رواية بسمة مدفونة في خيالي

بارت ٢

جالس بالصالة ويهز رجله بعصبيه ......ناظر الساعه وصك على أسنانه بقوة ...مسك الجوال واتصل على الجازي وبنبره غاضبه : وينك للحين
ام فياض ردت بهدوء: وش فيك معصب دقائق ونوصل
رد بقهر مكبوت من أمه : صلينا المغرب وانتم تقولون الحين نرجع
ام فياض تقاطعه : طيب طيب دقائق ونوصل!
قفلت الخط وناظرت الجازي إلي الضيق باين بملامحها : وش قال !
ام فياض بلا اهتمام : يعجل فينا !
الجازي بضيق : والله تأخرنا أكيد ما أكل وهو ينتظرنا !
ام فياض  بلامبالاة:-قلت له ما ينتظرنا بالأكل بس ما ادري وش فيه عقله صاير كذا!
وبعدين ما تهتمي ولدي فياض متفهم وعارف إنه لازم نزبط أمور الزواج !
ليان ناظرت أمها : لو أبوي ما عملت فيه كذا !
ام فياض بابتسامة: وش جاب أبوك العصبي لولدي حبيب قلبي الوديع!
الجازي قلبها ما هو مرتاح : متى نرجع !
ام فياض :،شوي نكمل الشغل كل يوم حنا طالعين !
الجازي باعتراض بس
ام فياض  قاطعتها: خلينا نكمل اشغالنا وبعدها يصير خير !
جلست تنتظر عمتها ومتوتره، عفست ملامحها وهي تشوف اسم فياض يتصل فيها ...زفرت بقهر من عمتها أكيد الحين فياض زعلان منهم ...ما عندها القوة ترد عليه !
رجع اتصل مره ومرتين وثلاث !
اضطرت ترد عليه نطقت بتردد :،الو
تكلم بنبره حاده : انت وينك !
ردت بتوتر : لحظه ننتظر عمتي تكمل شعرها
قاطعها بقوة: بعدكم هناك !
اذن العشاء وصلينا !
انتم على مين تستهبلون ...اسمعيني مسافة الطريق وتكونوا منزرعات باب الزفت !،
ناظرت الجوال لما قفله بوجهها !
ناظرت ليان والغصة بحلقها : فياض على الطريق جاي يأخذنا !
ام فياض بضيق : وش فيه اليوم ؟!
كان تركنا نكمل !
الجازي تجهز أغراضها : يا عمتي خليها مره ثانيه !
ليان توافقها : وأنا أقول كذا !
وقفوا برا ينتظرونه والجازي تحس الدموع تنذر بالنزول ...ما تعرف ليه متضايقة هالكثر!
تحس نفسها تعمل أمور ما تبغاها عمتها تحرجها كثير !
وقفت سيارة فياض ركبت السياره بهدوء ....حرك السياره ويا دوب السلام طلع من حلقه !
باين إنه معصب !
ناظرت من المراية تشوف ملامحه ........الصمت يغلفه ما تعرفين إذا هو معصب أو لا !
ام فياض انشغلت تتكلم بالجوال وليان تطقطق بالجوال مع خطيبها !
صدت لجهة الشباك تناظر للخارج والهدوء يغلفها من الخارج !
اول ما وصلوا البيت ودخلوا الصالة تكلم فياض بملامح اول مره تشوفه كذا : هذه أول مره وآخر مره تطلعين يا جازي مع أمي !
أنا مب طفل صغير تضحكون علي دقيقة دقيقه دقيقه !،
هذا حنا صلينا العشاء وانتم من صباح ربنا جالسين بالزفت !،
الجازي تبرر موقفها : ءءانا
رفع أصبعه بملامح مقهور : ما أبغى أسمع ولا حرف
الجازي تدري إنها غلطانه وما تلومه على زعله نطقت : أنا آسفه أجهز العشاء الحين
قاطعها بقهر : جعلني بالسم ان ذقته !
ناظرهم بقهر وطلع من البيت !
ام فياض واقفه تناظر الموقف بدهشه : هذا فياض !
أول مره اشوفه كذا معصب !
ليان بحق : والله معه حق يزعل كل شوي تقولون دقائق !
