لتكلي الكبر والجفن والتابوت
فكرة موتك ما مقتنع بيهة
عدلل
وضل عدل لو تندفت مرتين
يا محبوب عيني ومي سواجية
🖤
اشتقت لشخص
كان يوصيني بأن انتبه لنفسي كثيرآ
ليتني استطيع اخباره باني
فقدت نفسي عندما غاب 💔
أكثر حساس يوجع الكلب من الانسان يحس نو راح يفقد شخص جان روحه من دنيه
لزم يدي درت عليه كلي بويه اني اريد اوصيج وصيه
روان : طاح كلبي يمه
روان : بويه صمله شبيك لا تحجي هجي حجي
ابو رواء:شبيج بنيتي العالم كلها توصي عادي
ابو رواء :اني مابيه شي بس لازم اوصي الدنيه مالها امان ما تعرفين شنو ضامتلج صحيح لو غلط
روان : صحيح كلشي يصير بل دنيه بس حبوبي لاتحجي هيج ولله العضيم كلبي يتكطع
ابو رواء :صمله على كلبج يا بعد ابوج
انا اريد اكلج شي اخاف اموت ائمن عليجن بعد ابوج
انه جنت ابن عز ودلال جنت أصغر خواني جنت المدلل مال اهلي جانو ما يرفضولي طلب المهم مرت سنين اجت سنين تخرجت من السادس جنت انه اول ولد ادرس واصل مرحله خواني جانو ما يحبون دراسه مالهم واهس بيها فه اجت السنه الدخل بيها جامعه وامي جانت فرحانه بيه بس ابوي كال اخاف تأخذك بغداد بعد ما تردك ليه انه جنت اضحك واكله شسالفه بويه بس اخلص دراسه تلكاني يمك كال ابوي نشالله خير المهم جان عندي اخت اسمها (ياقوت) جانت حنينه جنت بس احضر جنطتي اريد اروح البغداد علمود الجامعه تضل تنعه وتبجي عليه
رحت الجامعه جانت حياة ثانيه انه ابن عشايره ماعدنه حرمه تطله برا البيت والجامعه متروسه بنيات انا ما شايف هيج المهم بدت الدراسه صار عندي أصدقاء بين فتره وفتره اروح الهلي
المهم جان عندي صديق اسمه احمد جان أكثر من صديق مثل اخوي المهم فه اجه الجامعه كتله احمد
حسان : احمد والحسين جوعان امشي ناكل
احمد :صدك جوعان امشي اليوم اختي شلون مسويه دولمه تلوك لهل حلك
حسان :لا أحمد اخاف اكلف عليكم هسه اورح اكل ايشي واشبع
احمد : ولله العضيم اذه ما اجيت وياي بعد تخرب صداقتنه مو حاسبك اخوي
حسان : لا هاهيه ولله اروح وياك ولله بس اخاف اكلفك ( حسان هوه نفسه ابو رواء)
مشيت ويا البيتهم دخلنه اني ويا
احمد : يوم وينج يومممممممم
اجت ام احمد دخلت الصاله
احمد :يوم هاذه صديقي حسان الي حجيتلج عنه
ام احمد : يا هلن وسهلن بيك ابني شرفتنه
حسان : الله يعزج ويخليج ام احمد شرف الي
ام احمد :شلونك ماما شلون صحتك اخبارك
حسان : الحمدلله بخير مادامكم بخير
ام احمد : دومك نشاله بخير وصحه
حسان همه جاي يحجون جان طب علينه بنيه لا مو بنيه جنها حوريه كاضه بيديه دولكة ماي بسرعه نزلت راسي
نور :سلام عليكم
حسان :وعليكم السلام
احمد : وعليكم السلام
احمد : نور صبي ماي الحسان
حسان اجت يمي ريحتها طكت بخشمي بسرعه كتمة انفاسي لئن حرام ينحسب
من دنكت تصبلي ماي شعرها دك بل كاع
الله واكبر شنو اليوم ماتريد تفض السالفه
لو ادري ما كلت جوعان ياربي شنو الحسن والجمال
ربي يستر عليها ويخليها الهلها جان اسمع احمد يصيح عليه
احمد :حسان شبيك راح صوتنه واحنه نصيح عليك
اخذ الماي البنيه راحت يدها وهيه تكلك تفضل
حسان : اسف ولله عذريني أخيتي
نور :تفضل
حسان : زاد فضلج أخيتي
احمد : يلا بسرعه صبو غده حسان جوعان
كامو يحضرون الكل هيه تروح ودرجع شعرها من دنك يطيح بل كاع يا علي دخيلك يا علي
