رواية بسمة مدفونة في خيالي

بارت ١٧

وبسرعة تحركت خارج مكتبه!
استغربت ما لحق خلفها !
مطت شفتها بسخرية غبي يظن إنها أخذته حتى تكسره ما يدري تبغى تنتقم منهم بقوة !،
بسرعة فتحت رسالة وكتبت « صباح الخير ...مروة
لحظة تبغى رقم مروة...فتحت حقيبتها حتى تأخذ الجوال ...مسكت جوالها بعد ما وضعت حقيبتها على الأرض ...فتحت الجوال ....سرعان ما عفست ملامحها رقم مروة ما هو معها ...جوالها الجديد ما فيه أرقام !
بالبيت رح تشتغل شغلها وتخليه يندم رح تخفي الجوال حاليا ...انقطعت أفكارها لما
حست الجوال انخطف من يدها ..لكنها سرعان ما جذبته نحوها بقوة ...
زياد بنظرات تهديد ...وصوت هامس يلتفت حوله ويحمد ربه المكان فاضي: هاتي الجوال أفضل لك
ناظرته وقلبها يدق بقوةمن الموقف ..خبأته خلف ظهرها ...ما رح تفرط بالدليل الي رح يدمر حياتها مع جراح ويكسرها على مر السنين !
ما لها غير هذا الحل ...ثواني كان الجوال تحت رجلينها وتدعس عليه بقوة ..حتى انعدم !
ناظرها بنظرات ناريه وبوعيد: وقسم برب البيت إلا تندمين !
ردت بقوة مزيفه : الي ما تطوله بيدك ...طوله برجلك ....
قاطعها بغضب هامس: مين الزفته الي تبغين ترسلين لها من جوالي ؟!
ردت بهدوء خارجي وقلبها ينبض بقوة من الموقف: ما يخصك ....
مشكلتها أحياناً تتعاطف ... لما واجهت مروة بالأمر واعترفت ...كلمتها وهي ترتجي فيها إنها تستر عليها وما تفضحها وخاصة إنها الحين مخطوبة !
وبما إنها السالفة انتهت ما حبت تعمل فضيحه وتنبش بالماضي
وما يهمها زياد يصدقها أو لا !
كل الي يهمها أنهت وتخلصت من دليل ادانتها !
قطعت ذكرى هالموقف لما ضربتها روعه بخفه على ظهرها وهي تجلس :، وين سرحانه يالعصلة اشرت لك نجلس هناك بس الأخت بعالم ثاني !
رونق ناظرتها : والله ما شفتك ...وبعدين تعرفيني ما أحب أجلس إلا هنا !
كشت عليها روعة : يا قلة عقول الحريم !
تراه كله أيام الخطوبة كذب وعرط بعد الزواج كل كلامكم الو... وينك ..وش اطبخلك ...طيب جيب معك أغراض المطبخ ....لا تنسى البصل يا بطل ...لا تتأخر ...لا تروح لأمك بعدين تزورها ما هو ضروري كل يوم تشوف خشتها ... أقول لا تكثر كلام
قاطعتها رونق بضحكه: مو كل الأزواج كذا !،
روعة فتحت عيونها : اها انت من ربع الورود والازهار والهدايا والمفاجأت أقول طيري يا شيخة ترى هذا كله كذب والي تشوفينهم يعملون كذا ترى تمثيل قدام الناس حتى يعملوا حالهم واووووو
خذيها مني نصيحة عمره الزواج ما كان وردة وهديه
قاطعتها رونق : يعني بصلة وبطيخه؟!
روعة هزت رأسها : ترى البصلة والبطيخة هم الي تستمر الحياة بهم !
أما وردة !
وش يبغى بوردة وهو ميت جوع ؟!،
أقول انقعي أزهارك وأفكار المراهقات بموية واشربيهم الصبح يمكن تصحصحي !
تنهدت رونق من الهموم : ترى والله كل طموحي اعيش تحت سقف يجمعني انا وجراح وقدر !
ما أبغى أكثر من كذا !
ما تتصورين كم رح تكون سعادتي !
روعة ابتسمت بنعومة : ربي يوفقك بس يا مسكينة مطوله!
قفلت الكتاب وناظرتها بثقه: دام اسمي واسمه مربوطين مع بعضهم ما يهمني شيء !
وانت مو ناوية تدخلين القفص!
كشت عليها روعة بملل: خليني انفش ريشي واتدلل !
كل اسبوع انخطب بس ما أفكر بالموضوع !
ضحكت رونق عليها وهي تكمل كلامها: اخخخخ منك يا رونق حطيتي يدك على الجرح هو احد طرق بابي وقلت لااااا !،
موافقه وأبصم بالعشرة بس خليه ييجي ! والله لأزرع له بستان زهور ...
دفنت وجهها رونق على الطاولة وهي تضحك على طريقة روعة بالكلام !
روعة مطت شفتها: ايه اضحكي وش عليك !
دبست ولد الناس فيها وأنا يا حسرتي أناظر العشاق وأناظر حولي ما ألقى إلا كتابي كله طلاسم ما هو مفهوم !
