احضني انا خائف

بدايه

تصفح هاتفه قليلاً اثناء الصباح، استيقظ للتو وكان يفعل روتينه المعتاد يتصفح هاتفه قليلاً ويحدث رفاقه ثم يتجهز ويذهب للجامعه.

دق هاتفه ليجيب اثناء خروجه من السرير
_ قمت اهو والله.

تأفأفت الفتاه علي الخط لتتحدث بأنزعاج
_ هاجي اخدك كمان نص ساعه ف انجز نفسك علشان لو جيت وملقيتكش همشي واسيبك.

اغلق الخط واتجه للمرحاض اغتسل وخرج ليخرج ملابسه، بنطال جينز واسع العنق وتيشرت قصير ابيض وبه رسمه توت حمراء في المنتصف.

ارتدي ملابسه ومشط شعره ليلتقط صوره في المرأه وينشرها علي تويتر اثناء ربطه حذائه وحمل حقيبته علي ظهره.

القي السلام على صديقته وركب السياره بجانبها.

وضع سماعاته واخذ يستمع للأغاني بصوت منخفض الي ان وصلا للجامعه.

انهي محاضراته وجلس في حديقه الجامعه قليلاً الي ان يحين ميعاد عمله.

انزل احدهم هاتفه بخفه لينظر نحوه بأقتضاب سريعاً ما انحل لرؤيته صديقه خالد بعدما سافر لأجل مشروع منذ اسبوعين.

_ يخربيتك وحشتني اوى مقولتليش ليه لما رجعت.

_ قلت اعملهالك مفاجئه بقي يسيدي، امال فين البت حبيبه مش لازقه معاك يعني.

ضحك زين واخبره انها تمتلك محاضرات.

تحدثا قليلاً ثم اوصل خالد زين الي متجر الملابس الذي يعمل به ورحل ليحضر الطعام الي ان ينتهي الأخر من التوظيب ويفتتح المتجر.

جلسا مقابلين لبعضهما يتناولان لفائف الشاورما ويتجاذبان اطراف الحديث.

_ لسه جارك البضان ده بيرخم عليك بي الكلام؟.

اومئ زين اثناء ابتلاعه للقمه في فمه.

_ اه قرفني، كل ما يشوفني يقعد يديني محاضره عن هدومي وعن ازاي ابقي راجل تخيل انه هددني حتي انه هيبلغ عليا لو فضلت البس كده.

عقد خالد حاجبيه واستقام بغضب.
ـ هروح افشخه نصين علشان يبقي عنده سبب حقيقي يبلغ عليه.

ضحك زين بقوة وجذب خالد من قميصه ليجلسه ويناوله شطيرته مره اخري.

_ روق هو اول واحد يعني، لو هتضرب كل حد علق علي شكل هدومي مش هنخلص.

زفر بحنق وقضم من لفافته بحنق.
_ برضو لو حد ضايقك قولي و اوعك تسكتله.

اومئ زين مبتسماً وتحدثا قليلاً قبل ان يرحل خالد.