wo pehli dafa jab tumhe dekha
dekh pai hi nahi tumhari ankhon ke noor mein kho si gyi
wo pehli dafa jab tumhe suna
sun pai hi nahi tumhari aawaz ke thehrav mein ruk si gyi
wo pehli dafa jab tum muskuraye
mai ne dekha bhi aur suna bhi
dekha ki kaise tumhara chehra khil utha
jaise vasant ke baad khilte phool
jaise sham ki wo sunhehri dhoop
suna ki kisi ki hasi itni ruhaani ho sakti hai
jaise kisi basuri ki dhun
jaise khidki pe padti baarish ki boond
wo pehli dafa mulaqaat humesha zehen mein reh jayegi mere
meri pehli mohabbat jo thi!!!!
