စိုက်ပျိုးရေးနေရာလွတ်က ငါ့ကိုချမ်းသာလာစေတယ်

အပိုင်း ၁၅ ။ ဆန်ကုန်မြေလေးအမှိုက်ကိုလွှင့်ပစ်လိုက်တော့မယ်

စိုက်ပျိုးရေးနေရာလွတ်က ငါ့ကိုချမ်းသာလာစေတယ်

October 09, 2024

အပိုင်း ၁၅ ။ ဆန်ကုန်မြေလေးအမှိုက်ကိုလွှင့်ပစ်လိုက်တော့မယ်

“ဗျောက်အိုးလေး?” သခင်လေးယန်၏ရှောင်လင်းယွီကိုခေါ်သော နာမည်ပြောင်ကိုကြားလိုက်ရသည့် ရှောင်လင်းယွီကိုသိကြသောလူတိုင်း စိတ်ရှုပ်ထွေးသွားကြသည်။ ရှောင်လင်းယွီ၏ပါးစပ်မှာ ရွဲ့သွားမိလေသည်။

သူမ၏လုပ်ဖော်ကိုင်ဖက်များ သူမကိုပုံဖော်ကြသည်က နူးညံ့သိမ်မွေ့၊ ကျိုးပဲ့လွယ်ကာ အားနည်းပြီး အနိုင်ကျင့်ရလွယ်ကူသူဟူ၍ပင်။ သခင်လေးယန်ရေ ရှင့်မျက်လုံးတွေမကောင်းတော့ဘူးလား?

ရှောင်လင်းယွီက တစ်ဖက်က လုံးဝတခြားလူတစ်ယောက်လိုပြောင်းလဲသွားပုံပေါ်သည့် ယန်စစ်မင်ဘက်လှည့်ကာ သူမျက်လုံးကိုလှိမ့်လိုက်သည်။ “သခင်လေးယန်၊ မစ္စကျောက်က ရှင့်ကိုတောင်းပန်နေတယ်လေ။”

ယန်စစ်မင်က အရေးမစိုက်ဟန်ဖြင့်ပုခုံးတွန့်လိုက်ပြီး၊ “သူတောင်းပန်နိုင်ပါတယ်။ ကိုယ်တို့လည်း စကားပြောနိုင်တယ်လေ။ ဒါက သပ်သပ်စီပဲကို။” ယန်စစ်မင်က ကျောက်လင်းယွီကို လုံးဝမျက်နှာသာမပေးပေ။ သူက ယန်စစ်မင်ပင်။ Zမြို့မှာ သူ့အနေနှင့်ဘယ်သူ့ကိုမှ မျက်နှာသာပေးဖို့လည်း မလိုအပ်ပေ။

ရုတ်တရက် ယန်စစ်မင်က သူ့မျက်နှာကို ရှောင်လင်းယွီအနားသို့ တိုးကပ်သွားခဲ့သည်။ သူမျက်နှာက ရှောင်လင်းယွီ၏နှာခေါင်းထိပ်ဖျားလေးနှင့် တစ်စင်တီမီတာ၏တစ်ဝက်လောက်သာကွာတော့သည်။ ကောင်းကောင်းမသိသည့်လူများကတော့ သူတို့နမ်းကြတော့မည်ဟုပင် ထင်လောက်သည်။

ယန်စစ်မင်၏မျက်နှာထက်တွင် အလွန်ဆွဲဆောင်မှုရှိသည့်အပြုံးတစ်ခုကပ်တွယ်နေကာ သူက ချစ်ရသူကိုတီးတိုးပြောဆိုသလိုမျိုး အလွန်နူးညံ့သည့်အသံမျိုးဖြင့်၊ “ကိုယ့်ရဲ့ဗျောက်အိုးလေး၊ ကိုယ်က အိပ်ရာထဲမှာအရမ်းကောင်းကောင်းလုပ်နိုင်တယ်နော်။ မင်းကိုယ့်ထက်ပိုတဲ့စိတ်ကျေနပ်မှုရစေတဲ့လူမျိုး ဘယ်တော့မှရှာတွေ့မှာမဟုတ်ဘူးလို့ ကတိပေးတယ်။ ဘယ်လိုလဲ?”