في نُزل الشباب.....
عز الدين قاعد في البلكونة وباصص على القمر والنجوم وفرحان جدا....مش عارف ليه أقل حاجه هاجر بتعملها بتفرحه جدا خصوصا لو حاجه ليها علاقه بيه....نسي كل حاجه شافهه مش فاكره بس غير انها ومن بين كل الناس كانت باصه عليه هو وكأنها بتقوله أنا موجودة متلغينيش من حياتك....متتسرعش بالحكم عليا وتنفذ قرارك الغبي بالبعد....!
فجأة تليفونه رن وكانت مامته....
عز الدين: ازيك يا ست الكل اخبارك ايه...؟
ثناء بحب: حبيب قلبي أنا كويسة...انت اخبارك ايه... آخر مرة كلمتك كان باين عليك انك مدايق...بس دلوقتي والحمد لله حساك بقيت كويس... طبعا من نبرة صوتك أعرفك مبسوط ولا لأ.
عز الدين: أيوة بقى الناس الخبيرة دي...! أنا فعلاً مبسوط جدا.
ثناء: يا رب دايما تكون مبسوط وفرحان واكملت بعتاب...انت حرجت ياسو بنت خالتك النهارده قدام الناس ليه يا عز...؟ ازي تحرجها كده...!
عز الدين: اه هي لحقت اشتكتلك... صدقيني يا ماما لو ما بطلتش الحركات اللي بتعملها دي لكون ماسح بكرمتها بلاط المعهد كله...عرفيها عشان ما تقوليش محذرتش .
ثناء: أي يا عز دي طريقه تعامل بيها بنت خالتك.... هي دي تربيتي ليك....!
عز الدين: ماما ارجوكِ متدخليش بينا انت ما تعرفيش السبب عشان تتدافعي عنها.
ثناء: هي قالت انك مرضتش تسلم عليها...!
عز الدين بغيظ: فعلاً مردتش أسلم عليها عشان المحترمة عاوزة تخدني بالحضن في نص المعهد...
ثناء بعدم اكتراث: المهم هي واخده سكن عندك في نفس المكان...خلي بالك منها ولو احتاجت حاجه اعملهالها ومتبقاش افوش كده.
عز الدين: ماشي يا ماما مع السلامه...وقفل الخط
عز الدين: منك لله يا ياسمين الزفت كنت ناقصك انت كمان تعكري مزاجي.
دخل عز الدين وفقل البلكونة وبدل هدومه ولبس بنطلون برمودا وتيشيرت كت ونام وهي بيفكر في هجورته إللي مش فاهم حاجه عن حياتها...!
****************★*****************
عند هاجر......
اتعشت هاجر وفضلت قاعدة في البلكونة هي كمان بس حالتها تختلف عن عز الدين خالص...
دخلت بسمه البلكونة ولقت هاجر واقفة بتترعش وعيونها مليانه دموع ومش قادرة تاخذ نفسها بسبب شهقاتها المكتومه....
جريت بسمه عليها وخدتها بالحضن وعماله تهدي فيها....
بسمه بخوف: حبيبتي مالك...ارجوكِ ردي عليا... هاجر حبيبتي خدي نفسك اتنفسي يا هاجر....
هاجر بشهقات مسموعة: مستحيل.... مستحيل أسمح أن دا يحصل أبدا .
بسمه بمواساة: اهدي يا قلبي عشان خاطري اهدي ارجوكِ.
أنت تقرأ
حب وردي "بالعامية"
Romanceأحب دائما رؤية تلك اللمعة الموجودة في عيناك.... أعشق تضحيتك من أجلي....بت لا أستطيع أن أنام إلا وانفاسك بقربي.... حبيبي ♥️🫀
