_____________بسم الله 🌼____________
رواية: حب وردي 🌼
بقلم: جوجو 🦋♥️
.
.
.
.
.
.
صباح يوم جديد في مكان أول مرة نروحوا......
في أحد الأحياء السكنية الراقية التابعة لمدينة القاهرة أشرق يوم جديد بطلته الباهية والسكينة التي تملأه......
دخلت كالعادة تصحي زوجها عشان شغله.....
نورهان بحب وهي بتلعب فى شعره: مؤمن يلا روحي اصحي عشان تروح شغلك.....
مؤمن بكسل: صباح الخير يا حبيبتي وعدل نفسه جنبها وخدها في حضنه ووطي باس راسها فابتسمت وقالت: هتتأخر على الشغل كالعادة يلا قوم خد شاور وانتعش وأنا أكون حضرتلك هدومك....
مؤمن ما اتحركش من مكانه كل اللي عمله إنه شدد على حضنها اكتر واكتر...
نورهان بحب: أنا عن نفسي اتمنى إني افضل كده على طول وما اخرجش أبدا بس يا حبيبي شغلك ميعاده قرب.
مؤمن بحب مماثل: وأنا أخدت اجازة من الشغل لمدة اسبوع عشان فرح عز ونسيت اقولك امبارح ...
نورهان: تمام يا حبيبي عموما ما اختلفناش يلا قوم خد شاور وأنا هجهز أحلي فطار قبل ما زيزو يصحي .
أخيراً مؤمن سابها وقال بهدوء: تمام هقوم أنا وكفاية كسل قبل ما زين يصحي ويزهقني في عيشتي.
نورهان بضحك: يلا يا خواف دا زيزو غلبان ومش بيعمل مشاكل ومش بيعيط ولا عمره زهف حد.
مؤمن باستهزاء: والله فعلا دا محترم جدا وطيب.... أما اقوم قبل ما اعكر مزاجي الواحد في اجازة ومش عاوز حد يزهقوا.
قام وقف ودخل الحمام ونور جهزت هدومه وخرجت تعمل الفطار وهي خارجه بصت على زين في اوضته لقته لسه نايم فقالت: نفس جينات الكسل بتاع مؤمن بالضبط يلا خليك نايم....وطلعت على المطبخ....
خلصت الأكل وفتحت البلكونة وفرشت الفطار على السفرة ودخلت لقت مؤمن بيصلي فراحت لزين لقته صحي وبيحاول ينزل من على السرير فشالته وقعدت تبوسه واخدته ادته شاور سريع وغيرتله هدومه وطلعت لقت مؤمن مستنيها على السفرة...
مؤمن بحب: زيزو حبيب قلبي تعالى يا بطل وشاله وقعد يبوسه ويضحكه فنورهان قالت: هاته يا حبيبي عشان تعرف تفطر فاخدته وقعدوا يفطروا في صمت....
بعد مدة مؤمن اخد زين ونور دخلت تعمل قهوه ليهم بعد ما لمت الفطار....دخلت بالقهوة وقعدوا شوية وبعدين مؤمن قال بتوجس: ان شاء الله يا حبيبتي هنشرب القهوة وتجهزي الشنط عشان نسافر المنيا.
نورهان بتفاجئ قالت: نعم ؟! نسافر ؟؟
مؤمن بهدوء: أيوة هنسافر سوا عشان الفرح.....
نورهان برفض تام: أنا آسفه يا مؤمن أنا مستحيل أسافر معاك .... مستحيل.
مؤمن كان عارفه إنها مش هتوافق فبيحاول يسايرها....
أنت تقرأ
حب وردي "بالعامية"
Любовные романыأحب دائما رؤية تلك اللمعة الموجودة في عيناك.... أعشق تضحيتك من أجلي....بت لا أستطيع أن أنام إلا وانفاسك بقربي.... حبيبي ♥️🫀
