عبد العزيز اختار ينهي الحكايه لهنا بس القدر يقبل ؟
كلشي مكتوب ومحسوب الكل يضن شي بس يصير شي
مثل مكالت خالتنه الحلوه دلال وكت الزواج يصير حرب بين القلب والعقل عبد العزيز اختار عقله بس معقوله القلب هلكد ضعيف؟
مثل مااشفنه تقى سيطر عقلها وعبد العزيز سيطر عقله كلب تقى استسلم وسلم روحه للدماغ لان انخذل بس
كلب عبد العزيز ماانخذل ؟ كلبه أقوى من الدماغ !!
________
بعد خمس أشهر ________
تقى : كاعده بالبيت بليل ساعه ب ١ دتمطر ليل وهدوء وصوت المطر فجأه واني صافنه على المطر اسمع صوت دك الباب رحت فتحت لكيت امي كبالي مستوعبت
هند : فتحت ايدي دااحضنتها
تقى : حضنتها بقوه ونزلت دموعي وينج عني يمه شوفي شصار بيه باعي حالي يمه كتلج رجعي ليش ماارجعتي عفتيني وحدي احارب تعرفين شكم ليله ماانام بيها لو شكم يوم مااكل يمه موتتني الوحده ردتج يمه ليش مااجيتي
هند : تقى ابوج سافر للأمانيا شمرني بلا اي شي واحد رجعني الله يوفقه
تقى : وخرت وكمشت جتفها شنووو صدك تحجين
هند.: اي يمه اي
تقى : حضنتها بقوه اكثر صدك تحجي شلون يعوفها وحدها طبت وجبتلها ملابس وسويت اكل احجيلي يمه شصار
هند : رحنه لامريكا وقبل اسبوعين المفروض نرجع اجه ابوج عليه كال عندي شغل حروح للأمانيا كلت ميخالف هسه يرجع ياخذني ونرجع مرجع رحت على الي وياه بالشغل كلهم سدو الباب بوجهي وادك عليه ميجاوب بس واحد كلي شغل غسان شهر يلا يرجع كتله اريد ارجع الله يخليك حجزلي ورجعت
تقى : خليتها تنام بحضني ومكدرت انام مرت خمس أشهر واني بالبيت اشتريت بيت ثاني وره ماابعت المزرعه بس مااعرف شنو الي خلاني اجي اليوم وابات مشت الايام بسرعه كل ميجيبون طاري عبد العزيز اكوم ماااسمع اي شي وماريد اسمع هوه كال شي صار وانتهى ليش اسمع اخباره بدت الكليات واني مااداوم كلي حسام دااومي بس ماريد ماريد اشوفه يوصل اخته لو صدفه اذا جانت راح تصير صدفه اني راح امحيها
_______ بعد اسبوع
تقى : اليوم الحنه مال معتز وفاطمه سوينه حنه جبيره كلش كعدت الصبح اهوس لمعتز وهوه يركص ظلينه نضحك عليه رحت ابدل ورحت للصالون سويت مكياجي وشعري سويته ويفي ورفعت نص كملت ورجعت للبيت ولبست فستاني ماروني وحطيت شال نفس اللون على جتفي لان مفتوح بس وكت يطبون الولد احطه عليه جتي ريحانه . باع الجمال
______
ملاحظه / مثل مااذكرت قبل ريحانه تجي بس وكت الجامعه لبغداد هيه موجوده تقريبا صار شهر ونص
________
ريحانه : دباع جمالج انتي
تقى : ههه يلا امشي راح نتأخر امي وصلوها الولد واحنه تأخرنه طلعنه ووصلنه للقاعه الأجواء تخبل ظلينه نفتر ونشوف كلشي طبت فاطمه فستانها خيالي عبالك اميره طبت وياها فرقه ووراها معتز ظلو يركصون ونركص وياهم حناها ولبسها الذهب وكعدنه راح معتز وسوه دخوليه ويه الولد كاعدين اني وريحانه نهز احنه وكاعدين
أنت تقرأ
وهام
Romanceروايه وَهام قصه حب تجمع بين طالبه وصاحب اعمال يجمعهم القدر ويفرقهم وصيه ابوه حب الكل چان عباله نهايه زواج بس.... الكاتبه رقيه الشمري.
