عروس دجلة

الفصل الاول

بان _ ماعرف شدكولين اشوفه ؟

ختام_ اي شوفي انتي صارلج اكثر من ست سنوات من انفصلتي من هذاة زواجج الي ما دام غير بس شهر ونص وشفتي الحياة بعد الانفصال شلون صعبه وكلام الناس والاقارب محد يرحم

بان_ اي والله تعبت حيل من هاي الحياة لوحدي شايله المسؤوليه وهمه يكولون عليه هذا الرجال خوش رجال ومتدين يعني رح يعاملني بما يرضي الله

ختام_ ان شاء الله يارب دشوفي هسه

بان_ رح انطيهم خبر يجون يوم الثلاثاء يعني عكب باجر حتى الحك اتجهز

ختام_ ان شاء الله خير

ام بان_ ها نخابرهم

بان_ اي ان شاء الله

يوم الثلاثاء
....
بان اتصلت على ختام كاميره

ختام_ شنو هالجمال

بان_ ماخليت مكياج هوايه لان سمعت بي متشدد ولبسي زين محتشم مو

ختام _ تخبلين حبيبتي الله يتمم على خير

بان_ ان شاء الله

ام بان _ يلا انزلي وصلو تقريبا يم البيت

نزلت بان خابرو طلعتلهم بان بالباب تستقبلهم
نزل رجل في اول التلاثين من عمره ابيض البشره بشعر اسود كثيف مغطي بي جزء من كصته بعيون واسعه عسليه بقامه متوسطه وجسم مائل للنحاله
وياه امراءة كبيره بالعمر كانت هي الي تقود السياره بعمر الستين بشعر اشقر ومكياج خفيف لابسه فستان فضفاض وعقد ضخم على رقبتها
استقبلتهم بان بكل حب وحماس وخجل وكعدو بالاستقبال

ام بان وام محمود كاعدين واحده بجانب الاخرى و بان و محمود كاعدين واحد مقابل الاخر
نظرت اله بان شافت منظره ومظهره مناسب مقبول
وهو مانزل عينه من عليها
حجو بالبدايه احاديث التعارف
وكامت بان قدمت للضيوف العصير
بعدها سألت ام محمود بان شنو رأيج هذا محمود كدامج

بان بخجل _ اي زين

ام محمود _ ها محمود هاي بان كدامك شنو رايك

محمود_ هاهيه مقتنع

ام محمود _ اي عيني ام بان احنه جايين نريد نطلب ايد بنتكم بان شنو طلباتكم

ام بان_ والله يا اختي ام محمود ماعندنه اي طلبات احنه نريد رجال يحب ويحترم بنتنا ويحطها بعينه ويخاف الله بيها

ام محمود _ احنه نشكرج على طيب اخلاقج وكبرتي بنظرنه انو انتو مبينين ناس مو ماديين لعد خلي يصير تواصل بينهم وهمه يتفقون

ام بان _ اي ان شاء الله شكو بيها

خلصت الكعده و وتوادعو وراحت بان توصلهم للباب
ام محمود واحت للسياره وكف محمود واندار على بان وباوع بعيونها
يلا فوتي جوه
ابتسمت فات وهزت براسها وسدت الباب وفاتت جوه