المفروض تقولوا حنا مطولين تبغى زوجتك تعال خذها
مب تسحبون عليه كذا !
ام فياض بندم : ما توقعته يزعل كذا !
الظاهر اني اصبته بالعين وصاير مثل أبوه !
الحين اتصل فيه وأراضيه !
مسكت الجوال واتصلت فيه سرعان ما عفست ملامحها ...ناظرتهم : مغلق !
أنا ما أدري ليه معصب كذا !
لو أخذنا الجازي بدون علمه معه حق يزعل بس دامها طالعه بإذنه وشهوله يزعل !
ليان تكتفت : أعطاها الاذن لوقت ما يرجع من الشركه تكون موجوده مب تنام هناك !
ام فياض تنرفزت منها : اقول انقلعي على غرفتك أحسن لك بلا هذه الهذره الزايده !
ليان مطت شفتها وتوجهت لغرفتها وهي تردد: كلمة الحق ينزعل منها !
كشت عليها ام فياض ورجعت ناظرت الجازي : لا تتضايقي يا ابنتي ولدي وأنا أعرفه إن زعل ساعة ساعتين ويرجع والوضع طبيعي !
هزت رأسها الجازي بصمت والضيق ظاهر على ملامحها ما قدرت تخفيه : حصل خير !
استأذنت وتوجهت لجناحهاوهي تمسح دموعها بخفه-!
أول ما دخلت اخذت نفس عميق ..بلعت غصتها و الرؤية عندها ضبابيه من الدموع !
مسكت الجوال بتردد اتصلت عليه ..زفرت بضيق جواله مغلق وين راح !
ما تحب أحد يزعل منها !
خاصة فياض ما قصر معها من أول زواجهم للحين ...ما تحب تكون هي الطرف المقصر !
جلست بالصالة تنتظره اكيد رح يرجع وتفهمه موقفها لعله يطيح الحطب إلي برأسه !
**
**
**
جالس مع ربعه والهدوء مخيم عليه ...ما يذكر متى آخر مره جلس معهم..من لما تزوج الجازي صار بيتوتي ما يطلع إلا معها أو مع أهله !
رفع حاجب وهو يشوف جواد يناظره ..من زمان ما التقى فيه اخر مره لما انكسرت رجله وبعدها انقطعت العلاقة!
مط شفته بسخريه من هالدنيا امرأة فرقتهم !
جواد بنبره مبطونه : عاش من شافك !
ليردف واحد من الربع ببراءه : من شاف احبابه نسي أصحابه !
من لم تزوج ما عدنا نشوفك !
الله يرزقنا !
جواد كتم قهره وللحين بقلبه القهر تكلم بنغزه : اجل الظاهر مطرود من البيت دامه جالس هنا !
فياض زاد قهره من جواد مشكلته يغار عليها من نسمة الهواء رد وهو يحاول ما يظهر قهره وغيضه : مب انا إلي تطردني حرمة وتخليني مسخره للي يسوى وما يسوى !
اعطى جواد نظره يذكره لما كان يخبره وش كانت تعمل فيه الجازي
جواد شد قبضة يده قبل ما يقوم ويسددها بوجه فياض !
مط جواد شفته بنغزه : مب رجال إلي تمشي الحرمة رأيها عليه وتعمل إلي تبغاه غصب عن خشمه!
ناظره واحد من الربع وهو ينطق باستغراب :احسك تضرب نغزات
هز كتوفه ببراءة جواد : انا !
ابدا بس أذكر إنه واحد من معارفي سابقا كان يقول مستحيل يسمح لزوجته تعمل بمكان مختلط... ولو تشوفه الحين زوجته تشتغل مع الرجال واختلاط و غصب عن خشمه !
تابع كلامه بابتسامه ساخره : والله حاله !
فياض يغلي غلي من جواد مسك نفسه لآخر لحظه ورد بهدوء :،-أكيد إنه واثق منها لو حطها بين الف رجال ما نبض قلبها لغيره !
لأنها ما تشوف رجال بالدنيا غيره !
وقف جواد والقهر واضح بعيونه وبنغزه: اروح اشوف عيالي أفضل لي !