وبتذكر : صحيح ما قلت لك ؟
رفعت رأسها رونق وهي ما زالت تضحك : لا
روعة تناظر حولها وبعدها تكلمت بصوت هادي: اليوم شفت سلفتك !
عقدت حواجبها : سلفتي !
روعة هزت رأسها : ايه سلفتك منااااااااار !
تأففت رونق : ضروري تغثيني!
روعة تابعت كلامها: تتمشى مع العاشق الولهان!
رونق ناظرتها: يا اختي مع إني ما اعرفها ولا عمري كلمتها لكن الكره ينتقل بالعدوى !
دامه زياد خطيبها وش رح تلقينها!
روعة مطت شفتها بغيره: يقولون من صغرها وهو يحبها وطول الوقت رفض يتزوج إلا هي وانتظرها حتى كملت دراسة من برا ورجعت هنا!
يا اختي البنات وش يعملون حتى الرجال يركضون خلفهم !
ناظرت خلفها وبتساؤل: ليه ما أحد خلفي يركض!
ضربتها على كتفها رونق بخفه وهي تضحك : وقسم بالله إنك نهفه !
تابعت كلامها : هذا النصيب !
روعة أسندت ظهرها بإحباط: ما لنا بالطيبين نصيب!
صحيح البارحه لما اتصلت معك ليه قفلت الجوال وبعدين قلتي تكلميني وما اتصلت؟!
رونق ابتسمت بشماته: صارت مشكلة !
راكان يبغى يتزوج وأبوي رافض
روعة رفعت حاجب: وأبوك ليه رافض!
خليها تتزوج وتنقلع من خشتك!
رونق بروقان  :خليها تستاهل ...انت ما تشوفين كيف تناظرني لأنه ابوي منعها من لقاء البروفسور وحتى مكالمات ممنوع مثلي مثلها !-
روعة باهتمام: ايه وبعدين
رونق ابتسمت : راكان يبغى يتزوج وأبوي يقول مريم ما تتزوج إلا مع رونق بنفس اليوم !
يعني من باب إنه يضغط على جدي الي مصمم مافي زواج إلا بعد التخرج!
روعة بتحليل للسالفة: طيب جراح وش موقعه من السالفة ؟!
يعني رح يجلس ينتظرك حتى تتخرجين !
رونق بإحباط: ما ادري !
كل الي أعرفه إنه من فترة في اصطدام بين راكان وابوي حتى جدي واقف مع راكان لكن أبوي معند ما يزوج إلا الاثنتين مع بعض
ضحكت روعة بخفه: الهر والجمل بدينارين
رونق ابتسمت: لما اسمع إنه راكان معصب انبسط تلقائيا .. وأقول خلي زواجنا بعد التخرج يمكن يطق ويموت !
روعة بروقان : حرام عليك تترمل
أختك !
رونق ابتسمت: والله هي الربحانه إنسان متسلط وش تبغى فيه ؟!
روعة هزت كتوفه: قولي طنجرة ولقت غطائها !
**
**
**
**
جراح ابتسم وهو يشوف راكان منفعل بزيادة: أعصابك !
ام راكان ناظرت راكان مطنشه جراح: هو من عقله يربط زواج مريم برونق؟!!،
على جثتي مايتم زواج هالمخبول من يوم ما خطبها وهو بدون عقل !
جراح مط شفته بسخرية للحين أمه ما نزل الحطب الي برأسها !
راكان زفر بغضب : طبعا جواد يبغى يلوي ذراعنا ويضعنا تحت الأمر الواقع .....لكن ما هو أنا الي ينعمل فيني كذا!
رح أعطيهم مهلة نهاية الأسبوع ما وافقوا رح اتزوج غيرها وخلي ابنته يخللها عنده!-
ام راكان ضاق صدرها : انت وش تقول !
مريم وش ذنبها مسكينة ضايعه بينكم ...لا تخرب بيت أختك باكر نايف يطلقها
راكان مط شفته بسخريه: الي يسمعك يقول غرقانه بالعسل !
هذا آخر كلام عندي أنا اتصلت ببدر وخبرته !-
يتحملوا عنادهم !
ام راكان ضاق خلقها من المشاكل الي رح تصير :لا حول ولا قوة إلا بالله!
راكان أشر على جراح : وانت مبسوط على حالك بهذا الزواج !
متزوج مطلقه !ومعها بنت !
وسيرتها مثل العسل ولسانها وش قصره ومبسوط على حالك !
جراح ناظره بحده: ايه مبسوط وسعادتي لاتوصف
مط شفته بسخرية: وابنتها معها رح تعيش معك ؟!!!
والله أمحق عريس !،
ام راكان زفرت بضيق : خليه خليه يحلم على قد حاله !
انا رونق مستحيل أقبل تكون كنة لي تفهم !،
جراح ابتسم بهدوء: هذا الموضوع انتهينا منه !
خليك الحين مع ولدك مسكين
قاطعه راكان : بكره تقول ياليتني سمعت كلام إخواني!
