ضربة قدر

البارت 20

اتمنى
اخليها بقفص واحبسها
وانه الملاك الحارس اليحرسها
هي الأساس بكلشي وبعدين
واكبر طموحي عيونها ومحبسها
رايدها ومعاند والح وتغلى
مثل الطفل لو راد حاجه من اهله
هي المطر والنجمه والغيمه الفوك
هيه الجمال المنه ينبع دجله
اتمنه الكاها من افتح عيني
هذا الصباح وغيره لا تنطيني
ويه الاحبها وابيت والكم ياريت
هاذه اليسمونه العوض لسنيني 💞

هنادي

وسمعنه خوخه طايحه من الدرج وبل مستشفى راح خليل وانه لمن ما حطيت العبايه على راسي بدون حجاب من كد الخوف خوخه بنسبه الي اختي لماجابتها امي ركضة فتحت الباب صار بوجهي الرجال الي شافني بعقد خليل ورواء يمه طاح كلبي جان يكول

سلام عليكم خويه خليل موجود

هنادي سديت الباب بوجها من الخوفه وحجيت من وره الباب

هنادي : وعليكم السلام خويه خليل ما موجود

شوي ورد عليه كال

ها تمام مع السلامه

هنادي راح سمعت صوت سيارته طلعت ركضت البيت  جدي من وصلت شفت يوسف واكف بل باب جان يكول

يوسف : شنهاي ولج جايه بدون نعال

هنادي باوعت على رجليه ستغفر الله حته شحاطه نسيت البس من وره هاذه الجه جان كتله

هنادي : يوووو ولله نسيت البس شحاطتي من كد ما عقلي مو وياي عليك الله شلونها خوخه

يوسف : ولله مادري هسه راح اروح الها المستشفى

هنادي : عليك الحسين اخذني وياك احس كلبي راح يوكف من الخوف

َيوسف : شاخذج وانتي لا حجاب ولا نعال

هنادي : هسه بس نطيني دقيقتين لبس نعال وحجاب واجيك

يوسف : باعي اذه تتأخرين اعوفج واروح

هنادي : نطيني دقيقه واجيك

هنادي دخلت البيت جدي شفت شيلت بيبيتي على الحبل جريتها لبستها درت منا منا شفت بس نعال لونه اصفر جريتها لبسته رحت شفته راكب السياره ركبت ويا مشت السياره وصلنه المستشفى نزلت اركض اجه وراي يوسف سئل شخص دلاه رحت اركض وصلت شفت روان وعبدالله الوارث كلتلهم

هنادي : ها بشروني شلونها خوخه

هنادي ما اشوف اله روان طاحت من الضحك وعبدالله حط يده على وجها وجسمه يهتز من الضحك صحت بيهم

هنادي : هسه على شنو ضحكون انه كلبي راح يوكف من الخوف ونتو جاي ضحكون

عبدالله : بويه بيش تبيعين كيمر عرب

روان : اخخخخ يمه بطني راح اموت هههههههه

هنادي درت لكيت يوسف يضحك