فياض فهم نغزته إنه للحين ما حملت الجازي ...رد بخبث : إيه تطمن على عيالك وبالأخص مريوم هذه البنت احبها تذكرني بالغوالييييي هههههه
أعطاه جواد نظرات قاتله وطلع من المكان !
ناظره واحد من الربع : انتم وش فيكم !
اذكركم ربع وأحباب وش إلي تغير!
فياض يستلقي على الارض وبنبره عميقه: كل شيء بالدنيا يتغير !
مافي شيء يبقى على حاله !
دنيا العجايب !
*
**
**
**
جالسه الصبح مع عمتها يشربون قهوة والصمت يخيم عليهم !-
دخل بخطوات هاديه ناظر أمه ورد السلام بصوت منخفض !
رفعت حاجب وهي متأكده هالسلام لأمه وبس !
حتى ما ناظرها !
ام فياض ما ردت السلام وصدت للجهة الثانيه !
عقد حواجبه : أشوف ام فياض زعلانه !
ام فياض بزعل: إيه زعلانه !
ما تكلمني
حضرتك تطلع من البيت وتقفل جوالك !
طول الليل وأنا انتظرك!
وإلا تبغى تمشي طرق أبوك لما يعصب ويزعل !-
ابتسم بدون نفس : ترى يمه أنا لي الحق ازعل !
ترى سالفتك ما تنقال!
جلس عند أمه رضاها من رضا رب العالمين وما يقدر يزعلها !
الجازي بالرغم من ضيقها من تجاهله لها ..مشكلتها ما تعرف تزعل من احد ..صبت له القهوة ومدت له : تفضل !
أشر يده بالرفض : ما أبغى !
حست بالفشيله من تصرفه ..ناظرت عمتها إلي تكلمه : لا تشرب يا فياض لكن صدقني لساني ما يكلمك !
زفر بضيق وناظر يدها الممدوده له وبإكراه أخذها وضعها أمامه !
رفعت عيونها للسقف تحاول تمنع الدموع تنزل !،
تحس سكاكين بحلقها !
ام فياض ناظرته : اليوم رايحه للصالون نكمل تجهيزات أختك باكر الزواج وما بقى وقت !
رد بحزم :الله معك بس الجازي لا
ناظرته الجازي وهو يكلم أمه إلي يسمع يقول ميته على الطلعه !
ما تحب أسلوب التحكم هذا يذكرها بجواد !-
ام فياض مطت شفتها : مجنونه آخذها ما خليتني أخذ راحتي وينكم وينكم ! هذه زوجتك عندك !
مسكت  الجازي فنجان القهوة تشغل نفسها فيه ...رفعت نظرها لعمتها وابتسمت بألم وهي تتكلم :-أنا طالعه الحين ما اوصيك على البيت انتبهي على الشغاله وخليها تنظف زين !
ردت بهمس : إن شاء الله !
غادرت ام فياض المكان وعم الصمت للحظات ....تنهدت وهي تشوفه منشغل بالجوال وما شرب القهوة !
تكلمت بصوت حاولت يكون هادي :اجهز لك الفطور !-
تجمعت الدموع بعيونها ما تحب أحد يعاملها كذا ...ما عبرها ولا كأنها تتكلم !
عضت على شفتها ومسحت دمعه تسلسلت على خدها : فياض !
رفعت نظرها له لما وقف وغادر المكان بهدوء !
انقهرت من تصرفه على الأقل لو يصرخ يتكلم يعاتب ما هو كذا يتجاهلها بهذا الشكل !
رن جوالها شافت رقم أبوها ....اخذت نفس عميق وفتحت خط : الو !
وليد بحنان : مرحبا ..كيفك
ردت من خلف قلبها : بخير يبه ..وش أخباركم !
وليد بهدوء تكلم : الله يسلم حالك ..ءء اسمعيني زين ... أنا تواصلت مع أهل امك وتوصلت معهم إنك تشوفين مريم كل اسبوع
غمضت عيونها الجازي بألم من هالمريم إلي تكبر يوم بعد يوم بعيد عن عيونها !
مر تقريبا سنة على اخر مرة شافتها !
مشتاقه لها لكن بنفس الوقت خايفه !
