نزل مهند من الطابق العلوي جانت بان واكفه بنهايه الدرج
وكف وبارع عليها
مهند_ اهلا وسهلا شنو اسمج كلتلي ؟
بان بأرتباك _ د دجله
مهند_ اممم اسم جميل وعريق ويحمل تاريخ وقصص
دجله_ اي اكيد
مهند_ تعالي ورايه
مشى ومشت وراه دخلو للمكتب
مهند_ شوفي دجله اني ما ادخل اي احد بيتي وخصوصيه عندي كلش عاليه لذلك مدا اكدر اختار الشخص الي يساعدني هنا
نظرت اله بتفهم
رجع كمل كلامه_ اني الحجي اعزه واحترمه وانتي من طرفه اجيتي وهذا الشي الوحيد الي رح يخليني اوافق على شغلج هنا لكن يادجله
الي تشوفي هنا وتسمعي ويصير هنا يموت هنا
لاقرب شخص الج ماتحجين
دجله_ اي فهمت استاذ مهند
مهند_ مبدئيا رح انطيج اسبوعين اختبار انتي واني نشوف اذا الوضع تمام نستمر
دجله_ مثل ماتريد
مهند_ اي شي تحتاجي لاتترديين تحجي اليه واعتبري هذا البيت بيتج الثاني
دجله_ ممنونه منك وان شاء الله اكون عند حسن ضنك
مهند_ انتي متزوجه عندج اطفال ؟؟
نظرت نظره حزن واتذكرت مأساتها وابسمت ابتسامه خفيفه
دجله_ ارمله !!! وتنهدت _ لا ماعندي اطفال
مهند_ اني اسف
دجله_ عادي استاذ
مهند_ تكدرين تبلشين من اي وقت تحبين
دجله_ من هسه !
مهند_ اذا مستعده ليش لا توكلي
دجله_ من رخصتك
مهند_ اخذي راحتج
طلعت من المكتب وجرت تنهيده قويه وغمضت عيونها
وراحت للمطبخ
بدت ترتب بي وتشتغل
فات عليها مهند _ دجله اريد كهوه لو سمحتي
دجله_ حاضر استاذ دقايق
بدت تجهز القهوه و الف فكره براسها
شلون رح تعيش هنا وشلون رح تحصل معلومات عنه
شلون رح تخلي يثق بيها
صبت الكهوه و وكفت امام الباب دكت الباب وفاتت للمكتب
جان مهند كاعد يشتغل وغركان بأهتمامه بالاوراق
خلت فنجان الكهوه وطلعت
رفع راسه وجذبه رائحة القهوه اخذ فنجان الكهوه
وقربه اله وبده يشرب
عجبه الطعم كلش
وحبها
وكال بسره_ شكلج رح اطولين
صارت ساعه 10 باليل ودجله خلصت شغل البيت من تعزيل وترتيب
وسوت العشى خلت الاكل على ميز الطعام واجى مهند كعد
صبتله من الاكل
جانت طابخه دجاج بالفرن و معكرونه باللحم
بده يتذوق الاكل وعجبه طعم الاكل
أنت تقرأ
عروس دجلة
ChickLitبكل مناسبه احضرها انسأل نفس السؤال ليش ما تزوجتي .. وكل دعاء احصله منهم ان شاء الله عروسه المجتمع انطى امتيازات لكونك متزوجه خلى عقدة نفسيه لاغلب البنات الزواج ! مؤسسه تنبني على الحب والاحترام والتضحيات المتبادلة الزواج بالواقع عباره عن امراء...