البنت هذه عنيده وما تسمع الكلام وفوق هذا ما تحترم أمك !
كيف ترتبط بوحده تكره أمك على المسبحة وتتكلم عليها وطول وقتها تقول : لولا جراح وإلا مستحيل أقبل أكون كنه عند أم راكان!،
جراح ابتسم بطريقة استفزتهم: فديتها تحبني!
ام راكان بغضب: اقولك أخوك ما هو بوعيه ما أحد مصدقني!
ضحك جراح على انفعال أمه : يمه وقسم بالله إنك تضحكيني!
راكان وهو يقلب جواله: اتركيه يمه يعمل الي يبغى حنا نصحناه وهو حر !
**
**
•*
في جناح جواد ...ابو جواد بحده تكلم : انت وش فيك تعاندني وتكسر كلمتي يا جواد !
جواد بهدوء : ما هو عناد !
أنا ما وقفت زواج راكان!
انت يبه الي موقفه !
ابو جواد بصرخة : رونق ما لها زواج الحين ولا تقعد تعقد الأمور !
نقزت رونق من صراخه ...وضعت الضيافة على الطاولة...وجلست جنب مريم ...
وزع جواد الضيافة وهو يتكلم : أنا ما عقدت الأمور !
ام جواد بضيق :يا جماعة الخير لا تخربون بيت هالضعيفة !
يعجبكم يروح راكان يتزوج غيرها وهي على ذمته !
الناس رح تأكل وجهنا ولد عمها طلقها !
فوق هذا رح تخرب بيوت ثانيه بسب عنادكم !
ما كنت كذا يا أبو جواد !،
ذول حفيداتك وأزواجهم عيال أخوك ناصر !
لو ناصر عايش ما رح يقبل بعمايلك !
ابو جواد بقهر : زواج عقده وليد ما رح يتم !
تبغين يقول أنا أزوج حفيداتك على كيفي !
انت تتخيلين
قاطعه جواد : يا يبه ترى حنا نتمم العرس بكيفنا وليد ما له علاقة !
ابو جواد ناظر رونق وهي تناظرهم على أعصابها ..وبغضب تفل عليها : كذا تصغريني قدام وليد !،
ليه ما جيتي لي وأنا أزوجك للزفت جراح بنفسي!
جواد قاطعه: يبه خلاص الي صار صار وحنا عيال اليوم!
انت بيدك تحل المسألة وتقرر زواج التوأم مع بعض و انتهينا
ناظره ابو جواد بقهر وبعدها ناظر زوجته إلي تناظره برجاء إنه يفكهم من المشاكل!
رونق جالسه على أعصابها وهي تنتظر قرار جدها !
ابو جواد بعناد : لا
مريم انفجرت بالبكاء وغادرت الصالة بسرعة بعد هالقرار الي رح يدمر حياتها !
الجازي بضيق : يا عمي ترى والله ما يصير !
وش ذنب مريم تضيع بين انتقامكم لبعض ؟!!
ام جواد تحس ارتفع عندها الضغط : أنا إذا ما أعطيت موعد لراكان وقسم بالله يحرم علي هالبيت خلااااص ما هو ناقصنا فضائح !
يا أبو جواد الأعداء من حولنا ينتظرون عنادك هذا حتى يتشمتوا فينا !
دامك اليوم وإلا باكر رح تزوجها ليه كل هالعناد؟!
ابو جواد وهو يوقف : كلامي ما رح ارجع عنه جراح ما له زواج متى ما تخرجت يصير خير !
و راكان زواجه رح يكون بعد اسبوعين وإذا فيك خير اكسر كلمتي يا جواد !
أعطاهم نظرة قويه وغادر المكان !
جواد بقهر ناظر أمه : عاجبك تصرف أبوي!
ام جواد عفست ملامحها ...وضاق خلقها وهي تناظر رونق ....ساكنة ما بدر منها أي تصرف ...وبقلة حيلة نطقت : يا وليدي وش يطلع بيدي اعمل ؟!
معند ما في زواج إلا بعد التخرج !
وقفت وهي تتابع كلامها : رح اكلمه لعل وعسى يغير رأيه !
وانت يا رونق ما عليك من جدك نصيبك رح تأخذينه غصب عن الكل !،
استآذنت وطلعت بهدوء!
جواد زفر بضجر ...بعدها ناظر رونق بوعد : صدقيني إلا تنزفي انت وأختك بنفس اليوم وما عليك من ابوي!
مطت شفتها بسخريه: تتحكمون بحياتنا وكأننا لعبة بيدكم !
ترى أنا ساكت للحين احترام لك بس !
وإلا كان لي تصرف ثاني !
جواد خزها : اقول يا ام التصرفات خليك ساكته أحسن!
ومن باكر اطلعوا للسوق وجهزي مع أختك لأنه زواجك بعد أسبوعين !
رونق بقهر منهم : ما رح أجهز ولا أبغى اتزوج !
