عبد العزيز: مر اسبوع وتقى غيبوبه مااعندي سبب اروح بس اول مااخذتها شفتها وجهاا كله دم وتون بأسمي اخوانها معافوها واني كل يوميه اخابر اخوها اتطمن متحملت رحت لأمي كومي بدلي يمه
دلال : ليش
عبد العزيز: اريد اشوفها مااتحمل
دلال: خوش بدلت وطلعنه وصلنه للمستشفى وطبينه للغرفه تقى مدده مثل الجثه وحاطيلها اوكسجين ومغذي ووجها اصفرر حالتها تقهر واكفين اخوانها ثنين على راسها
عبد العزيز: اول مشفتها متحملت طلعت بره كبل اخذت نفس وهديت نفسي كمت رجعت طبيت حمدلله على سلامتها
معتز : الله يسلمك
عبد العزيز: شوكت تكعد
معتز : مااعرف اريدها تحجي شتاقيت لصوتها ولضحكتها خلي تبقه بالمستشفى بس خلي تكعد اريدها يمي
عبد العزيز: حضنته ميخالف تعدي تعدي
ريحانه : وصلت للمستشفى وكمت اركض للاستعلامات تقى غسان تقى غسان وين غرفتها
_ الطابق الثالث غرفه ٦١
ريحانه: صعدت بالدرج بسرعه اريد اوصل اريد اشوفها فتحت باب الغرفه بقوه ووكعت يم رأس تقى ونزلت دموعي هاي شنو كليبي ليش هيجي كومي تقى كومي شوفيني اجيت مو مشتاقتلي كومي الله يخليج كومي لتعوفيني تقى لتعوفيني
حسام: كعدت يم بالكاع كومي ريحانه لتسوين هيجي كلشي مابيها هسه تكوم
ريحانه: مسدت على راسها وكمشت ايدها ماريد تعوفني تقى كومي
عبد العزيز: اني اتوكل
معتز : الله وياك حبيبي
دلال: خلي ابقه شويه وتعال عليه
عبد العزيز: تمام براحتج
دلال: رحت يم البنيه الي اجتي بلا زحمه عليك ابني
حسام: كمت وكفت يم معتز
دلال: مسدت على ظهرها تهون تهون كليبي كلشي يهون وتصير سوالف مابيها شي ان شاء الله ذكري الله
ريحانه: انداريت عليها وحضنتها بكل قوتي وبديت اشهك
دلال: ظلت تبجي وتشهك لحد مااهدت وكعدتها على التخم ونامت بحضني الإنسان من يمرض عزيز عليه مو يعتني بي لا رادله واحد يحضنه ويطلع كل قهره من يطلع مشاعره ذاك الوكت يكدر يوكف على حيله ويعتني بي
عبد العزيز: ظليت بالسياره جوه اكثر من ساعتين وكفت الدنيا بي مااعرف وين اروح لو شسوي
دلال: ابني بلا زحمه عليك عادي تخابر ابني
معتز : صار خاله تدللين
حسام : خاله خلي تنام على رجلي لعد
مازن ( اخو ريحانه ) : سلام عليكم
أنت تقرأ
وهام
عاطفيةروايه وَهام قصه حب تجمع بين طالبه وصاحب اعمال يجمعهم القدر ويفرقهم وصيه ابوه حب الكل چان عباله نهايه زواج بس.... الكاتبه رقيه الشمري.
