اجتمو الحريم والبنات في الحوش والاولاد قدامهم بس شوي بعيد والرجال بالمجلس
الاولاد قاعدين يشوو والحريم يسولفون مع البنات جت غيم جايبه القهوه و الشاي: السلام عليكم
الكل رد السلام وجلست جنب لارا قاعده تحط لهم شاي : من يبي شاي ومن يبي قهوه
بدريه(الجده): انا ابي قهوه
غيم: من عيوني الحين احلى قهوه
قامت اعطت كل احد اللي يبيه وراحت عن الاولاد: شتبون شاي ولا قهوه؟
منذر: اعطيني الدله انا احط لهم اجلسي مع البنات
غيم: ان شاء الله
ناظرت عبد العزيز وابتسم لها وراحت جلست معاهم
-في المجلس-
محمد(الجد): اسمعو بقول لكم شي ولا تقاطعوني
سلطان: ان شاء الله يبا
محمد: اخوكم عبد الرحمن بجي ورا بكرا مع ولاده وزوجته وابيكم ترحبون فيهم
قام سعيد وهو معصب: تبينا نرحب فيهم وهم حتى ما دارين عنا ولا حتى عن عيالنا
سعود وهو شايل القهوة بيده: اتفق مع سعيد يبا الصراحه هم مادارين عنا حتى ولادنا وبناتنا لو شافوهم ما بيعرفوهم
محمد وهو معصب: تستهبلون معي انتم هذا اخوكم من لحمكم ودمكم تقولون كذا عنه بترحبون فيه وتستقبلونه غصب عنكم
سلطان بأستهبال: تبي لهم بوفيه ولا
محمد: تستهبل انت و وجهك اللي علي قلت لكم وامكم تعرف بذي السالفة ماله داعي تقولون وتفضحونا
-عند الشوي-
جهز اللحم وشاله عبد العزيز وحطه عند الحريم وبدأو ياكلون لين جت الساعه 11 قامت كريمه تساعد بدريه لانها تبا تروح تنام والكل قام وراح داخل
عند عبد العزيز شال جواله ورسل لغيم: هلا يعيوني
شافت غيم الرساله وهي مبتسمه وردت: خير ابي اشوفك سمعت انك ما ذقت الحلا حقي
رد عليها عبد العزيز: حلا وانتِ ومسويته جيبيه ورا مجلس الرجال مافي احد الكل دخل
ردت غيم: يلا احط ميكب شوي واجيك
قام عبد العزيز وراح للجلسه اللي ورا مجلس الرجال دقايق وشاف غيم جايه له: هلا بالزين كله
غيم وهي مستحيه وشايله الحلا: اهلين فيك يلا اجلس ذوق وقولي رايك
عبد العزيز جلس وهو يناظرها: انتِ الحلا والله
غيم وهي مبتسمه وظهرت غمازتها: خلااص ترا استحي يلا انا بذوقك
شالت قطعه من الحلا وذوقته عبد العزيز عجبه الحلا وقعد يمثل انه مات من حلاته وضحكت غيم وقام يناظرها: جعلها فدوه لي ذي الضحكه والله جابت راسي
غيم: مدري كيف حبيتك عزوز بالغلط واحلى غلطه
عبد العزيز: يروحي انتِ صدق ما سمعتي ان النسب بكرا
غيم: اي قالولي ان شاء الله فوق التسعين ادعيلي انت
عبد العزيز: انا ادعي انك تصيرين لي وبس
ضحكت غيم وسمعت صوت امها تناديها وانصدمت وناظرت عبد العزيز: اندس ورا الفرشه بسرعهه!!
تغطى عبد العزيز وجت منيرة وشافت غيم تنظف الجلسة: وينك ادور عليك يلا الوقت متأخر
غيم وهي متوتره: يلا يلا جايه اسبقيني انتِ
منيرة: يلا قدامي امشي انتِ اول
مشت غيم مع امها وراحو داخل.
......
