عندما تعشق قاصر

لقاء ابطال 🫶

الجزء الاول

عندما تــعــشق قــاصــر ♕

بقامي انا : 3ᎯᏚᏚᏫᏌᏝᎯ

واقفة قدام باب مكتب المدير ، يديها يرجفو خايفة اول مرة يناديلها ،كون يسمع بوها ولا امها راحت عليها لانهم يقارعو  على شعرة باه يحبسوها قراية بلعت ريقها وتلفتت تشوف في صحبتها لي واقفة من بعيد تكوراجي فيها ،تبسمت فوق قلبها وقفزتى وقت سمعت صوت الباب تفتح تلفتت تشوف تلقاه المدير ،بلعت ريقها ودخلت موراه تشوف في كل الجوانب من غير ما تركز مع المدير، لمحت راجل قاعد معاه ،  ما اكدتش معاه بزاف ، قربت من للكرسي وقعدت بكل هدوء تستنى فيه يهدر ويهني قلبها ، شوية وجا صوته في مسامعها : بنتي اسينات اليوم جاني عرض انك تروحي لثانوية قريبة ليكم فهمتي! عارف ظروفك صعيبة بزاف ومكيش تنجمي تتسايري معاها ولهذا انا خممت فيك ، ولقيتلك حل، لمعو عينيا وانا نسمع في كلامو لي فرخني بزااف ونحالي اكبر مشكلة في حياتي ،تنهدت بارتياح نسمع بكلامو : ملا يا بنتي راح يفتح ليسي قريب لقريتكم منا لعام جاي تتحولي ليه أن شاء الله وجدي اوراقك من دوك احسن ، تنهدت بارتياح اوموا تفوت الباك  وهيا قريبة لدارهم مبقاش بزاف عامين وتأخذ شهادتها لي متمنيتها ، بعدما كمل كلامو تلفتت لراجل لي مقابلو كان رجل ثلاثيني  جذاااب لابعد الحدود،لحية مطراسية هيبة ووقار من جلستو اما كان مركز معايا بزاف لي خلاني نهبط عينيا حشمانة منو تبسمت للمدير وخرجت مش سايعتني الدنيا من الفرحة واخيرا راح يتحلو قاع مشاكلي ونريح في راسي، غير خرجت تلاقيت برفيقة دربي، ليندا: يووو متخلعينيش شا قالك؟؟ تبسمت ليها وعنقها بقوة : قالي غادي ندخل ليسي قريب من القرية تسما حتى انتي راح تولي تقري تم وهك رانا ضمنا الامان ونروحو ونولو والله غاية، تبسمت ليندا وعينياها لمعو وزادت عنقتها اكثر وراحو مكملين طريقهم وهوما يبنوا في احلامهم تحت انظارو لي منجمش ينزلهم