بين الحُب والطمع

بارت(2)

بين_الحُب _والطمع ✨

آلكآتبــه:-زهرآء 🦋

يالجاي للحُب إجديد متشِعشع
وعندك عيد بهونك ترى الدرب يجيد
بثکل عليك اوزانه روح لهلك يوليد لا تبلانه! ❤

***********************************************
قراءه ممتعه ولا تنسون التصويت فراشاتي ✨🦋

"ريا"

ومن بعد ماا حضنت ماما وبابا لمحته هوه نفس الولد
اجه وكف ليغاد عنه وجان ايصيح

قسور: السلام عليكم

الجميع: وعليكم السلام

قسور: هاي عصريه اتمنى تاخذوهه

ابو ريا: ليش متعبين روحكم والله ماله داعي احنه
جايبين اكل ويانه كامل...

قسور: لا حجي هاي اضيافه لان اول مره تجونه هنا..

ابو ريا: تسلم ابني ماقصرتو الله ايزيد خيركم يارب.

-وهوه عيونه تباوع عليه وجان ايكول

قسور: هذا حليب الحجيه حضرته بيدها وحار بعده اشربو
قبل لا يبرد..

-ميل راسه بمعنى رجلج اشون صارت.
اني سويت اله حركه بشفايفي وعيوني حزينه ودتوجع
وهوه جر حسره..

ابو ريا: شكراً ابني بس دلونه بيتكم حتى نرجع المواعين
الكم لان بعد شوي نرجع للمدينه...

قسور: لاحجي ماريد اتعبكم اني اجي اخذهم بس
صيحوو اني اجي..

-اجت امي عليه جابت حليب كالت اشربي حليب
مفيد للصحه..

رياا: ماما الكلاص..

ام ريا: شكو شبي الكلاص..؟

رياا: ماما ماعرف اشون غاسلي ومنو ايكول حليب بقره
يمكن حليب صخله نفسي لعب من الحليب ماما ماريد الحليب..

-وخرته ماما عني واني بقيت صافنه اتأمل المنضر الحلوو
والطيور الطايره والاشجار الاهواء ايحرك بيها
وماحس اله علي فززني بصوته...

علي: هاا ست الحسن وين صافنه.؟

رياا: اعوذ بالله شبيك رعبتني مو جنت كاعده اتأمل المنضر..

علي: دكومي راح انروح رعبتها "اوويي رعبتني "

-كالها وهوه يعوج بحلكه
-رحنه ولمو الغراض وكلشي رجعو المواعين مالتهم
وماما خلت بالمواعين فواكه وببسي وكيك لان عيب
نرجع المواعين الهم فارغه
وعلي صاح لنفس الشخص واجه اخذهم وتشكر من عدنه وراح...
وصعدنه بالسيارة وطبعاً لازم اقيم حرب حتى اني
اكعد يم الباب علمود اعوف الجامه مفتوحه
كعدت وبقيت شارده طول الطريق وميته وجع
من رجلي بس اني اكابر مابين وجعي
وجان نوصل للسيطره واكوو جيش
واجه واحد عسكري كال..