#بين_الحُب _والطمع ✨
الكاتبه: زهراء
ﻧﺤﻦ ﺃﺣﻴﺎﻧﺎً ﻧﺴﺘﺤﻖ ﻛﻞﻣﺎ ﻳﺤﺪﺙ ﻟﻨﺎ
ﺣﺘّﻰ ﻧﻔﻴﻖ ﻣﻦ ﻏﺒﺎﺋﻨﺎ ﻗﻠﻴﻼً ..💔!
******************************
لا تنسون التصويت حبايبي ✨
"ريا"
جنه طالعين سفره لمنطقه ريفيه وصلنه للمكان ايجنن شط
واشجار اني نزلت وركض ع الشط كالو وين رايحه
كتلهم اريد اروح للشط كالو ديري بالج لا توكعين
بعدين بقيت افتر ولعب بل ماي وعثرت وكعت بل ماي
وتلوخت ملابسي طين وشالي وكع من راسي صار على حافة الشط وشعري انحل نزل جوا ضهري لان طويل وجسمي صار كوله طين واني كمت اكمز شنو هاي
توسخت طين وبعدين شخص شاب ماعرفه وكال
قسور: الله ابويه الله غير تنتبهين
اني انرعبت منه كتله
ريا: منو انتَ؟
اني نسيت نفسي مفرعة بدون شال على راسي
قسور: انطيني ايدج اساعدج.!
وساعدني بدون ماوافق على المساعده وبعدين
اجتني اختي ساره
ساره: انتَ منو وشتريد من اختي.؟
وكامت اتريد اصيح ال اهلي عليه عبالهه اجه ايريد
يخطفني.
قسور: اشبيج انتي ترى ماعرفها مجرد دساعدها لان
وكعت.
عاد ساره لزمت ايدي وجرتني
واخذت شالي وغسلته وشريته على الاشجره
اني بقيت اكمز من الطيان عاد اخوي علي كال..
علي: ال مثقفه وكعت وتطينت ولا تكعد راحه
ست الحسن ولا تكعد كبر شهل تمغلط
ريا: حجيت بعصبيه ماتحملت كتلهم هاي شبيكم
كافي تحجون عليه والله ال ماي صوجهه هوه
وكعني مو اني جان امي اتكول..
ام ريا: زين الحمدلله مصارلج شي يروح امج
عاد اني رحت كبل حظنت امي وكتلها
ريا: ماما لا تخافين علية اصلن بنتج سباعيه متخاف
ساره كامت تضحك
ساره: ههههههه سبعه لو ثمانيه
اني صرخت بوجها وكتلها
ريا: ساره كافي تحششين عليه يعني هية كاع ورطبه وكعتني هية صوج الكاع مو اني..
فه جان انسى الشال وامي كالت...
ام ريا: ماما حبيبتي وين حجابج هاي العالم كل اشوي يجون منا.
أنت تقرأ
بين الحُب والطمع
Mistério / Suspenseآلَکْآتٌبًهّ زٍهّرآء ✨ وهل سوف يأتي يوم واحصل على كل ما اريد هل سوف يحبني احدهم بنفس تلك الطريقه الذي احببته بها انا😔!