لكن تحملوا نتائج تخلفكم وعنادكم ..لا تظن سكوتي خوف منكم ترى والله ما عرفتوني لأني ساكته بمزاجي ....لكن خلاص اكتفيت من تدخل أبوك بحياتي !
قاطعها بتحذير : رونق انتبهي لكلامك!،
طنشته وما ردت ودخلت الغرفة ...وضربت الباب بقوة!
واقف وفاتح فمه من تصرفها ...ناظر الجازي الي رفعت حاجب وعيونها تنطق بشماته« شوف آخر دلالك »
جواد تنهد بنات آخر زمن ذابحات حالهم على الزواج صدق إنه زمن قلة الحياء !
مستغرب من نفسه هادي وما كان له رد فعل على كلامها ...يمكن لأنه بالفعل أبوه زودها !
لزوم يتصرف ويكون زواج التوأم بنفس اليوم !
**
**
**
••
مريم تهلهل وجهها بعد ما وصلها خبر موعد زواجها ....عقدت حواجبها رونق بانتقاد: انتبهي لا تنهبلي جالسه تتبسمين مثل الهبلة !،
مريم توسعت ابتسامتها...حركت حواجبها :من غيرتك تتكلمين !
ناظرتها رونق باستنكار: أغار!
تدرين أنا مستغربة أول مره اشوف أحد رايح للموت برجلينه ومبسوط !
مريم احتدت ملامحها : حاسبي على كلامك !
ترى راكان كل البنات يتمنوه وهو رفض الكل واختارني أنا !
مطت شفتها بسخرية: والدليل أعطاكم مهلة اسبوع وإلا رح يتزوج عليك!
وين الحب ؟!
لو كان يحبك كان وقف بوجه الكل وغصب عنهم اخذك حتى لو وصلت للخطف!
مريم بنفس السخرية: وليه ما خطفك جراح يا حظي !
رونق بملامح غامضة: يمكن يخطفني !
مريم بتحذير اقتربت منها : يا ويلك لو عملتيها يكفي الي وصل لأبوي بسببك !-
ما هو ناقصه فضائح
وقفت رونق وهي ناوية تنفذ شيء في بالها : فضائح مين !
وبسرعة انقضت على شعرها وسحبته بقوة : اصلا انت ما لقيتي أحد يربيك ....وقلبي من أول ما شفتك يغلي غلي ...لازمك تأديب ...والحين رح أراويك كيف الفضيحةعلى اصولها !!
وبدأت تضربها بقوة وحياتها البائسة بين عيونها ...تتذكر معاملة مريم مع أمها ويزيد غيضها من هالمخلوقة : والله لأعدم وجهك هذا المبسوطه فيه قبل الزواج !
مريم تحاول تدفها عنها بس رونق متمسكة بشعرها بقوة وتتعمد تضربها على وجها !
قدرت مريم توصل لشعر رونق وشدته بقوة وبصراخ ؛:-اتركي شعري اترك شعرك !
رونق برفض وهي تشد شعر مريم أكثر: ما رح اتركك للحين ما بردت حرتي فيك!
مريم بألم صرخت :اتركيني
تلقائيا صرخت رونق لما شدت مريم شعرها أقوى!
دخلت الجازي على صراخهم وباستنكار:-مريم ..رونق
اتركوا بعض انجنيتوا!،
رونق وهي شادة على أسنانها : انت لا تتدخلين!
الجازي تركتهم وطلعت مباشرة اتصلت بجواد حتى يرجع يتفاهم معهم !
رجعت لهم وهي تحاول تفك بينهم :اتركوا بعض قطعتوا شعركم !
مريم ودموعها تنزل: خليها تترك شعري بالأول!
سحبته رونق بقوة : ما رح اتركه حتى تعتذرين!
دخل وهو يناظرهم مشتبكات مع بعض وكل وحده شاده شعر الثانية بقوة !
تقدم منهم وبغضب نطق: اتركوا بعض!
رونق بعناد وتمرد: ما رح اتركها إلا لما تعتذر!
وشدت شعر مريم !
صرخت مريم وهي تبكي:اتركيني!
وشدت شعر رونق بأقوى!
مسك يدينهم وبصراخ : خلاااااص !
مريم بخوف تركت شعر رونق ...
جواد بغضب من رونق : اتركي شعر أختك !
رونق بعناد : خليها
قاطعها وهو يشد على قبضتها بقوة حتى يجبرها تفلت شعر أختها !
أول ما أحكم قبضة يده تركت شعر مريم وهي عافسه ملامحها من وجع قبضة أبوها !
وبقهر من تدخل أبوها ضربت مباشرة مريم بوكس بنص ظهرها!-
صرخت مريم من الوجع وناظرت أبوها وهي تبكي : شفت وش عملت فيني!
جواد ناظر رونق بغضب من هالتصرفات : ما شاء الله والله عيال الشوارع ما يعملون كذا !
وش هالتصرفات ؟!
ما تستحون على وجهكم!
الوحده فيكم طولي وتتضاربون!،
وش سبب هالمشكلة ؟ !
