليل : شيمائي نا
شيماء : ههههه قتلك درت بيتزا تعال شيلها
خليل : ناكلها معاك
شيماء : لا ماشيه لحني

خليل بلهفه : نجيك غادي
شيماء : وين تجي يا ليد
خليل : نكلم جدك غير سكري نتلاقو غادي

في سور جدها طلعت شاهي وبيتزا لقت جدها يهدرز معاه على طاولة وكراسي
حطت الصفره ويدأت تصب الشاهي مرتبكه من نظراته كلماته بعد لبست لم تتعمد تلبس هك عبايتها مش واسعه زي الاخرات ..وهو صايع مركز