غسان : شبيج بابا
تقى :شبيه ؟ هسه صرت بتك ؟
غسان : حروح انام
تقى : تصبح على خير راح واني كعدت يم امي
هند : شبيج ليش هيجي صديتي
تقى : هسه تذكر يصير ابويه؟ صارله سنين اني والنعال اروح للمزرعه ولاربيل انهزم منه شهور ماارجع هذيج المره رحت ٥ شهور رجعت تفل بوجهي هسه تذكرني هسه صارت عنده بنيه تقى بتي سوده عليه يمه شبيج
هند : ميخالف انتي هم لتصدي كلش اول وتالي مسافر هوه
تقى : الله وياه كمت كملت العشه ورحت يم حسام ومعتز لكيت حسام بالحمام ومعتز يبجي رحت عليه وكومته وحطيت راسه بحضني
معتز : تقى ليش هيج
تقى : كمت امسد على راسه تنهدت وحجيت بلا حيله والله مااعرف معتز حبيبي كوم توضه وصلي لعل الله أقرب مني ألك بست راسه ومسحت دموعه
معتز : لتعوفيني تقى
تقى: مااعوفك يمك ظليت امسد على راسه وطلع حسام اشرتله يسكت لحد ماانام معتز نيمته عدل وكفنه اني وحسام بلا حيله منعرف شنسوي وياه حته الحجي منعرف منكدر نكول انسى راح يضم علينه ويتأذه ومن يسألنه منعرف نجاوب رحت جبت مي وشفت ابويه تريد احضرلك الجنطه
غسان : شبي معتز
تقى : كلشي مابي
غسان : سويت جنطتي راح اطلع بعد ساعه
تقى : الله وياك درت وجهي ورحت لغرفتي اجه يمي حسام
حسام : هاي شكو
تقى : شكو
حسام : أجواء البيت غريبه
تقى : ماكو شي بس ابويه فجأه تذكر عنده بنيه
حسام : شلون يعني
تقى : يحضن بيه ويجيبلي سياره ويضحك وياي
حسام : ههه خرب ضحكتيني تذكرت هاي الي تكول من تعود على التعب ضن ان الطمئنانيه كمين
تقى : هههه مو هيجي تره
حسام : عيب عليج اخوج يحجي جذب
تقى : لا لا العفو استاذ حسام ذيج الليله تناوبنه اني وحسام على معتز يكسر الكلب كل شويه يفز يبجي ويرجع ينام
_____________
عبد العزيز: رجعت من الدوام تعبان دكت عليه رنا الو
رنا : شعجب جاوبت من اول مره
عبد العزيز: شتريدين بابا
رنا : اريد اجي يمكم مشتاقلك
عبد العزيز: معزومين مااعدنه مجال هل اسبوع
رنا : لعد تعال يمنه
أنت تقرأ
وهام
Romantizmروايه وَهام قصه حب تجمع بين طالبه وصاحب اعمال يجمعهم القدر ويفرقهم وصيه ابوه حب الكل چان عباله نهايه زواج بس.... الكاتبه رقيه الشمري.