مريم بسرعة تكلمت: لأني رح أتزوج وهي لا !
جواد باستنكار: ضاربه اختك علشان كذا !،
الحين اجيب جراح لك
قاطعته رونق بحده: كذابه !-
ضربتها لأنها تتكلم بعرضي!
والله إلا أكسرها مرة ثانية إن تكلمت علي
جواد ناظر مريم بحده : صحيح الي تقوله؟!
من متى البنت المتربية تطعن بشرف أختها
مريم بدفاع: كذابة يبه !
تخطط مع جراح حتى يخطفها انا قلت لها لا تفضحينا!
جواد حس أصابه خلل بالسمع ...يقنع نفسه ما سمع مضبوط : يخطفها !
رونق تكتفت وبثقه : ايه يخطفني ونصير مشهورين ويعملون معنا لقاء يقولون لأول مره زوج يخطف زوجته !
جواد بصرخة : رونق،!
نقزت على صرختها وتكلمت بجعرفه : يعني لو مخططين يخطفني من عقلك رح اعلم مريم بخططنا!
اما ابنتك هذه غبية ومغفلة وعبيطة وفوقهم وقحة
قاطعها وهو يفكر لو كان صحيح مستحيل تخبر مريم ..نطق بضيق :والله ما استبعدها عنك !
علشان كذا قلت لك جهزي نفسك مع مريم زواجكم مع بعض .... أنا كلمت جراح وأعطيته الخبر!،
رونق باندفاع وبابتسامه لذكر جراح وهي تمسح شعرها وترتبه : وش قال يبه !
سأل عني!
قاطعها بغضب: انكتمي !
وش هالوقاحة اعرف البنت تستحي !
حضرتها لما ينطرى هالجراح تفتح حلقها مثل المغارة !،
اثقلي يا بنت ترى الثقل مطلوب!
مطت شفتها بقهر من كلامه ...وناظرته وهو يتكلم بحده : يلا سلمي على أختك ما أبغى هالحركات تنعاد!
يلا يا مريم!
مريم باعتراض شوف وجهي كيف حاسته وخرمشته!
وفوق هذا ضربتني على ظهري قدامك !
الجازي بتدخل: أنا أقول
قاطعها جواد: ام عبدالله لا تتدخلين أنا أعرف اتصرف!
مسك جواله وهو يتكلم؛ الحين اتصل بجراح واقوله ينكسل سالفة الزواج
قاطعته رونق بقوة: ما ابغى اتزوج ولو اموت ما سلمت عليها تعتذر بالأول عن قلة أدبها
رجع الجوال لجيبه بغضب توقع تلبي طلبه مباشرة بس هالبنت غريبة عجيبة ...نطق بتهديد: وقسم بالله رح اعد للثلاث اذا ما كنتم مسلمين على بعض إلا تنزفوا لبيت أزواجكم بالعباية وبدون حفلة ولا شيء !
1.......2....
بقهر مريم تقدمت ومدت يدها تسلم خافت أبوها ينفذ وعيده !،
رونق ناظرتهابتقييم : غبية طول عمرك غبية تخافين من اي تهديد !
جواد خزها بقوة وهو يمسك يد رونق وغصب عنها سلمت على مريم !
وبنصيحة: ايوه كذا انتم أخوات توأم المفروض يكون فيه تواصل بمشاعركم!
ما ابغى هالتصرفات تنعاد!
مريم بهدوء: إن شاء الله!
كتم ضيقه وهو يشوف وجهها معفوس ..ينقهر من ضعفه قدام رونق ما يقدر يقسى عليها تراها مجنونة ما يستبعد تهرب مع جراح وتصير فضيحة ثانية !
**
*•**
**
**
ام راكان متمدده على الكنبة ومعصبة رأسها وتولول : يا حسرتي على شبابك يا جراح !
وينك يا ناصر تشوف ولدك كيف يضيع مستقبله ؟!
انخبل الولد وكأنه مسحور !،
يا ربي لطفك يا رب !
ام لؤي تناظر أمها : يا يمة الحين يرتفع معك الضغط !
ام راكان : خليه يرتفع وينفجر وأموت ولا أشوف هالقردة تنزف لولدي!
ام لؤي بنصيحة: يا يمه وانت ليه معقده الأمور !،
اسمعي مني وما رح تندمين !
دخل عليهم زياد وناظر أمه بأسف لحالها : كيفك الحين؟!
ام راكان اسندت نفسها : اخوك يبغى يذبحني !
زياد بهدوء:-يا يمه انت ليه مكبره الموضوع هالكبر!-
حنا نصحناه وهو يتحمل نتائج عناده!
انت الحين المفروض تفرحي بعيالك بغض النظر عن العروس !
وش ذنب راكان ما يبغى يرجع على البيت لأجل النكد الي عملتيه ....مسكين ينتظر هاللحظة ليه تنكدي عليه
ام لؤي تكمل : وانا شفته اليوم متكدر خاطره
ام راكان بضيق : احاول والله لما اتذكر العلة الي رح تنزل علة على قلبي !-
يا رب فرجك !
