ဇာတ်လိုက်မင်းသား၏အနောက်ဆောင်ကမီးတောက်နေပြီဟေ့!

Chapter 5 - ခြိမ်းခြောက်ခြင်း

သူ၏အသံသည် ကွဲအက်နေပြီး ညို့ငြင်နိုင်စွမ်းရှိလေသည်၊ အလိုမကျမှုတွေပြည့်နှက်နေသည့်အသံက ပတ်ဝန်းကျင်လေထုအားလေးလံသွားစေသည်။

ဝေချီလီ ဝန်ခံခါနီးတွင် လုယန်းဖူသည် သူမကိုကျော်သွားပြီး လျှိုလုရီရှေ့တွင် ရပ်လိုက်သည်ကိုတွေ့လိုက်ရသည်။
သူသည် လျှိုလုရီကို အထက်စီးဆန်စွာငုံ့ကြည့်နေသော်လည်း လျှိုလုရီက အလျှော့မပေးပဲ သူ့ကိုပြန်ကြည့်နေသည်။
ဝေချီလီ မျက်ခုံးအနည်းငယ်ပင့်လိုက်ပြီး အနည်းငယ် မပျော်သလို ခံစားလိုက်ရသည်။
အဲ့ကောင်က အခုငါ့ကိုလျစ်လျူရှုသွားတာလား။

" မင်းက တော်တော်လေး သတ္တိရှိတာပဲ။ လက်နက်သယ်ဆောင်ထားရုံသာမက ကိုယ့်ကိုတောင်မှတိုက်ခိုက်ရဲသေးတယ်။ လျှိုလုရီ၊ အား လျှိုလုရီ၊ မင်းမှာ မဲနက်နေတဲ့နှလုံးသားရှိတာပဲ။
မင်းဖခင်နဲ့ အကိုက ငါ့လက်ထဲမှာဆိုတာ မမေ့နဲ့။ ယုံချင်ယုံ မယုံချင်နေ၊ မင်းအကိုကို သူ့ကိုသတ်ပေးဖို့တောင်းပန်လာတဲ့အထိနာကျင်အောင် ကိုယ်နှိပ်စက်ပြမယ်။ "

ဒါကိုကြားတော့ လျှိုလုရီ ကျစ်ကျစ်ပါအောင်လက်သီးဆုပ်ကာ လုယန်းဖူကို ဒေါသတကြီးကြည့်လိုက်သည်။
" ရှင် သူကို ဘာလုပ်မလို့လဲ။ "

စိုးရိမ်နေသည့် သူမကိုမြင်တော့ လုယန်းဖူစိတ်လျှော့သွားပြီး ပြုံးလိုက်သည်။
" ကိုယ်က အရာရှိငယ်လေးပဲဟာ ဘာနည်းလမ်းတွေရှိနိုင်မှာလဲ။
အရင်က သူကြုံတွေ့ခဲ့ရသလိုမျိုး ထပ်ပြီးကြုံတွေ့အောင် ရိုးရိုးရှင်းရှင်းပဲ ကိုယ်လုပ်မှာပါ။ "

လျှိုလုရီ မျက်လုံးများမဲမှောင်သွားပြီး မေ့လဲလုမတတ် သွေးများပွက်ပွက်ဆူလာခဲ့သည်။
လုယန်းဖူကို နီရဲနေသောမျက်လုံးများဖြင့် စိုက်ကြည့်လိုက်ပြီး ဘာမှမပြောနိုင်တော့ပေ။

ဝေချီလီသည် နောက်ကနေစောင့်ကြည့်နေခဲ့သည်။
လျှိုလုရီကို ဒီ‌လောက်ထိဒေါသထွက်လာအောင် လုယန်းဖူ ဘယ်လိုလှည့်ကွက်တွေသုံးလိုက်တာလဲဆိုတာ သူမ အတော်လေးသိချင်မိသား။

" ရှင်လိုချင်တာ ဘာလဲ၊ ကျွန်မ ရှင့်ပြောသမျှနားထောင်ပါ့မယ်။ "
ခဏတာ တိတ်ဆိတ်နေပြီးနောက် လျှိုလုရီပြောလိုက်သည်။