ما تبغى تشوفها وتنكسر زياده برفضها لها !
وخاصه بهذا الوقت النفسية بالحضيض !،
وليد باستغراب من سكوتها: جازي انت معي !،
ردت بمراره : ما ابغى اشوفها وترفضني وبعدها
قطعت كلامها وهي تبكي خلاص ما فيها تتحمل اكثر
وليد بضيق : لا تخافين من هذه الناحية البنت متقبليتك لا تنسين إنها كبرت الحين سنة... وعقلها تغير بس في مشكله
ردت وهي معقده حواجبها وبصوت باكي : وش هي !
وليد تنهد : ابوها رفض إنها تزورك في بيتك يعني تشوفينها في بيتي !
غمضت عيونها بعجز فياض ما يكلمها كيف تقول له ....ويمكن يرفض ما تدري وش تعمل !
ردت بروح ميته :انتظر ينتهي زواج ليان وبعدها يصير خير
وليد  بتفهم: وانا قلت لخالك كذا نرتب الوضع بعد زواج ليان !
انهت المكالمه مع ابوها ..وبدأت دموعها تسقط معقول تنفتح لها الدنيا وترجع مريم لها !
راضيه يوم واحد بالأسبوع على الأقل تروي شوقها بشوفتها لو مره وحده بالأسبوع !
*•
•
**
بالقرية
ناظرت رونق جدتها بضجر وهي شوي و تبكي : هو وش دخله حتى يقول لاااا !
ام مرعي ترتب البضاعه : اقول انكتمي يا حبك للحوم والطلعات!
مطت شفتها بطفوله : يرضيك يا جدتي اطلع قدام صديقاتي كذابه
قلت لهم رح نسافر للمدينة !
ام مرعي رفعت حاجب : ونسافر بعد !
عسى قلت لهم رح تسافرين بالطيارة !
يا حبك للمفاخرة !
رونق بقهر طفولي : جدتي لا تقهريني!
خلاص نروح أنا وانت ومروان وبس !
ام مرعي بضجر : يا ربي من هالثرثاره !
أنا يا دوب احفظ طريق من هنا لبيتي تبغين اروح للمدينه لوحدي
ردت وهي تدق على صدرها بثقه : انا يا جدتي معك !
هذاانا الف القريه شبر شبر
قاطعتها ام مرعي : لا حول ولا قوة الا بالله !
اسمعي من الاخر أنا رايحه مع عمك وانت انطقي هنا مع بنات عمك لوقت رجوعك !
ضربت الارض برجلها : أكرهكم !
ايه قولي تبغين تروحين لمدينة الألعاب لوحدك انت وعمي تلعبون!
فتحت عيونها : انت وش عرفك بمدينه الألعاب!
مطت شفتها : اشوفها على تفزون « التليفزيون »
وش قلت يا جدتي نروح معك !
ام مرعي وهي تناظر حريم متوجهات لها : قفلي حلقك ويا ويلك لو نطقتي حرف واحد !
وانتبهي على أخوك شوفيه يا زينه دوم ساكت وهادي ماهو مثلك بالعه راديو
رونق ناظرت جدتها وضحكت بطفوله : الحريم يقولون عنك حشى هذه دوم تنبح مثل الكلبة
تأوهت رونق من مكان الضربه : يوجع
ام مرعي بقهر: والله ما أحد كلب غيرك انت والكلبات إلي إلي تجلسين معهم !
بدل ما تدافعين عن جدتك يا الخايسه !
ضحكت رونق بطفوله : والله ادافع عنك اقول لهم والله صوتها يشبه صوت بق
ابتعدت عن جدتها لما خلعت النعال :لاااااا
ام مرعي لما وقفواالحريم عندها نزلت النعال وبتوعد : والله والله الا تجلسين في بيت عمك مع لجين الخايسه !،
فتحت عيونها بطفوله مستنكره : لااااا جده
سكتت بقهر وهي تشوف جدتها انشغلت مع الحريم !
ما تبغى تجلس مع لجين عفست ملامحها بقهر وهي تتوعد ....وتردد بهمس :الله إلا اسافر للمدينه وبالطيارة بعد !