**
**
**
**
ضحكت بنعومه وهي تقيس الفستان : والله حاسه حالي مثل الاميرات،
الجازي بابتسامة : عاجبني الفستان أقول أعطيني ألبسه!
رونق فتحت حلقها: يمه تراك مو صغيرة !
انت جدة !،
الجازي بضحكه : العمر يكبر بس روحنا ما تتغير !
وانت مريم وش اخترت؟!
مريم ناظرت رونق بقهر الي اصرت ما يقوم بالتجهيز إلا الجازي !
ردت مريم بهدوء : ما ابغى نفس فستان رونق!،
رونق بفرحه ردت : مع نفسك !
الجازي تقدمت منها بابتسامة : تعالي نختار
مريم هزت رأسها بطاعة وهي تشوف نظرات رونق المتوعده إذا كسرت بخاطر أمها !
رونق تلف حول نفسها بالفستان : يجنن يا قلبي ..وين جراح ييجي يشوف هالقمر !
الجازي خزتها: اثقلي يا بنت !
رونق تتنهد : اه يا قلبي متى يوم العرس !
دخلت ام جواد عليهم : وش صار ؟!
رونق مالت نفسها بابتسامه: كيف حلوة ؟!!
ام جواد ابتسمت لها وهي مستغربة فرحة رونق اول مرة تشوفها كذا فرحانه : تجنني !
مثل القمر !
وش صار معك يا مريم ؟!
مريم بهدوء: بعدني ابحث !
الجازي انشغلت وهي تناظر الفساتين وما ناظرت جهة ام جواد !
ام جواد وهي تناظر الجازي معطيتها ظهرها ....سبحان الله كل شخص له حياته!
**
**
**
جالس بالصالة يناظر امه الي تردح : هان عليك ضيقتي !
تبعيني علشان بنت !
يا خسارة الحليب الي ارضعتك اياه!
رفع حاجب وهويشرب العصير : ترى عندي معلومات أنا ما رضعت منك .. أنا رضعت كله حليب صناعي !
ام راكان خزته : ونسيت فضلي عليك !،
لجين جلست معهم: والله يا جدتي لويحبك كان طلقها واشترى رضاك !
جراح ضحك بخفه : يا شينك لما تتفلسفين!
لو تدرين يمه إني جالس أعد الساعة وقت الزواج ...مشتاق للقلب يمه !
أم راكان هفت على نفسها انبط كبدها من سوالفه : اه اه أبغى هواء !
لجين مطت شفتها بقرف : ما أدري وش عاجبك فيها !
رد بروقان : يكفي إنها دكتورة !
ام راكان بقهر: جراح وبعدين معك !،
تراك جالس ترفع ضغطي
تنهد وهو يهز رأسه بعتب : ايه ارفع ضغطك وأنا أتكلم عن فرحتي ....ما أحد حاس فيني ولا فرحان لي!،
والله اليتيم يلاقي أحد يبارك له ويفرح له !
أما أنا ما أحد فرحني ولو بنظرة كل يوم نفس الروتين ...ونفس الكلام الي يسد البدن !
مشكورة يمه على الاهتمام الزائد فيني !
الله يبارك لراكان فرحته وأنا جهنم خلفي لأني يتيم من بعد ما مات أبوي !
ناظرها بخذلان وفرحة منكسرة ..وبعدها غادر بهدوء!
ام راكان بذهول من تصرفه قلب الموقف لصالحه !،
ضاق صدرها بزيادة فعلا مهما كانت العروس المفروض تفرح مع ولدها وما تضيق خلقه ....لزوم تعمل كذا !
والزفته تعرف كيف تتعامل معها !
والله لتطلع عيونها يصير خير!!
**
**
**
**
تحس كل الاحداث تمر بسرعة ...ما توقعت ابو جواد يوافق حتى استغربت موقفه بارك لها ووصاها تنتبه لبيتها ....تمنت خلال الفترة تتواصل مع جراح لكن خافت أي قرار منها يخرب كل شيء!
قلبها يدق بقوة خايفه وقلبها ما هو مرتاح ناظرت أمها الي واقفه فوق رأسها وتحاول تشيل ارتباكها : ما شاء الله قمر يمه قمر !
رونق تفرك يدينها بتوتر :خايفه !،
حنين بابتسامة تقدمت منها: مبارك يا ابنتي !
ردت لها الابتسامه: الله يبارك فيك !
الجازي بتوصيه : انتبهي تذلين نفسك لأم راكان وتبحثين عن رضاها ...خذي نصيحه مجرب اياك تغيرين شيء فيك فوق طاقتك علشان فلان وعلان ...هذه شخصيتك وهذه حياتك عيشيها مثل ما تبغين انت مو عشان الغير !،
زفرت رونق بضيق : إن شاء الله يمه !
وين قدر ؟!
حنين بابتسامة : بالقاعة لو تشوفينها ترقص مثل الفراشة
رونق بتذكير : يمه قدر أمانة عندك !
الجازي ابتسمت : قدر بعيوني!
