𝙱𝚎𝚊𝚞𝚝𝚒𝚏𝚞𝚕 𝙻𝚒𝚊𝚛 💐 - JJK ( Ongoing )

.04

සෝහි ජන්කුක් ගේ පෙනුමට පවා ආස කලා .. මතකය අහිමි උන නිසාමද මන්දා කෙල්ල හිටියේ අලුතෙන් ඉපදුනා වගේ .. ඒ නිසා එයාගේ හිත ජන්කුක් ගෙන් පිරිලා තිබුනා .. ඒත් ජන්කුක් නිතරම කලේ කෙල්ලව මගෑරපු එක .. ඒ වගේම හායුනුත් තවමත් ජන්කුක් ට බය උනා .. ඔව් ඉතින් ජන්කුක් ඉන්නෙත් මූණ පුප්පගත්ත ගමන්මනේ ..

සෝහිව අද හොස්පිටල් එකෙන් ඩිස්ටාජ් කලා .. කෙල්ල හරීම සතුටෙන් හිටියා ජන්කුක් එක්ක එයාලගේ ගෙදරට යන්න .. ජන්කුක් ගෙයි එයාගෙයි මතක ආයෙමත් මතක් කරගන්න එයා ගොඩාක් උත්සාහ කරන්නම් කියලා තමන්ටම පොරොන්දු උනා .. ඒත් ජන්කුක් හිටියේ දෙගිඩියාවෙන් .. එයාට ජිමින් ගේ ඔම්මට මූණදීගන්න වත් බැරි තරම් මහා අපහසුතාවයක් දැනුනා .. ජිමින් නැතිව ජිමින් ගේ ගෙදර පාලුවට ගිහින් ..

ජන්කුක් තීරණය කලා සෝහිවයි හායුන්වයි එක්කලා තමන්ගේ ගෙදර යන්න .. අද ඊයෙ වෙනකන් කසාදයක් ගැන හීනෙකින් වත් නොහිතපු ජන්කුක් හදිසියේම හස්බන්ඩ් කෙනෙක් වගේම අප්පා කෙනෙක් උන එක ජන්කුක් ටත් ගොඩක් නුහුරු දෙයක් .. ඒකත් ජිමින් ගේ පවුලට ?

" අහ්හ් .. "

" ච් පරිස්සමෙන් .. ඉන්න .. ඉන්න "

පැසෙන්ජර් සීට් එකේ වාඩිවෙලා හිටිය සෝහි හායුන් වත් උකුලේ තියාගනයි වාහනෙන් බහින්න හැදුවේ .. ඒත් කෙල්ලගේ පොඩි පොඩි තුවාල තවමත් රිදෙන නිසා එයාට අමාරුයි තනියම දෙයක් කරගන්න ..
ජන්කුක් තරහින් වාහනෙන් බැස්සා .. සෝහිටත් හරි හදිස්සිය වාහනේ නතර කලා විතරයි පොඩි එකී එක්ක බැහැලා දුවන්න හදන්නේ ..

" පුදුම හදිස්සියක් නේ .. හොස්පිටල් එකේ ඉදන් ආව බව අමතකද ? "
ජන්කුක් වාහනේ දොර ඇරිය ගමන් සෝහිට බැන්නා .. කෙල්ල තොලක් හපන් බිම බලාගනිද්දි බය උන හායුන් වාහනෙන් පැනලා පිටිපස්ස සීට් එකෙන් බහින එයාගේ හැල්මොනී ගාවට දිව්වා ..