شبيه الريح بقلم مناي ابراهيم

البارت 16 شبيه الريح

منال : شخبار المحاضرات هبه
هبه : كويسات الحمدلله
ممال : والعمل
هبه بملل : بعد التخرج قال افندينا

هاله : شن تبي فيه الشغل راجلك مقتدر
هبه ببرود : مش شورك
ابتسمت غزاله ماسكه ضحكتها واستغربت منال

هاله : عليك قلة ذوق اسم الله على امك ام الذوق
هبه : خليته لك معرم عندك صدري منه وضحكت بمرح

دخل نزار : نمشو هبه
هبه بدلال : هيا حبيبي
استغرب وانحرج من نظرات منال المستغربه وفرحة امه وحقد هاله

هبه : صحيتي عميمه ع الغداء تعبتك
وقفت غزالة توصلهم :  تعبك راحه يالسمحه شن تحبي تغدي بكره
هبه : اي شي من ايديك سمح

نزار :  السمحه والسمح سقدنا يا صبايا

دخلت غزاله لقت هاله تبكي ومنال تسكتها
غزالة : كنها
منال : مش عارفه فجأة قعدت تبكي
عشان هبه ؟!
هاله بمسكنه :  ايوه
غزالة : انت اللي بديتي يا حلوه وكلمه اخرى تعرفيني شن ندير
دموع التماسيح
انفجعت منال وسكتت يبدو ان هاله هي الغلطانه

فالبيت بعد ما كملت مذاكره
ومسائلها ..

هبه : حبي
نزار رفع راسه من اللاب توب : نعمين
كان منسجم مع مباراه
لف وشهق يتأمل السماحه في اوجها

هبه : نبي نرقص قالت وهي تحط يدها على خصرها بدلال
نزار : بس هكي ؟! انت تدلل واتعب نزار اللي اصلا مجنون بلا رقص
ضحكت وهي تشغل اغنية نرجا فيهم ضيعت عمر الصبر نرجى فيهم

يتأملها بسعاده ويحمدالله وجودها في حياته
كيف كان قبلها وبدونها رجل مهزوم عاطفيا
والان يتوج نفسه ملكا على كل الرجال لانه اميرته تحبه ..

*******

عرس تميم
منزل شيماء
خليل : بالراحه يا بطه النقيب راك اتعبيه قال وهو يقبل بطنها فوق فستانها
شيماء : ونا نتعب عادي

خليل : مهو تحبيه تعب هلك يا عيوني
شيماء : بس كريمه مش كيف الجميله والوحش
خليل :  والله حان عليها الراجل مجنون بيها ان شاء الله ما ياكلها

شيماء : وصيته زي ما قتلك؟
خليل : وصيته وشرحت له بالالف نقرا قال ناعلااااي كان نلقى نعضها

شيماء : اسم الله عليها مش صاير منه جنتلمان
خليل : لا مش صاير هذا اخطر فرد فالصاعقه يستر الله

***********
بيت جنان
جنان : حبيبي والله سمح نبي الحنا تبان
نجيب : ونموت نا من الغيره لاااااا
جنان بدلال : ربحك نجيب

نجيب : لا يعني لا
جنان : يوووووه
رجعت وبدلت وكانت شاريه اكثر من فستان بس خاطرها فالاسود القصير يجنن عليها
قال ركبيك باينات تي من يبي يبحت كلنا صبايا

كشرت في وجهه وكشر في وجهها
نجيب : امتى تروحي
ردت بغضب : نعرفش
نجيب : كنك تهزبي

نزلت م السياره وعلت صوتها بمكر : من هزبك كنك انتا
اقترب وائل :  كنك جنو صوتك عالي
دارت روحها تبكي ولم يكن يبان م ااخمار
ن
جنان : جيب زعلان مني ويهزب
نجيب قلبه طاح : حبيبي والله ما قصدي
وائل : باه بلا فضايح فالشارع توا نمشي معاها لباب الصاله