تموت الاحلام حين نذوق كأس الخذلان
حلم بعد حلم
حتى يموت القلب نهائيا عن الاحساس
بأي شيء
و يصبح العالم
رماديا
...
فتحت عيونها بان لكت نفسها بنفس الغرفه الي جانت بيها
مربوطه و محمود و سوسن فوك راسها
سوسن _ انتي ليش تعاندين و تعبينا وياج
محمود اتقرب عليها _ اني رح اسامحج على ضربتج الي بس عندي شغله مهمه اشوفها الج اتصل على التلفون وفتح السماعة
محمود_ ها ماما
ام محمود_ هلا ابني هاي ام بان تسلم عليك يمي كاعده
ام بان_ هلا وليدي محمود شلونك
رادت تصيح بان لزمت حلكها سوسن
محمود_ الحمدلله زينين اريدج تتونسين عمه وديرين بالج على نفسج وعلى امي
ام بان_ اي ادلل من عيوني وان شاء الله نرجع والحجيه بخير وبصحه وسلامه
محمود_ ان شاء الله تسلمين عمه ما انسى هذا موقفج
ام بان_ لا يمه احنه اهل صدك بان وين من البارحه ما بينت
محمود_ جوه بالمطبخ هسه شوي واخليها تخابرج
ام بان _ يلا على راحتها ديرو بالكم على بعض
محمود_ مع السلامه عمه
ام بان _ الله وياك يمه
سد التلفون و كعد كبال بان
محمود_ امي اخذت امج لغير محافظة بحجة انو هيه مريضه ودت تتعالج هناك ومحتاجه واحد واياها اي حركة منج امج تروح باي باي ونقره الفاتحه على روحها
بان انهارت من البجي _ انت ليش هيج دتسوي ويايه شسريتلكم اني ؟
محمود_ ماسويتي شي حبيبتي بس حظج هيج شسوي
سوسن_ ها شكلتي ؟
بان_ موافقه اي شي اسوي بس معليكم بأهلي
محمود_ اي هذا الحجي الزين
سوسن_ اي حركة غدر منج تنتهين بان
بان_ افتهمت هاهيه الي تريدو مني هسه شسوي ؟
سوسن_ اول شي من اليوم انتي اسمج دجلة
رح تمشين بهوية ومستمسكات جديده
حتى كلشي يصير انتي شخصيتج
الحقيقيه واسمج بعيد عن الشبهات
رح انطي خبر للحجي يسويلج الطريق
حتى نشوف اليوم الي تروحين بي لبيت مهند سليم
هسه يلا كومو نروح منا
حتى تروحين ترتاحين وترتبين نفسج
واعلمج كم شغله تهيأج للمهمه هاي
رجعو للبيت الطريق كله بان ساكته ومغلوب على امرهه
تورطت بشغله اكبر من عدها و ياترى شنو الي ينتظرها
من مخاطر بس اهم شي تنقذ امها واهلها
أنت تقرأ
عروس دجلة
Literatura Femininaبكل مناسبه احضرها انسأل نفس السؤال ليش ما تزوجتي .. وكل دعاء احصله منهم ان شاء الله عروسه المجتمع انطى امتيازات لكونك متزوجه خلى عقدة نفسيه لاغلب البنات الزواج ! مؤسسه تنبني على الحب والاحترام والتضحيات المتبادلة الزواج بالواقع عباره عن امراء...
