يا بعدهم كلهم يا سراجي بينهم

البـارت التـاسـع عشـر

البيت مليئ بالضحكات والاصوات العاليه يتجهزون حق الحفله المنتظرة من جانب عبد العزيز صحى من النوم على صراخ عصام: يلا عزوز وراك عروسة تبي تشوفك اخلص قوم
فز عبد العزيز من شاف الساعه: يلا يخذ شاور انتظرني تحت

-

في غرفة غيم اللي ثاعده تلبس عيايتها للصالون دخلت لارا وشالت شنطه من شنط غيم: خير شايله شنطتي تراها غاليه وبالاخير تشيليها حق صالون
لارا بأستعجال تشتت غيم: اخصلي امي بتهاوشني
غيم شالت الشنطه من لارا واعطتها شنطه قديمه: يلا روحي الحين يلا
تنهدت لارا ونزلت لعند امها وام غيم بصوت عالي: يلا تأخرنا على الصالون غيم اخلصي
نزلت غيم والحناء ناشف بيدها بس ما شالته ناظرتها امها: ليش ما شلتي الحناء خلاص نشف
غيم تحاول تشتتهم: يلا اللي مارح يجي رح اروح عنه

-

منذر عند الحلاق جت عينه على رقم رنيم قرر يعزمها على عرس أخته اتصل بعد دقائق ترد عليه: اهلين تبي شي؟
منذر مبتسم من صوتها: اي والله ابي اعزمك على زواج اختي غيم اذا قدرتي
انصدمت وابتسمت: واخيرا كنت انتظر يجي زواج ابي اكشخ ان شاء الله اشوفك بالزواج أجل
قفل الاتصال وابتسم وصد للهندي اللي قاعد يحلقله وحضنه: تتوقع تحبي راجو؟
راجو مستغرب بس مبتسم: ما يعرف انا شو دخل انا

-

واخيرا جهزو وتدخل غيم عند امها: يما خلصت شرايك
غيم بلبس الابيض اللي محلنها وفستانها المنفوش مع نفشة الكم والكرستال المالي الفستان و شعرها الويفي الطويل منسدل على ظهرها وميكبها الناعم و كعبها اللي جابت راس امها أجل وش بيصير مع عبد العزيز نزلت دمعات امها وركضت تحضنها: يما اليوم فرحتي لا تبكيني يكفي اني حابسه الدمعه بعيوني
غيم تمسح على ظهر امها وبعدت عن حضنها وباست راسها: يلا استقبلي معازيم زواج بنتك

-
شوي بنبعد عن الروايه ونشرح عن تفاصيل فساتين البنات:

لارا فستان ازرق ماسك على الجسم طويل وفتحه للفخذ مع كعب فضي تتوسطه كرستاله وتسريحه شعرها كيرلي منسل على شعرها مع رفعه بعض الشعر شكل كبه

درر فستان قصير للركبه منفوس بنفسجي فاتح مع اكمامه القصيره المنقوشه وكعبها الابيض المليئ بالكرستال ورفع شعرها شكل كبه بس بشكل مرتب وخصلاتها المتنازله بجبهتها

رنيم لابسه فستان طويل مخمل اخضر غامق ماسك الجسم والكم الطويل وشعرها ستريت منسدل على كامل ظهرها وكعبها الاسود البسيط

ام غيم لابسه لبس تقليدي مع الذهب مالي اللبس بالكامل مع حجاب

فاطمة لابسة فستان طويل منفوش احمر بدون اكمام مع النفشه اللي بالصدر وشعرها القصير منسدل لعنقها وكعبها الفضي

-

بدأ الزواج رقصات البنات وفرحتهم بغيم تتزايد بعد ما اعلنت الدي جي عن قرب دخول العروسه الكل بعد عياله عن الطريق فجأة تنطفي النواد ما عدا انوار المدخل تدخل غيم بجمالها ورقتها ولسان امها ما يوقف من تحصينها نزلت دموعم على غيم الحفيده الثانيه تتزوج مشت بخطواتها المتزنه والتهليل والتبارك ما تفارق المعازيم وصلت للجلسة جلست برقه مع مساعدة لارا لها وترجع الاغاني والحماس للقاعة الكل مستانس