ضربة قدر

البارت 16

بلسان حال خوخه
أكبر من أحلامي شوفك
عود هم تصير اليه
عود تجمعنه علاقه
وحلقتك تكشخ بيديه
هم يجي يوم وتحبني
وصير ملكي ومني وبيه
اصلن انته ما تعبرني فراغك
شلون تتحقق امنيتي ونكعد ونسولف اسويه 😔🖤

خوخه

جنت طفله عاديه حالها حال الطفال البقيه جنت كلما اطيح او انجرح الي يداويني  الوارث جان هوا كلشي يشتريلي يلعبني وياه ما يخلي احد يطكني او يضوجني كبرت وكبر حب الوارث بكلبي بس محد يدري بيه احبه  حبه ضل بكلبي سر جنه اذه نلتم اضل اباوعله بدون ما يدري واحد  لو ينتبه الوارث جان يشاقه وياي ويضحك وانه احس روحي فراشه بس جنت ادري بي ما يحبني بس معه هاذه انه احبه لحد ما اجه اليوم الي كلب كلشي نصبنه فاتحة عمي حسان وانه ملتهيه بل شغل اجه الوارث ضل يصيح

الوارث : خوخه ولج خوخه وينج

خوخه رحت اركض وانه فرحانه من اسمعه يصيح اسمي احس روحي طايره بل سمه ركضت كتله

خوخه : ها الوارث جنت تصيحني

الوارث : ي خوخه امشي وياي دخلي بنات خالي حسان

خوخه : تدلل يلا امشي نروحلهن

خوخه ضلينه نمشي انه والوارث وصلنه السياره جان اشوف بنات الله مصلي على محمد وآل محمد شنو من جمال شايلات يخبلن جنهن لعبات خذيتهن بس اكو وحده ما رتاحيتلها اسمه ريم مرت ايام ضليت اشوف الوارث يهتم بيها  من يكعدون يسولفون ويضحكون احس نار تشب بصدري اريد بس ابجي مرت الايام لحد ما رحنه الربعينيه وياريت ما رحت نزلنه المقبره ريم تخربطت وانه اشوف الوارث شلون يخاف عليها ضلن يديه يرجفن معقوله يحبها يمه ولله كلبي يوكف جاي ناكل جان يجيبلها  عصير ويباوعلها وعيونه بيهن لمعه وخايف عليها كل هاذه وانه الدمعه بطرف عيني صعدنه السياره جان شوي ويجبلها حلويات ما حسيت ال طلعت حجايه من حلكي كتلها هنيالج هيه ضلت تحجي وياي بس انه ما ارد عليها وصلنه البيت وانه احس روحي راح اموت لو طلع حساسي،،،،،،،

هنادي

هلو اني هنادي

الي ربيت بين ام واب واحد مايريد الثاني ابوي جام يضربنه ويغلط علينه وامي جان كارها روحها وكارهتنا وجنت ماعرف السبب لحد ما كبرت وعرفت ليش ابوي وامي هيج علاقتهم امي جانت تحب شخص ثاني وأهلها جبروها تزوج ابوي بس ماعرف منو جانت تريد وابوي جان يحب بنيه ثانيه وابوه كله اذه ما أخذت بت عمك لا انته ابني ولا اعرفك
وزوجو امي وابوي بس ياريتهم ما زوجو لئن دمرونه بمشاكلهم وتعبو نفسياتنه جنت من تصير مشكله اروح اشرد البيت جدي وركض اكعد بحضن بيبيتي وهيه ما تسئلني لئن تعرف البيه المهم اجن بنات عمي حسان وصلوات على محمد وآل محمد يخبلن أكثر وحده حبيتها وصارت صديقتي رواء كلش حبابه بس عصبيه بسرعه تعصب المهم مرت سنه على وفات عمي حسان رحت البيت جدي لكيت رواء كاعده وحايره بزمانها رحت يمها كضيت جتفها دارت جان تشوفني كتلها