صبو الغده وهاي اول مره اكل بيها االدولمه من ايدين بغداديه كعدة جان اجه احمد كعد يمي شويه واجة امه وراها نور انه مستغرب احنه من ناكل نسوان بحد ولزلم بحد اقص هناك يم اهلي المهم
حطيت اول لكمه بحلكي صعدت راسي لكيتها تباوع لي بسرعه نزلت راسي كمل اكل شالو الكل رحت غسلت جان اسمع صوة وراي
نور : هاذه ااخاولي
حسان :شكرا خويه تعبتج
نور : لا بالعكس تعبك راحه
حسان رحت الصاله اجه احمد
احمد :ها بشر شلونها دولمة نور
حسان :عاشة يده الله يستر عليها ويخليها لكم يارب
احمد : بعد كلبي
حسان شربة ستكانت جاي وتوكلت رجع. الدوام
ضلي وين ماروح تجي براسي ما تطلع من بالي
المهم مرة فتره احمد اختفه ماكو سبوع هوا ماكو
قررت اروح البيتهم رحت البيتهم دكيت الباب
نور :منو
حسان :من سمعة صوتها احس وضعي تخربط بس عدلة روحي كلتلها
حسان :انا حسان صديق أحمد
نور : تفضل اهلان وسهلن
حسام : تحجي وياي وانه ما ابوع عليها
حسان :زاد فضلج خويه بس اجيت اشوف احمد اشو ماكو هل الايام اخاف بي شي
نور يحجي وياي وما يباوع عليه كلش انعجبة بشخصيته الثكيله
نور : احمد مريض في ما داوم هل الايام
حسان : ما على كلبه شر هوا موجود بل بيت
نور : ي موجود هسه اصيحله تفضل بل صاله
حسان كالة تفضل بس ضليت واكف بره لمه اجه احمد مريض
احمد : هلا باخوي هلا بحساني
حسان سلمة على
حسان:هلا بيك يا بعد اخوك وكلبه
احمد : تفضل حساني
حسان :بعد كلبي لا لله مستعجل بس اجيت اشوفك شبيك صارلك سبوع ماكو
احمد :ولله يا خوي شوي فلاونزه
حسان: ما شوف شر بعد اخوك
احمد : بعد كلبي شر ما يجيك
حسان : يلا بعد انا اروح مع السلامه
احمد : الله وياك بعد روحي
مرة الايام وانه عشقت هاي البنيه بس ما كلت الحد بس الياقوت وهيه تكلي
ياقوت : هجي هيه حلوه
حسان :ولج تخبل مو بنت حَوريه الله يستر عليها
مرت السنوات واجت السنوات تخرجة من الجامعه
فه قررت اروح الابوي واكله نروح نخطبها فه كعدة من الصبح ورحت المضيف دخلت لكيت ابوي واخوي كاعدين
حسان : صبحكم الله بالخير
شيخ محمود : صبحك الله بالنور
حسان : شونك بويه اليوم اجيت اريد افاتحك ب موضوع
شيخ محمود : خير الله اللهم جعله خير تفضل يا بعد ابوك
حسان : بويه انه قررت اتزوج
شيخ محمود : الله مصلي على محمد وآل محمد ي يبعد طوايف ابوك هاي الخبار ازينه من الصبح حسان : بويه تعرف صديقي احمد
شيخ محمود : ي اعرفنه شبي
حسان: عنده اخت وانه اريد امشي عليها بنيه خلوقه ومرتبه وانه هويتها بويه
الشيخ محمود :شنهي تاخذ غريبه جا بت عمك عمك وكف قسمتها علمودك يريدك الها هسه انته تريد تكسر بيها علمود الغريبه
حسان : بويه بس انا هاويها واريدها
شيخ محمود : ولك تكسر خاطر بت عمك علمود الغريبه الما نعرف أصلها وفصلها وباجر بت عمك العالم تاكل وجه ابوها ليش بن عمها مارادها
بويه ولله بت عمك سترك وغطاك احسلك
حسان : بويه ولله بت عمي مابيها شي بس انه ما احبها انه اريد نور بويه انه احبه
شيخ محمود: خوش هاهيه اختار لو اهلك لو هاي الغريبه
حسان:،،،،،،،،
الكاتبه أجمل النساء ❤️❤️❤️
أنت تقرأ
ضربة قدر
Bí ẩn / Giật gânومن بده الشيخ يكول بنتي هل انتي تقبلين على هاذ الزواج واحس جني أوافق على عدامي
