تقى : شنوه ؟
عبد العزيز: صيري حبيبتي
تقى: ليش اني احبك حته ارتبط بيك؟
عبد العزيز: متحبيني؟
تقى : لا
عبد العزيز: تمام مراح ابوسج لحد متحبيني ونرتبط
تقى : هيه بس على البوس
عبد العزيز: لعد
تقى : تجي للمزرعه وتكعد يمي وهاي السوالف
عبد العزيز: اي راح اظل اجي كل يوميه لحد متحبيني وابوسج مره ثانيه
تقى : داافتح الباب اريد انزل مقفوله افتحها اريد انزل
عبد العزيز: شكلتي تصيرين حبيبتي لو كل يوميه اجي؟
تقى : خلي افكر
عبد العزيز: يلة ألج يومين
تقى: افتح الباب اريد انزل
عبد العزيز: سكتي راح اوصلج وصلتها ورجعت للبيت لأمي ظليت ادور عليها لكيتها كاعده تقره قرأن يمه اريد اسأل على شي
دلال: صدقت اسأل
عبد العزيز : شلون عرفتي هيه تقى الي احبها؟
دلال: خاف تنصدم من نفسك
عبد العزيز: لا كولي
دلال: جنت يم محمد ونام وسمعت ونه من غرفتك فتحت الباب وكعدت يمك جنت تون اول محطيت ايدي على راسك صحت تقى ظليت تون بأسمها وجنت مصخن وتقريبا فاقد الوعي داويتك وعرفت هيه الي تحبها
عبد العزيز: شلون هيجي محاس بروحي
دلال: شفت كتلك راح تنصدم يله كوم اريد اكمل قرآن
_____________
تقى : متحملت خابرت ريحانه ادري بيها مااعدها وقت بس كلت بلكت تجاوب
ريحانه: هلااوووو
تقى : هلو
ريحانه: شلونج شكو ماكو
تقى: عندج وقت اريد اسولفلج فد شي
ريحانه: اي امي اخذوها اخواني للطبيب كولي
تقى : حجيتلها من اول مره شفت بيها عبد العزيز لحد الان
ريحانه: انتي تحبي؟
تقى : مااعرف
ريحانه: تكولين كلبي يدك أله
تقى : اي
ريحانه: لعد عليمن خايفه بس خلي يجي يخطبج يحجي بيج وارتبطو
تقى : خاف يخذلني
ريحانه: مبين من كلامج يحبج بعدين كتلج خلي يجي يخطبج خطبه اهل احسن
تقى : راح أوثق بي
أنت تقرأ
وهام
Romanceروايه وَهام قصه حب تجمع بين طالبه وصاحب اعمال يجمعهم القدر ويفرقهم وصيه ابوه حب الكل چان عباله نهايه زواج بس.... الكاتبه رقيه الشمري.
