ضربة قدر

البارت 18

من اجيبك على السلف تسوه السلف كله
والمفارك عيونك بالسلف شله
اريد اصفن بوجهك صفنة الميتين
ما  ارمش لون شجيتني بسله
انه لاماتيهت تيهني وجهك ذاك
ابدوي ودرب الصحاري اشتمه واندله
قفل خليتلك خيط اعلا طول الروح
حته منين ما تشتاكلي تفله 💞

هنادي

مرن يومين  كاعده بل غرفه جاي اخيط بدلات الشام جان اسمع صوت عالي طلعت بره جان اشوف ابوي وامي جاي يتعاركون وخليل كاعد يتفرج عليهم جان صيح امي

ام خليل : ما تزوجها يعني ما تزوجها

ابو خليل : يزوجها ليش يصير مثل ابو ماخذه اليريدها

هنادي رجعو يصايحون جان يعيط خليل بصوت كال

خليل : ياخي كافي ما تعبتو صارلكم اسنين ونتو بهاي المشاكل ماتكولون جهالنه كبرو شنو ذنبنه جان سوء اختياركم كافييي من احنه وجهال ضرب هانه ولا مره حسستونه بحنانكم ليش شنو السبب الي منعكم لئن جان واحد مايريد الثاني زين ليش جبتونه الدنيه وانتو ما تردونن

هنادي:  خليل يحجي وانه ابجي صحيح كل كلامه صحيح ولا مره حسسونه بحنانهم جان خليل يسكت ويكض راسه امي وابو سكتو جان يصيح خليل

خليل : ها هسه سكتو لئن ماعدكم حجي  عله الحجي الحجيته

هنادي عافنه وطلع ابوي طلع ضلينه انه وامي بل بيت مرن 3 ايام راحو ابوي وخليل يخطبون رواء انه بدلت ورحت وراهم بسرعه دخلت على البنات جان اشوف رواء ياربي على جمالها تخبل هاي البنيه ضلينه نسوالف شوي وراحت المضيف ضلينه واكفين يم الباب جان تطلع رواء ميته من الخجل من سئلناها كالت  وافقت على خليل فد فرحت راح صير مرة اخوي ههههههه المهم رحنه السوك كل وحده شترت بدله انه اجت عيني على بدله لونها فيروزي اشتريتها
يوم العقد رحنه الصالون حطولي مكياج فه من خلصت باوعت على روحي صخام الصخمني جان كتلها لا كلبي مسحي الحمره طوخ ونوب حمره جان رواء كالت ولج والحسين تخبل لا تمسحينها اشو قتنعت رحنه البيت وصلنه جَانت الجواء تخبل فه امي من شافتني ضلت ترزل بيه ضجت فه رحت طلعت الحمام البره ابجي وامسح الحمره سمعت صوت رجال يمه شسوي وين اروح اذه اعبر اخاف ابين فه دخلت الحمام الي بصف المغسله شوي وسمعت ماكو احد طلعت جان يصير بوجهي رجال،،،،،،،،،،،،،

هيام

اجه يوم خطوبة رواء وخليل لبست بدله جوزيه تخبل مستوره بس بيها فتحه من يم الرجل احنه والبنات جاي نركص جان اجت امي كالت تعاي سلمي على ام امجد رحت ويه امي جان اكو تلث نسوان كاعدات ثنين نسوان صغار وياهن مره جبيره جان تكلهن امي

ام عبدالله : هاي بتي هيام الي ردتو شوفوها

ام امجد : الله مصلي على محمد وآل محمد

ام عبدالله : صليتي على نبيج حبيبتي

ام امجد : تعاي خاله تعاي كعدي بصفي بعد روحي