Chapter 2
September 22, 2024
💙Chapter 2-
နေအိမ်
လျှိုဖုန်းကျန်းသည် ယခုမှစ၍ ဝမ်ရှီ၏ မိခင်ဟု ဆိုနိုင်ပေသည်။
လျှိုဖုန်းကျန်းက သူ့ကို ရေချိုးခိုင်းကာ မီးဖိုချောင်သို့သွား၍ ရေချိုးရန် ရေနွေးလောင်းထည့်ပေးသည်။ ရေချိုးခန်းထောင့်တွင် နီညိုရောင် ရေအင်တုံကြီးတစ်ခုသာ ရှိသည်။ယင်းမှာ ဤအင်တုံအမျိုးအစားကို ပထမဆုံးအကြိမ် မြင်ဖူးခြင်းဖြစ်သည်။သူမက ရေနွေးကို ဇလုံကြီးထဲသို့ လောင်းထည့်လိုက်၏။
"အဝတ်အစားတွေ အမေ့ကိုပေး၊ ရေအေးကို မင်းကိုယ်တိုင်ထည့်လိုက်"
သူတော့ သွားပြီ။ဤပတ်ဝန်းကျင်သည် သာမန်မဟုတ်ပေ။ ကံကောင်းထောက်မစွာ ယခု ဆောင်းတွင်းမဟုတ်၍ မအေးသေး။ဤဟင်းလင်းပြင်ရေချိုးခန်းထဲမှာ ဆောင်းရာသီဆို သူ ဘယ်လိုရေချိုးရမလဲ။
ရေချိုးခန်းထဲမှာ ရေချိုးဆပ်ပြာမရှိ၊ ဆပ်ပြာတစ်တုံးသာ ရှိပြီး၊ ခေါင်းလျှော်ရည်တောင် မရှိပေ။ အုတ်နံရံမှာ ချိတ်ဆွဲထားသည့် မျက်နှာသုတ်ပုဝါ နှစ်ထည်ရှိပြီး ဝမ်လီချမ်က ဘယ်ဟာကို ပိုင်ဆိုင်မှန်း မသိပေ။ကြမ်းပြင်က မည်းနေတာကြောင့် ဘိလပ်မြေအုတ်ခင်းဖြစ်နိုင်သည်။ စိုစွတ်မှုကြောင့် နံရံထောင့်တွင် အစိမ်းရောင်ရေညှိများနှင့် အဖြူရောင်ဆားအချို့ ပေါက်လျက်ရှိ၏။ သူ့အမေက အဝတ်အစားများကို ယူလာပြီး ခုံတစ်ခုံ အထဲသို့ထည့်ပေးကာ တံခါးပိတ်ပေးပြီး အပြင်ထွက်သွားသည်။သူသည် သော့ကိုခတ်ကာ ညစ်ပတ်သောအဝတ်အစားများကို ထောင့်စွန်းမှ ဝါးခြင်းတောင်းထဲသို့ ပစ်ထည့်လိုက်သည်။ထိုဝါးခြင်းတောင်းက အဝတ်အညစ်များ ထည့်သောတောင်းဟု သူ ထင်မိ၏။
ထို့နောက် ရေချိုးရန် အနက်ရောင် မျက်နှာသုတ်ပုဝါကို ယူလိုက်သည်။သူ၏ အမြင်တွင် အမျိုးသားများသည် ပိုညစ်ပတ်သော မျက်နှာသုတ်ပုဝါများကို အမြဲသုံးသည်ဟုထင်မိသည်။ ဆံပင်ကိုလည်း ဆပ်ပြာနှင့် လျှော်ကြသည်။အရင်က သူကြည့်ဖူးသည့် နိုင်ငံကျော် တီဗီစီးရီးမှာ တစ်ယောက်ယောက်ကဆံပင်ကို ဆပ်ပြာနှင့်လျှော်ခဲ့ခြင်းဖြစ်၏။ဘာပဲဖြစ်ဖြစ် သူက အခု ယောက်ျားဖြစ်ပြီး ဆံပင်ကလည်း တိုနေတာကြောင့် သူ့ဆံပင်ပျက်စီးမှာကို မကြောက်မိပေ။ခန္ဓာကိုယ်ကိုလည်း ဆပ်ပြာနှင့် ပွတ်တိုက်သန့်စင်သည်။ ဆေးရုံတွင် ဗိုင်းရပ်စ်ပိုးများ အများအပြားရှိပြီး ဤခေတ်တွင် မကြာခဏ ပိုးသတ်ခြင်း မပြုနိုင်ဟု ခန့်မှန်းရသဖြင့် သူ့ခန္ဓာကိုယ်ကို သေချာပွတ်တိုက်သန့်စင်သင့်သည်။ တစ်ကိုယ်လုံးကိုလည်း သေချာ သန့်စင်ရသည်။
YOU ARE READING
၁၉၉၀ခုနှစ်ဆီသို့
Historical Fiction💙 Description TITLE - Back to the 1990 ၁၉၉၇ ခုနှစ်တွင် မွေးဖွားသော ဒုတိယနှစ် တက္ကသိုလ် ကျောင်းသူတစ်ဦးသည် ၁၉၉၀ သို့ အချိန်ခရီးသွားနိုင်ကာ ယောက်ျားလေးကိုယ်ထဲသို့ ကူးပြောင်းသွား၏။ပြီးလျှင် မိန်းမတစ်ယောက်ကို လက်ထပ်ကာ ကလေးများမွေးဖွားခဲ့သည်။ အိမ်ထောင...
