عبد العزيز: اريد اخطب تقى منك
معتز : ها
حسام : هلهلت
تقى : كرصت حسام وحجيت بأذنه مااريده
معتز : ننطيك عيونه مو بس تقى محد يستاهلها غيرك
تقى: انداريت عليه معتز حبيبي شبيك مو هذاك اليوم رحت لعرسه تريدني انزل على مره
حسام : لج لاا مااتزوج
عبد العزيز: طلعت فيديو بتلفوني مال يوم المهر
___________قبل خمس أشهر
عبد العزيز : سألها وقبلت باوعت عليها وجاوبته لا طلعت من القاعه ادور تقى طلعت ركض للكراج مااكو اخذت سيارتي وافتر بالشوارع
الحكايه خلصت يم تقى بس يم عبد العزيز مااخلصت
عبد العزيز مر بمرحله ضعف من صار كباله ابو خطيبته وحبيبته خطيبته الإنسانه الي ابو اختارها أله وجان كلش فرحان بيها توفه ابوه وهوه يكله عوفها بس ميكدر ينسه فرحه ابوه الإنسان الي مااقصر وياه بشي راح وهوه مخذول معجبت ابنه الانسانه الي عجبته وصه ابنه يعوفها بس من شده حبه لابو مكدر يعوفها فجأه لكه نفسه كل يوميه يشمر نفسه بحضن انسانه جان يشوفها خاليه جتي داوت جروحه ودخلت لكلبه و لروحه سيطرت على كل شي بي الشخص الي بس يبوس راس أمه كام يبوس كل أجزاء هاي الانسانه يمكن جانت قصه خياليه للبعض وهيه هاي الحقيقه بالنهايه هوه عافها بس كل شخص يمر بمرحله ضعف عبد العزيز مااسلم نفسه لرنا صحه على نفسه بأخر لحظه صح متأخر بس مااصار لغيرها ولا سلم نفسه لغيرها من نظربت الطلقه على الباب تقى سيطر عقلها وعبد العزيز سيطر كلبه جانت صحوه للطرفين الموضوع اكبر من انو ينحجي بي بكم كلمه بروايه بس الحقيقه هيه لو جان يحبج ما سمح لنفسه يصير لغيرج عبد العزيز مارضه يصير لغيرها ووحده تملكه غيرها جان مجرد تفكير ومن اجه وكت التنفيذ مكدر لان الكلب حب من صدك الكلب من يحب ميخذل ولا يعوف بس اذا جان اكو شخص اكبر من الحب بالنسبه أله عبد العزيز حط تقى بصفه وكمش ايدها حته يكللها مااصير لغيرج بس عقله مكدر يتقبل فكره يتزوج انسانه ثانيه غير الي اختارها ابو جان المفروض يكول الله يوفق بتك عمي اعذرني اني احب بنيه ثانيه بس الكلام الي طلع هوه اني شاري بتك ومااعوفها شافها تتعذب كباله راح عليها يصحح خطأه ويعتذر بس هيه اغمى عليها وراحت منه رجعت أله بكل شموخ ورافعه راسها وثقه بنفسها هذا الشي حفز الدماغ خلاه يسيطر اكثر شجان صار لو تقى مااغمى عليها؟ جان تصلح كلشي بس متصلح شي وتقى اغمى عليها وعبد العزيز خسر تقى بلحظه ضعف
_____________
تقى : الفيديو بي من عبد العزيز عاف المهر وطلع ورايه درت وجهي وسكتت ظلو فرحانين ويحجون وصوت ضحكه عبد العزيز تبين من كل كلبه وصلنه ورجعني حسام لبيتي اخذت السياره ورحت لبيت عبد العزيز دكيت الباب فتحت أمه طبيت بدون مااحجي شي صعدت لغرفته وفتحت الباب
أنت تقرأ
وهام
Romanceروايه وَهام قصه حب تجمع بين طالبه وصاحب اعمال يجمعهم القدر ويفرقهم وصيه ابوه حب الكل چان عباله نهايه زواج بس.... الكاتبه رقيه الشمري.