رونق بتساؤل : شفتي مريم!
حنين عفست ملامحها : البومه هناك ما أبغى أسلم عليها!
ابتسمت رونق : يا جدتي ليه تغتابين
قاطعتها حنين : ما أحبها ولا أطيق سيرتها !
اففففف يا لطيف وش غثيثه !
الجازي : حتى ام خرطوم هناك !
ننتظر شوي وبعدها اكيد يغادرون !
رونق تحاول تهدي دقات قلبها : متى ال
حنين  قاطعتها: الحين نروح نشوف الترتيبات ونعطيك خبر !،
تعالي يا جازي !،
بالغرفة الثانيه مريم بقمة توترها ...ناظرت جدتها وهي تتكلم بقرف : حنينووووووو عندها !،
متى ما انقلعت اروح اشوفها !
رح نزفكم مع بعض بس بالأول نحصنكم !
الجازي وقفت تعدل لمريم فستانها: بسم الله ما شاء الله!
شذى : انا رايحه للقاعة ما ابغى اشوف القزمه واشتبك معها !
ام جواد بتحذير : انتبهي يا شذى ما نبغى مشاكل وخلي الليلة تمر على خير !،
شذى بدون نفس : إن شاء الله !
بعد لحظات دخلت ام راكان وهي تزغرد والفرحه تتهلل من وجهها !،
سلمت على مريم وباركت لها !
وناظرت ام جواد بابتسامة : خلي راكان يتصور وبعدها الزفة !،
الجازي بهدوء،: عمي ابو جواد قال التصوير بعد الزفة
ام راكان عفست ملامحها : ترى ابو جواد مثل الشوكة بالحلق ما كان كذا !
ام جواد ما تبغى تصادم : خلاص مشيها يا ام راكان
ام راكان عفست ملامحها : لا حول ولا قوة إلا بالله !،
دخلت حنين عند مريم ...باركت لها وسلمت على الموجودات وعلى ام جواد بدون نفس !،
كشت عليها ام جواد بمجرد ما اعطتها ظهرها !
الجازي اكتفت برد السلام واقتربت من مريم بابتسامة !
طلعت ام جواد من المكان مباشرة ما تبغى احتكاك معهم وتصير مشاكل !
توجهت لرونق ..باركت لها وجلست قريب منها : ما شاء الله ربي يحفظك !،
من الأول كنت أبغى امر عليك هنا بس الي ما تتسمى كانت عندك !
اخذت نفس رونق ونطقت بتوجس: اخاف جدي يوقف زواجنا !!
ام جواد بابتسامة دافئة: ما تخافين الصبح كنت جالس معه ومبسوط لكم بس كان يبغى يعطيكم درس !-
تنهدت رونق ::-هذا مو درس تراه نشف ريقنا !
ام جواد بهدوء : ان شاء الله تمر الليلة بسلام وتصير ذكرى جميلة !
ردت من قلبها:-امين!!
**
**
*
*
عند الرجال كان الوضع مختلف ...الارتباك واضح لتأخر جراح !،
ابو جواد يحس وجهه أسود والناس تسأل عن المعرس!
وزياد كل شوي يدق والجوال مغلق!
جواد ناظر أبوه وهو متأكد جراح رح ينتقم منهم !
قبل ما يتكلم ...حس الروح ردت له وهو يشوف جراح مع خاله راكان ومبتسم !
تنهد وحمد ربه لأنه ما هو ناقصهم ......
كل إلي يتمناه تمر الليلة بسلام !
وقبل ما يكمل امنيته رن الجوال ..ابتعد شوي ورد بهدوء،:: الو
سرعان ما قطب جبينه بانفعال ...لما وصله الخبر الوضع عند الحريم متكرب ولازم العرسان يأخذون زوجاتهم قبل ما تتحول الحفلة لحلبة مصارعة !
**
**
**
**
حز بخاطرها تصرف أم راكان وبناتها ....ولا أحد قرب لجهتها كله عند مريم ...ولا أحد بارك لها أو سلم عليها!
الجازي همست لها: ولاتهتمي لذي الأشكال !
انا معك أغنيك عن العالم كله !
ابتسمت لها رونق بحزن !
وقفت الجازي وتحركت خطوة وهي تناظر رونق وما انتبهت على شذى خلفها ...تدعثرت شذى بسبب الجازي وكأنها ضغطت على الزر !
شذى بغضب: يا جعلك للعمى !
رونق بانفعال ردت : عمة احترمي ألفاظك وعن الغلط!
شذى ردح : أنا أكلم أمك انت يالقروية وش دخلك !
ام جواد تناظر المعازيم وبهمس: خلاص بدون فضايح
حنين بصوت عالي : ما هو ذابحك غير الفضايح يا ام جواد !
ام جواد بهمس: لا تتدخلين !
الجازي بحده: تدخل غصب عنك !
ام راكان اقتربت : رجاء لا تخربون العرس !
