ضربة قدر

البارت 17

روح وشكل عاجبني ومثل ما حبك تحبني
ما ناقصني شي غيرك لكيتك ولله كملني
هلا بالجان مرسوم بخيالي
هلا باليمشي ويضل على بالي
انا لو عندي غالي بجيتك انساه
واجيت انت بوكت ما عندي غالي
يكول حاسد روحي حاسدني
على الشال التعب مني
الحب مثل الرزق مرات
واحس بيك الله رازقني
هلا بل ماكو منه انسان ثاني
والي ارتاح اله حتى من اعاني
يكولون الاناني يصير مكروه
خي يكرهوني اني البيك اناني💍👑
،...............................................
                   رواء ✨وخليل

رواء عفته ومشيت وما كتله شي احس بطني ضلت تعورني مادري شبيها ضل يصيح وراي ما درت عليه ركضت بسرعه دخلت البيت وانه اركض نطكيت بشيخ عبدالله جان يكلي

شيخ عبدالله : لله الله بويه بهداي شبيج تركضين شصاير

رواء اريد احجي ويا بس احس كلبي يريد يطلع من بكانه ماكدر وصف شعوري ماعرف شنو اختار رجع حجه شيخ عبدالله

شيخ عبدالله : رواء بويه شبيج شنو صاير وياج ليش وجهج اصفر ما تحجين شبيج

رواء : ما ما بيه شي بس جنة اركض

شيخ عبدالله : على شنو تركضين

رواء : ااااجنت اسوي رياضه

رواء حجه بس كاضته الضحكه

شيخ عبدالله : هاي غير رياضه سوي الوجه اصفر

رواء : شيخ عبدالله تريد شي اريد اروح

شيخ عبدالله : لا بويه شنو اريد اخذي راحتج

رواء دخلت البيت وين اروح يا ربي المن احجي ما عندي غير بيبي خاتون رحت دكيت الباب كالت تفضل دخلت جانت تقره قران سدة القرآن وباسته وخلته على صفحه وكالت

الحجيه خاتون : هلا بروائي دخلي يمه

رواء دخلت يا ربي احجي لو لا جان تكول

الحجيه خاتون : يا يمه شبي وجهج اصفر تعاي يمه اشوف شبيج

رواء رحت يمها جان تحط يدها على كصتي جان تكول

الحجيه خاتون : يا يمه ولج انتي شابه نار شبيج يمه احجي

رواء : بيبي جدي صاحني هوا وعبدالله وكلي اكو شيخ متقدملج واحنه نريد موافقتج ونطوني واقت افكر بل موضوع

الحجيه خاتون : جا شبيج خايفه وجهج اصفر ومصخنه تردينه كولي ي ما تردينه كولي لا ليش مكبره الموضوع يا بعد امج

رواء : بيبي مو هنانه الموضوع دره خليل اكو ناس جاين خاطبيني اجه ضل يصيح احبها واريده من طلع من المضيف شافني جان يكلي انا احبج لا توافقين على الخطابه لي جاييج  وانه ماعرف شنو اسوي بهاذ الموقف

الحجيه خاتون : يمه سمعيني كلش زين وخلي بالج يمي ااذه تردين توافقين على الشيخ الجايج وانتي بالج يم خليل ما يصير حرام واذه تردين خليل انه انطي خبر الجدج ها يمه شنو كلتي