لقد وعدتني ان نعيش في الجنة
لما رميتني بقاع الجحيم
...
خلصت ايام الاجازه و رجعو عالبيت
رجعت ام محمود فتحت الموضوع ويه بان
وحاولت تقنعها هيه و سوسن
بان متردده من المرضوع ومو حابته ابدا
محمود_ بان شبيج
بان_ انتو شبيكم مو اني !!
محمود_ حبيبتي انسي الموضوع اهم شي عندي راحتج
واليوم حتى نطلع من ضغط و التوتر حنطلع اني وياج
بدلت بان و طلعت هيه ويا
راحو مطعم طلبو وجبه
اكلو وجان الوضع طبيعي وهادئ
محمود_ اكو واحد يسوي كهوه هنا كلش طيبه شنو رأيج نمر عليه
بان_ اي يلا ليش لا
طلعو هيه ويا ركبو السياره
فاتو بفرع طبك السياره
محمود_ انتظري هنا حروح اجيب الكهوه واجي
بان_ تمام
بقت وحدها بالسياره شغلت الراديو وضلت ادور اذاعه بيها شي حلو تسمعه
محمود فتح باب السياره وبيده الكهوه انطى وحده الها وبدو يشربون الكهوه
وهمه مستمتعين على انغام موسيقى كلاسيكيه بالراديو
..........
ام محمود_ سوسن الحجي خابر واستعجلنه حيل
سوسن_ اليوم تنحل مالج شغل محمود حيأثر عليها
ام محمود_ خلي نشوف شرح يطلع بأيده هذا الفاشل
.....
محمود ساق السياره وطلع بمكان بعيد ومهجور
بان_ هاي وين رايحين ؟
محمود_ مسويلج مفاجأة حياتي !!
بان_ اممممم خير ان شاء الله
فاتو بستان جبير كلش
طبك السياره وباع عليها يلا ننزل
ابتسمت براءة ونزلو من السياره
اتمشو وجان وقت متأخر من الليل والظلام
طاغي على كل مكان
لزمت ايده و تتبع خطواته
باخر المكان جان اكو بيت صغير كلش عباره
عن غرفه وحمام بس
دخلو بيها
محمود فتح الضوه
وحضن بان وباسها
هيه اطمنت بحضنه وحضنته
محمود_ اخخ شلون نسيت تلفوني بالسياره
بان_ شلون تنسى حبيبي هسه شرح يرجعك هناك واخاف اني ابقى وحدي
محمود_ انطيني تلفونج اسوي منه مكالمه لامي نطمنها عليه
انطته التفلون اخذه منه واتصل على امه
محمود_ ها ماما هاهيه اتحضري
سد التلفون اتجهه للباب سدهه بمفتاح
محمود_ حتى لاتخافين قفلت الباب
ابتسم جرها لحضنه حيل وراها دفعها بالكاع ووكعها
ولزم تلفونها بأديه و كسره
بان تباوع بصدمه _ شبيك تخبلت ؟
محمود _ لا بس هسه بده وكت الجد والشغل
بان_ شقصدك ؟
محمود_ اختاري منو حابه نبدي يموت من عائلتج
امج ؟ لو اخوج ؟ لو شدكولين نسوي قرعه
هههههههههههه
كامت بان ركضت عالباب تريد تفتحه و تضرب عالباب حيل
وتصيح الحكولي ياعالم ياناس
محمود يضحك بصوت مستفز
محد رح يسمعج هنا
بان_ مخبل انت اكيد انت مو انسان عاقل
استمر بالضحك _ بعد ماشفتي شي من خبالي هههههههه
بان_ شتريد مني ؟
محمود_ عفيه هنا اجينه للمفيد شنو اريد منج
بان_ كول شنو تريد
تقرب محمود عليها _ مهمه صغيرونه تخلصيها وتخلصين اهلج من الموت
بان_ شنو قصدك ؟
محمود_ مهند سليم !!
بان_ منو مهند سليم ؟؟!!
محمود_ رجل اعمال وسياسي المطلوب منج تدخلين لبيته
وتنقليلي كل اخباره وتحركاته وعلاقاته ومنو يجي والمن يروح
بان_ انتو عصابة !!
محمود_ ههههههههههههههههههههه شلون ما تردين تفكرين فكري اسمعي كلام وحافظي على حياتج وحياة اهلج
وها اذا خلفتي بشي او حاولتي تبلغين تره وين ماترحين تنهزمين نجيبج
لاعبالج احنه شويه احنه هوايه تره وبكل مكان ديري بالج زين
بان_ انت تزوجتني لهذا السبب
اتقرب منها ولزم شعرها وباسه _ لا حبيبتي بنو اني اريد اعيش وياج حياة مرتاحه وهاي المهمه الوحيده الج حتكون وراها تتفرغيلي ونعيش احلى ايام بوفاهيه وسعاده
دفعته حيل _ مدا اعرفك انت منو انت مو معقول انسان
جرها من ايدها عليه بقوة وخله وجهه على وجهه _ اسمعي كلامي بان بعد هذا الكلام الموت الج ولاهلج والي حيصير مجبوره تسمعين الكلام
بان تبجي ومصدومه من الي صار وتسمعه
بان_ اهلي شدخلهم اقتلني اني وخلصني
محمود_ اسمعي كلامي وكلكم بخير ونعيم تصيرون صدكيني
بان_ اصدكك !!!! هه
ضلت بان تتفحص بالمكان وتبجي محمود طلع سيكاره ويدخنها
اجته ضربه قوية بعصا شافتها بان ومسكتها عالسريع ضربته
وكع بالكاع مغمى عليه
ضلت صافنه وترجف
نزلت للكاع اتفتش بملابسه عالمفتاح
لكته بجيب بنطرونه اخذته عالسريع وفتحت الباب
وركضت بكل قوتها و تبجي
وتصيح بالمكان على امل احد ينقذها
ضلت تركض و المكان ظلام دامس
ماتشوف شي لحد ما لمحت ضوه خفيف من مكان
اتجهت عليه تركض ووكعت التوت رجليها وانجرحت ايدها
حاولت ادوس عالألم وتكمل طريقها
ركضت على اتجاه الضوء لكت سياره
حاولت تفتحتها و تصيح اكو احد هنا ساعدوني
فجاءة ايد لزمت كتفها اندارت وهيه تبجي
ولكت سوسن وام محمود
بان_ عمه سوسن
سوسن_ وين تردين تنهزمين ؟؟؟ ضربتها على راسها
ووكعت مغمى عليها
....
أنت تقرأ
عروس دجلة
ChickLitبكل مناسبه احضرها انسأل نفس السؤال ليش ما تزوجتي .. وكل دعاء احصله منهم ان شاء الله عروسه المجتمع انطى امتيازات لكونك متزوجه خلى عقدة نفسيه لاغلب البنات الزواج ! مؤسسه تنبني على الحب والاحترام والتضحيات المتبادلة الزواج بالواقع عباره عن امراء...