ام وسيم وشذى اطلعوا برا تشاجروا هنا
رونق انقهرت منها : امي ما تتحرك خطوة وحده
ام راكان بقوة: انت ما أحد طلب
ام جواد قاطعتهاوهي تسحبها: خلي الليلة تعدي على خير !
سعاد بكره لرونق : حسابك بعدين !
اقتربت ميس وسحبت شذى معها وهمست : الناس تناظر !
رونق ناظرت امها ونطقت بهدوء: متضايقة !،
ابتسمت الجازي : أبدا ما همتني !
انت ما عليك من حولك خليك طرف خارجي وانا أعرف أتصرف !
اعلنوا عدم دخول العرسان خافت ام راكان الناس تصكهم عين !
وكل عريس رح يأخذ عروسته !
**
**
**
عند السيارة قبل ما تركب رونق نطق جراح بهدوء: يا عمي !
ابو جواد ناظره وبلع ريقه ما يدري ليه توقع منه حركة نذاله : وش فيك يا جراح !
جراح بنبره غامضه : ترى ابنتكم طا
قبل ما يكمل التفتت عليه رونق برعب وكأنه الزمن توقف !
جواد بهتت ملامحه من هالفضيحه وبمجرد ما كمل كلامه انقض عليه جواد بغضب : صدق انك ما تستحي على وجهك !،
ابعده ابو جواد عنه : اتركه فضحتنا
طار عقلي فيها
طار عقلي فيها
ترددت هالجملة برأسها !
صداع قوي يضرب رأسها...تحس نفسها بدوامه وكل شيء حولها يتحرك ...خيال وأشكال مرعبه تقترب منها ...تحس نفسها مقيدة لسانها عاجز عن النطق ...تهز رأسها يمين شمال ...بدون فائدة ...يقتربون أكثر وأكثر ....صرخت بصرخات مكتومة ....وعند آخر صرخة مكتومة .. فتحت عيونها تناظر حولها ...وكل شيء حولها يدب الرعب بداخلها ...غمضت عيونها للحظات بانتكاس وهي تتذكر الاحداث ..ضاق صدرها وكأنه الفرح محرم عليها !
مسحت دمعة تسللت على خدها تشكو الحال الي وصلت له !،
وقفت بتعب تجولت بالغرفة حتى شباك ما فيها وهي تفكر بحل لذي المصيبة ..التفتت على دخوله الغرفة ..قفل الباب ووضع لها الفطور على طاولة صغيرة : كيفك اليوم !،
تأكدت من شالتها وناظرته بقهر : وقسم بالله إلا تندم !،
وش تبغى مني !
انت دمرت حياتي !
رد بابتسامة ساخرة : يعني الأب وش يبغى من ابنته ؟!
شدت على قبضة يدها بقوة : وقسم
قاطعها بحزم : لا تجلسي تهددين
سكت لما دخلت وهي تناظرهم بهدوء: ليه صوتكم
قاطعتها بقهر و الدموع تلمع بعيونها : حرام عليكم
ردت ببرود قاتل : انت لزوم تتفهمين الوضع ....المحامي الكلب اكيد زور التحاليل ...انت ابنتنا تفهمي وش يعني ابنتنا !
قاطعتها بمراره عقلها ذي الحرمة ما يفهم : ابنتكم ماتت ودفنوها !
أنا مو ابنتكم !-
خرجت الحرمه عن برودها ونطقت بنبرة محروقة: سنين وأنا كل يوم انتظر خبر نلقاك وبعد هالسنين يطلعوا بالتحقيق انه ابنتنا الي ماتت وابنتهم الي عاشت!
كذابين زوروا التحاليل ...حنا فقارى ما لنا حيل لذي السوالف قالوا نسرق ابنتهم
قاطعتها رونق بغضب : اقولك أنا مو ابنتكم أنا لي أخت شق التوأم نفس الشكل
قاطعها بعدم اقتناع: أقول صوتك لا يعلى !
ناظرتهم بفقدان أمل منهم عقلهم مثل الصخر ما يلين !
كيف ترجع لجراح وقدر !
والأهم جراح بخير أو لا ؟
وأبوها ما تدري أصابه شيء أو هو بخير !
اكيد الحين قالبين الدنيا عليها !
كيف تتواصل معهم!،
غطت وجهها بيدينها وانفجرت من البكاء ....ما تدري بأي أرض موجوده ...وكأنها بجزيرة انحجبت عن العالم كله !
حست بيد الحرمة على كتفها : يا ابنتي
ابتعدت عنها مثل الملسوعة وبصراخ: ابعدي عني !
حسبي الله عليكم !،
انا متزوجة وعندي بنت وعندي دراسة انتم ما تفهمون !
ناظرها قبل ما يطلع : اتركيها بعدها للحين مصدومة مع الأيام رح تتعود لوجودنا !
أسندت ظهرها للجدار وهي تناظرهم يخرجوا من الغرفة ...سرعان ما هوت للأرض بعجز عن الهروب من هذا المكان ....كيف تهرب من هنا ... وإن هربت كيف ترجع لأهلها !
غمضت عيونها وهي تردد حسبي الله ونعم الوكيل !