စိုက်ပျိုးရေးနေရာလွတ်က ငါ့ကိုချမ်းသာလာစေတယ်
September 26, 2024
အပိုင်း ၇ ။ တကယ်သစ္စာဖောက်တဲ့သူက…
ချန်းယန်နှင့်ကျောက်ဝမ်မန့်တို့သည် ရှောင်လင်းယွီအတွက် ယောက်ျားတစ်ယောက်စီစဉ်ပေးခဲ့သော်လည်း အနမ်းမှတ်ကိုတွေ့လိုက်ရချိန်တွင်တော့ ချန်းယန်သည် အမှန်တကယ်သစ္စာဖောက်ခံရသလို ခံစားလိုက်ရသည်။ ဒါကြောင့်ပဲ သူအလွန်ဒေါသထွက်သွားကာ ရှောင်လင်းယွီကို ပါးရိုက်ဖို့လုပ်လိုက်ခြင်းပင်။
သူ့ဒေါသက သူ့ရဲ့ချင့်ချိန်နိုင်စွမ်းကိုပါ ဖုံးလွှမ်းသွားပြီး ရှောင်လင်းယွီကိုရိုက်ရန် လက်ကိုယမ်းချလိုက်သည်။
သို့သော်လည်း…
“မင်းဘယ်သူလဲ?” ယောက်ျားတစ်ယောက်ဆီက အတားခံလိုက်ရတာကြောင့် ချန်းယန်ဒေါသတကြီးမေးလိုက်လေသည်။ ထိုယောက်ျားကို သူအရင်ကမမြင်ဖူးတာကြောင့် လုပ်ဖော်ကိုင်ဖက်ထဲကတော့မဟုတ်ပေ။ ယန်စစ်မင်လို အလွန်တရာချောမောခန့်ညားသည့်ရုပ်ရည်ကိုမြင်ဖူးသူတိုင်း သေချာပေါက် မှတ်မိကြပေမည်။
‘ဒါဆို ကုမ္ပဏီရဲ့ဖောက်သည်များလား။’ ထိုအမျိုးသားရဲ့နောက်ခံကိုမသိတာကြောင့် ချန်းယန်ဒေါသကို ပြန်ထိန်းချုပ်လိုက်သည်။
ယန်စစ်မင်က ချန်းယန်၏လက်ကောက်ဝတ်ကို ဆွဲကာ နှာခေါင်းရှုံ့လိုက်သည်။ “အရွယ်ရောက်ပြီးသားယောက်ျားတစ်ဘောက်က မိန်းကလေးတစ်ယောက်ကိုရိုက်ချင်နေတယ်ပေါ့။ မင်း ဒီနေ့တော့ ငါ့စည်းကိုကျော်မိသွားပြီပဲ၊ ခွေးကောင်!”
ချန်းယန်၏အမူအရာမှာ အရုပ်ဆိုးသွားတော့သည်။
သူနှင့်ရှောင်လင်းယွီသည် ချစ်သူများဖြစ်သည်။ ရှောင်လင်းယွီက သူ့ကိုသစ္စဖောက်ပြီး ဓာတ်ပုံသက်သေပင်ကျန်ခဲ့သူဖြစ်သည်။ ချန်းယန်မှာသစ္စာဖောက်ခံခဲ့ရတာကြောင့် သူမကိုပါးရိုက်ချင်ခဲ့သည်။ လူတိုင်းကလည်း သူမှန်သည်ဟုတွေးကြကာ ဒီလိုသစ္စာမဲ့တဲ့ခွေးမကို အမှုန့်ကြိတ်ပစ်သင့်သည်ဟု တွေးကြလေသည်။
YOU ARE READING
စိုက်ပျိုးရေးနေရာလွတ်က ငါ့ကိုချမ်းသာလာစေတယ်
Roman d'amourFarming Space Make Me Rich Xiao Ling Yu Chapters - 1000++
